Tsefanià 1
1
1Izao no teny nomen’ny TOMPO an’i Tsefanià tamin’ny andro nanjakan’i Jôsià zanakalahin’i Amôna sady mpanjakan’i Joda. I Tsefanià dia zanakalahin’i Kosỳ, zafikelin’i Gedalià, zafiafin’i Amarià ary zafindohalik’i Hezekià#1.1 tamin’ny andro... Joda: izany hoe teo anelanelan’ny taona 640 sy 609 tal J.K.. Raha izany dia niara-belona tamin’i Jeremià mpaminany i Tsefanià (jereo Jer 1.2). –Tsy fantatra raha i Hezekià, razamben’i Tsefanià, no ilay mpanjaka mitovy anarana, izay niara-belona tamin’ny mpaminany Isaià..
Hirotsaka hamely ny tany tontolo Andriamanitra
2Izao no teny hentitra ataon’ny TOMPO:
«Holevoniko avokoa ny aina rehetra
eto ambonin’ny tany.
3Hopotehiko ny olona sy ny biby
ary ny vorona mbamin’ny trondro;
haringako ny ratsy fanahy
sy ny asa manafintohina ataony.
Tsy avelako hisy olona na dia iray aza
eto ambonin’ny tany.
Teny hentitra avy amiko TOMPO izany».
Ny hamelezan’Andriamanitra an’i Joda sy i Jerosalema
4«Hirotsaka hamely ny mponin’i Jerosalema
sy ny vahoaka rehetra ao Joda Aho.
Hofoanako tsy hisy amin’ity toerana ity
ny zavatra sisa rehetra
tamin’ny fanompoana an’i Bahala;
eny, hofoanako hatramin’ny fahatsiarovana
ireo mpisoron’io andriamani-tsiizy io koa aza.
5Hopotehiko izay miakatra an-tafon-trano
mba hivavaka amin’ireo zavatra
eny amin’ny lanitra,
dia izay mivavaka sy mianiana amiko TOMPO
nefa manao izany koa amin’i Milkôma#1.5 Ny fivavahana tamin’ireo zavatra eny amin’ny lanitra izany hoe ireo kintana sy planeta dia fanao tamin’ny fivavahana mesôpôtamianina. Ny mpanjaka Manase sy ny mpanjaka Amôna tao Joda (and 1) dia nampirisika izany (jereo 2 Mp 21.3-5; 21-22). –amin’i Milkôma: araka ny dkt tranainy maro izany, ny rijan-teny hebreo kosa manao hoe: amin’i Meleka andriamaniny na amin’ny mpanjakany. I Milkôma no andriamanitra lehibe indrindra tamin’ireo andriamanitry ny Hamônita (jereo 1 Mp 11.33)..
6Holevoniko izay mihataka miala amiko TOMPO
ka tsy mitady AHY sady tsy mila hevitra amiko.»
7Mangina eo anatrehan’ny Tompo ANDRIANANAHARY
fa efa akaiky ny andro hirotsahany an-tsehatra!
Efa nanomana sorona ny TOMPO,
ary efa nanadio ireo olona nasainy#1.7 ny andro hirotsahany an-tsehatra: jereo Jl 1.15 sy nta. –Efa nanomana... nasainy: ny fanatanterahana ny fitsaran’Andriamanitra an’i Jerosalema dia oharina amin’ny sorona anankiray eto. Ho an’ny sakafo izay manaraka hatrany ny sorona, ilay olona manolotra izany sy ireo olona nasainy dia tsy maintsy manaraka fepetra fidiovana sasantsasany. Sarotra ihany eto ny hanondro marina ireo olona nasain’ny Tompo..
8Izao no teny hentitra ataon’ny TOMPO:
«Amin’izany andro hanaovako sorona izany
dia hofaiziko ny mpitondra sy ny zanaky ny mpanjaka
ary izay rehetra manaraka fomba fitafy vahiny#1.8 Ny fanarahana ny fomba fitafin’ireo firenena vahiny dia matetika famantarana ihany koa ny fandraisana ny kolontsainy sy fivavahany..
9Amin’izany andro izany dia hofaiziko avokoa
izay rehetra mandingana ny tokonan-tempoliny
sy izay rehetra mameno ny tranon’ny tompony#1.9 izay rehetra mandingana ny tokonan-tempoliny: fombam-pivavahan’ny mpanompo sampy izany (jereo 1 Sam 5.5); dkt hafa izay rehetra mianika ny lampihazo (izay misy ny alitaran’ny andriamanitra sampy). –ny tranon’ny tompony: dkt hafa ny tempolin’ny andriamaniny.
amin’ny harena azo an-kosoka sy an-keriny.
10Amin’izany andro izany, hoy ny teny hentitra lazaiko,
ao Jerosalema dia handrenesana
kiaka mafy eo am-bavahadin-trondro
sy fitomaniana ao Antanambao#1.10 Antanambao: fitaran’i Jerosalema eo avaratra andrefan’ny tanàna tranainy.
ary firodanan-trano eny amin’ny havoana.
11Midradradradrà ianareo,
ry mponina an-tanàna ambany#1.11 an-tanàna ambany: dkt hafa amin’ny faritra lempona. ,
fa ho faty avokoa ny mpivarotra,
ho lany ringana avokoa ny mpandranto.
12Amin’izay fotoana izay dia handray fanala Aho
ary hosavaiko ny tanànan’i Jerosalema;
ka hofaiziko ny olona izay mandry fahalemana
toy ny faikan-divay efa mifetaka,
dia izay manao anakampo hoe:
«Sady tsy hanao soa ny TOMPO no tsy hanao ratsy!»
13Koa dia hobaboina ny hareny
ary horavana ny tranony;
hanao trano izy
nefa tsy hitoetra ao;
hamboly voaloboka izy,
nefa tsy hisotro ny divay avy aminy.
Ny andron’ny Tompo
14Manakaiky ilay andro lehibe hiavian’ny TOMPO#1.14 Jereo Jl 1.15 sy nta.,
manakaiky sady ho tamy faingana tokoa.
Vao migadona izany dia kiakam-pahakiviana,
fa na ny lehilahy mahery fo aza
dia hiantsoantso mafy vonjeo!
15Ho androm-pahatezeran’ny TOMPO izany,
ho androm-pahoriana sy tebiteby,
ho androm-paharavana sy fahapotehana,
eny, ho andro maizina mikitroka,
ho andro rako-drahona sy zavona.
16Izany andro izany no handrenesana ny miaramila
hitsoka trompetra sy hanao akoran’ady
hamelezana ireo tanàna mimanda
sy ny tilikambo avo eny amin’ny zorony.
17Hoy ny TOMPO hoe: «Hampahorîko ny olona
ka hitsapatsapa toy ny jamba,
noho izy efa nanota tamiko;
ka ny rany dia hiraraka toy ny vovoka,
ary ny fatiny ho lo tahaka ny zezika.»
18Amin’ny androm-pahatezeran’ny TOMPO,
dia samy tsy hahavonjy ny olona
na ny volafotsiny na ny volamenany.
Fa hiredareda ny fahasaro-piaron’ny TOMPO
ka handevona ny tany tontolo.
Eny, hahatsiravina tokoa izany,
satria haringan’ny TOMPO
ny mponina rehetra amin’ny tany.
Currently Selected:
Tsefanià 1: DIEM
Highlight
Share
Copy
Want to have your highlights saved across all your devices? Sign up or sign in
Dikanteny Iombonana Eto Madagasikara © Malagasy Bible Society, 2004.