Aiseya 1
1
Juda, kiamka watawikira
1Dahra aisaia bîla nani ba, Aiseya, Emus luhpia ba ra param marikan kaikan, Juda, Jerusalem wal dukiara; Ozías,#2 Ki 15.1-7; 2 Kr 26.1-23. Jotam,#2 Ki 15.32-38; 2 Kr 27.1-9. Ahaz,#2 Ki 16.1-20; 2 Kr 28.1-27. Ezequías#2 Ki 18.1—20.21; 2 Kr 29.1—32.33. Juda#Miq 1.1. kingka aimaki kan ba yua nani ra.
2Kasbrika pura bara tasba,
man nani aman wali bas, Dawan aisi ba:
“Luhpa nani pakri, witin nani sut tara sakri,
bara witin nani ba yang maipara buan.
3Wark bîpka wainhka ba ai dawanka kaikisa,
biriku sin ai dawanka daiwan watla ba;
sakuna Israel yang upliki nani
ai dara walaia tânka âpu sa.”#Jir 8.7.
4¡Alai, upla saura dadaukra nani,
watawi lâka man twilki banhwisa ba,
saura dadaukra kiamka nani,
watawi lâka luhpia nani!
Dawan wina laihura takan nani,
Israel Gâdka Holikira ba wina sin
laihura takan, Gâd ba lulki swin.
5¿Dîa muni man nani klala kau makabisma?
Wînam aiska ba mai wipan sa.
Lamla ba insauhkan sa,
karnikam sin aiska âpu pali takram sa.
6Man nani minam bîla wina lamla bahna kat,
diara yamni kumi sin âpu sa;
baha sut ba, insauhkan baman, prukan baman, taya sukwan baman sa;
sîka mangkras, kwala wilkras,
batana laiki latwanka ba sin daskras.#Jir 30.12-15.
7Tasbayam ba sauhkan sa, upla iwras
tasbaya baku swin,
tawan tara nani ba angkan amisa.
Man nani kaikisma
waihlam nani bal man nani mangkram ba bri pîsa,
upla iwras tasbaya baku sa
Sodoma slingban kan ba baku.
8Saion ba yakan swin bâra buisa,
wain nasla tara bilara,
mani watla lupia kumi yakan bâra ba baku,
dista briaia watla lupia rayapisa nasla ra yakan bâra ba baku sa,
tawan tara yakan bara waihla nani tnaya kir kutban sa.
9Karnika sut pali bri Dawanka ba mita,
upla dakni sirpi nâra ban wan swiras kan kata,
nanara yawan na pat Sodoma, Gomora baku takan kaia kan.#Bla St 19.1-29; Ro 9.29.
Witin yamni kaiki ba dauki mayunaia
10Sodoma wihtka nani, man nani lika Dawan bîla na wals;
wan Gâdka lâka nani na aman wals,
Gomora uplika nani, dîa mai smalkaia ba.#Jir 23.14.
11Dawan aisisa:
“¿Dîa dukiara man nani daiwan nani
ban ailal angki aikisma ki?
Sîp nani aiska angki aikisma,
kau sin want ai daukras sa,
bîp lupia nani batanka angkisma ba sin;
bîp wainhka nani,
bîp lupia nani, guts nani tâlia ba,
brin ai daukras.
12Man nani ba yang maiwanra buaia aulma,
sakuna, ¿ya man nani ra mamkaban waitla ra bal minam taibaia?
13Sakripais bahki nani
kau yang ra bri balpara;
kiasmika ba kau brin ai daukras.
Kati raya yua, bara ris yua#Ris yua: naha sika ris yua ba.
liliaka daukaia dukiara,
man nani upla paiwisma ba,
sakuna, yang sip kau ban kupi alki takaskras sna,
baha uplika nani ai saurka dauki ba.
14Kati raya bara asla aidrubaia yua nani liliaka daukisma ba,
saura kaikisni;
¡baha trabil ai munisa,
yang kau sip kupi alki takaskras!#Jir 6.20; Em 5.21-22.
