MALAKI 4
4
Ukwisa kwa isiku lya Ntwa
1Untwa Kyala Umwenemaka gosa ikuti, “Keta, ilisiku likwisaga, apa abandu bosa aba bikwiyumbika nabosa ababombambibi, bisakuya bo gu nkupili. Mwisiku lilyo po abene bisakupya, katisa kusyalapo nakamo. 2Loli umwe mwe mukukonga isi nikubabula, amaka ga bupoki gisakusumukaga nukubisila umwe bo li lisuba, go gisakubabumbulusyaga umwe bo li ilangasuba. Mwisakuya babuke nababwikyele bo si ngwata isi basyabwile nkibaga. 3Mwisiku lilyo bo nikubomba sisisi po mwisakubatola abaniongafu, namanga abene bisakuya bo lulufumbi lwa kumalundi ginu.
4“Mukumbukege ulumanyisyo lwa mbombi gwangu Mose, indagilo ningomelesyo isi nalimpele pakyamba kya Sinai, ukubabula abanya Israeli bosa ukuti basikongege.
5“Loli bo likali nukwisa ilisiku lya Ntwa Kyala lila, ilibibi kangi ilipelalutende, nisakuntuma kumyinu unsololi Eliya. 6Yo isakubasayaniaga kangi abana nabisabo, ukuti ndeke ukukyonanga ikisu kyabo.”
Currently Selected:
MALAKI 4: NNBII
Highlight
Share
Copy
Want to have your highlights saved across all your devices? Sign up or sign in
BAIBULO INONGWA INUNU © Bible Society of Malawi, 2017.