Lawana Nani 1
1
LAWANA 1
LAWANA WAUHKATAYA PAS
(Lawana 1—41)
Lilia lâka kasak pali aihwa ba
1Yamni pali sa baha uplika,
upla watawi nani lâka ra taukras ba,
saurakira nani yabalka bâk sin waras ba,
Gâd lawaska kiki banhwi ba
tilara, aikuki prawi kikras ba.
2Sakuna witin Dawan lâka ra
ai latwanka lâka ba brisa;
bara baha lâka dukiara kakna ra bara
tihmia ra sin ai kupia wal aisisa.
3Bara baha uplika ba dus kum baku sa,
awala lamara mangkan ba,#Job 29.19; Jir 17.8.
ai piua kat ai mâ saki ba,
ai wahia nani ba sin srawras sa.
¡Bara diara sut witin dauki ba, yamni baman takisa!
4Upla watawi nani ba,
baha baku apia sa;
sakuna rais kapan taya nani pâsa mita yakabi ba baku sa.#Job 21.18; Jir 13.24; Os 13.3; Sof 2.2.
5Bahamna watawikira nani ba,
Gâd lâ aisi dauki ba ra sip dimbia apia;
saurakira nani ba,
kasakkira nani aidrubanka ra diara briaia âpu kabia.
6Dawan bui kasakkira nani yabalka main kaikisa;
sakuna upla watawi nani yabalka lika
sauhki tikaia ra brih wisa.#S L 4.18-19; Mt 7.13-14.
Currently Selected:
Lawana Nani 1: MSKTU
Highlight
Share
Copy
Want to have your highlights saved across all your devices? Sign up or sign in
© 2010 Bible Society in Nicaragua