15Man nani puram sunaia mihtam bukisma ba ra,
mai kaiki kamna apia;
man nani puram sunra ailal aisama sin,
yang mai walamna apia.
Man nani mihtam nani ba tala baman alkan sa.
16¡Mihtam ba siks, klin dauks!
¡Watawikam lâka nani ba naikra wina sâks!
¡Man nani saura daukaia ba swis!
17¡Lâ yamni daukaia ba man nani lan taks,
trai kaiks dîa kasak ba daukaia,
ai raitka bri ba raitka ba yas,
rau nani lâka ba kasak dauks,
piarka nani raitka ba tâwan aisas!”#Imp St 22.21-22; Kli S 24.17-21; 27.19.
18Dawan aisisa:
“Man nani bal, naha lâka na aisi kaikaia.
Man nani saurkam ba tala pauni kabia sin,
kwala pihni wahmuk baku daukamni;
siksa mâka prâmka ra alkan ba baku kabia sin,
bîp tialka laya baku pihni daukamna.
19Man nani bui yang bîli wali daukaia wima kaka,
plun pain nani tasba wina taki ba man nani pima;
20sakuna kiamapara lâka ban brisma kaka,
war ra âpu prui tiwma.”
Dawan mita baku aisisa.
Dawan Jerusalem klin daukbia
21¡Tawan tara kasakkira katma ba,
nahki muni rug mairin wal baku takram!#Jir 3.6-10; Isi 16.15-36; 23.1-49.
Blasi ra, uplikam sut ba,
kasak lâka ra diara dauki kata ba
bara wapni lâka ra iwi kan,
sakuna nanara upla âikra nani baman bâra sa.
22Silbar katma ba bara
nanara dipasta takram,
wain pain katma ba,
nanara lî takram.
23Wihta nani brisma ba,
mapara babura nani sa,
bara âimplikra nani pânika banhwisa.
Witin nani sut ba lalah mana ai wîna atkisa,
witin nani prisant pliki taukisa.
Rau nani lâka kasak ba sin yaras.
piarka mairin nani lâka sin daukras.
24Baha mita, karnika sut ba Dawanka,
Dawan karnakira Israel ra bâra ba, witin aisisa:
“¡Baha kat aitani!
Yang waihli nani lâka ba daukamni.
Yang bui witin nani ra pana munamna.
25Mihti man nani mampara kli bukamna,
dipastikam nani ba sut pali angkamna;
tâskikam nani ba wina klin pali mai daukamna.
26Yang daukamna man nani blasi wihta nani bri katma ba kli brima,
lâ mai smalki nani kata ba sin.
Yang baha sut daukamna ba ningkara,
ninam ba kli mâkamna
‘Tawan kasakkira’, ‘Kasakka lâka tawanka’.#Sak 8.3.
27Kasakki lâka ni swaki sakaia daukisna ba
Saion ra iwi nani ba pri sakamna,
witin nani ba yang ra kli tawi balbia kaka;
28sakuna mapara babura nani saurakira nani lika
kriki yuya lupia baku daukamna,
ai briras ai swin nani ba lika prui tiwbia.
29Usupum dusa nani ra latwan kaikram ba mita,
man nani swiram daukbia,
dus mâ nasla nani bâk saki briram ba mita sin,
bahki mai kulkan kabia,
bahara aidul nani ra puram suni katma ba.
30Usupum dusa wahia nani,
lâwi yakawi ba baku kama,
dus mâ nasla ra lî âpu ba baku sin.
31Karnakira ba, twi lâwan baku takbia,
ai daukanka nani ba sin biulwaia dukia kabia,
bara wâlsut ambia,
baha daskaia sin upla âpu kabia.”
Currently Selected:
Aiseya 1: MSKTU
Highlight
Share
Copy
Want to have your highlights saved across all your devices? Sign up or sign in
© 2010 Bible Society in Nicaragua