Hôbadià 1
1
1Nisehoam-pahitana i Hôbadià, ka izao no voalazan’ny Tompo ANDRIANANAHARY ny amin’i Edôma#1.a Edôma: sady anarana iantsoana faritany no iantsoana ny mponina ao anatiny; jereo ny naoty tandrifin’ny Ham 1.11. –Momba ny and 1.14, jereo Is 34.5 sy nta..
Ambaran’ny Tompo ny haharava an’i Edôma
Nisy iraka nalefa
ho any amin’ny hafa firenena,
ka renay nanambara
filazana avy amin’ny TOMPO hoe:
«Mitsangàna ianareo! Aoka isika hiara-mitsangana
hanafika an’i Edôma!»
2«Indro ianao, ry Edôma,
fa hataoko osa indrindra eo amin’ny firenena;
ka hotsiratsiraina izaitsizy ianao!
3Ny avonavon’ny fonao no nahavery saina anao!
Mitoetra eny an-tsefatsefaky ny harambato ianao,
faritra avobe no misy ny fonenanao#1.3 Ny tanàna atao hoe Petrà, izay midika hoe Vatolampy, no renivohitr’i Edôma; be harambato dia be harambato ny faritany nonenan’ny Edômita sady sarotra idirana sy anihina.,
ka hoy ianao anakampo hoe:
«Iza no hampivarina ahy ho eny an-tany ambany?»
4Na dia miakatra ambony tahaka ny voromahery aza ianao
sy mametraka ny akaninao eny amin’ny kintana,
dia havariko avy eny ianao:
teny hentitra avy amiko TOMPO#1.4 Ampit and 1b-4 sy Jer 49.14-16. izany!
5Raha misy mpangalatra na mpandroba
tonga alina ao aminao,
moa tsy hindaosiny avokoa ve
izay zavatra azony entina?
Indrisy fa fongotra ianao#1.5 Indrisy... ianao: dkt hafa indrisy fa taitra tsy hahahetsika ianao. –Ampit ny and 5 sy Jer 49.9.!
Raha misy mpioty voaloboka tonga eo aminao,
moa tsy voaloboka hotsimponina ve no havelany?
6Endrey izany fisavàn’ny olona ireo fanananao,
ry taranak’i Hesao#1.6 Ny hoe taranak’i Hesao dia ireo Edômita ihany, jereo Gen 25.30.!
Endrey izany fikarohana ny harenao miafina!
7Ny olona rehetra izay nanao fifanekena taminao
no mandroaka anao hatrany ivelan’ny sisin-taninao.
Ny olona tsara fihavanana taminao
no mamitaka anao ka naharesy anao.
Ireo niara-nisakafo taminao
no mamela-pandrika eo amin’ny lalan-kodiavinao.
Ka hoy ireo ny aminao hoe:
‹Tsy misy matsilo saina intsony ao aminy›.
8Amin’izany andro izany manko
no hamongorako ireo olon-kendry ao Edôma
sy ireo matsilo saina
ao amin’ny tendrombohitr’i Hesao:
teny hentitra avy amiko TOMPO izany!
9Dia ho raiki-tahotra mafy
ny lehilahy maherinao, ry Temàna#1.9 Temàna: tanàna tao Edôma faritra avaratra.;
ka haringana avokoa ny mponina
ao amin’ny tendrombohitr’i Hesao.
Nanararaotra ny fahavoazan’ny Israelita ireo Edômita ka hosazina
10«Noho ny taranak’i Jakôba rahalahinao
efa nisetrasetranao sy novonoinao#1.10 Noho ny... sy novonoinao: jereo Ezek 25.12 sy nta; 35.5 sy nta; ary koa Ezek 35.12. –Ny hoe taranak’i Jakôba etoana dia manondro ny mponina tao amin’ny fanjakan’i Joda. –rahalahinao: i Hesao, razamben’ny Edômita, dia rahalahin’i Jakôba (jereo Gen 25.26; 36).,
dia ho safo-kenatra sy haringana mandrakizay ianao!
11Nitsangan-kamely ny Israelita#1.11 Israelita: dia ireo mponina tao Joda. ianao,
tamin’ny andro nandresen’ny vahiny ny tafiny
sy nidiran’ny hafa firenena tao an-tanànany;
fony nozarain’ny vahiny antsapaka
ny fananan’i Jerosalema,
dia niray tetika taminy koa ianao.
12Tsy tokony ho finaritra nijery ireo rahalahinao ianao
tamin’ny andro nahitany loza;
tsy tokony ho nifaly ny amin’ny taranak’i Joda ianao
tamin’ny andro nandringanana azy;
ary tsy tokony ho nanao teny miavonavona ianao
tamin’ny andro nampahory azy;
13tsy tokony ho niditra ilay tanànan’ny vahoakako ianao
tamin’ny andro nandravana azy;
tsy tokony ho finaritra nijery ny fahantràny ianao
tamin’ny andro nandravana azy;
ary tsy tokony ho naninji-tanana haka ny fananany ianao
tamin’ny andro nandravana azy;
14tsy tokony ho namitsaka teo an-tsampanan-dalana ianao
mba hamono izay afa-nandositra taminy;
tsy tokony ho natolotrao ny fahavalo ireo sisa tavela
tamin’ny andro nampahory azy;
15satria efa antomotra ny andro hiavian’ny TOMPO
ka hamelezany ny firenena rehetra.
Amin’izany, dia araka ny nataonao ny hafa
no hatao anao koa;
ary hatsingerina aminao
ny asa ratsinao.
Hanao valifaty amin’i Edôma ny Israelita
16«Ianareo, ry Israelita,
dia efa nisotro ny fahatezerako
teo an-tendrombohitro masina#1.16 nisotro ny fahatezerako: araka ny RM dia hoe nisotro; ao amin’ny Test. T., ny hoe misotro na misotro ny fahatezeran’Andriamanitra dia fomba fiteny enti-manambara ny famaizana ataon’Andriamanitra: jereo Jer 25.15-29; Ezek 23.32-35. –tendrombohitro masina: jereo Ezek 20.40 sy nta.;
toy izany koa no hisotroan’ny firenena azy tsy an-kiato:
eny, hisotro ny fahatezerako izy ka hivembena,
ary dia ho fongana toy ny tsy nisy akory.
17Ho ao an-tendrombohitra Tsiôna kosa ireo sisa tavela,
ka hanjary masina indray io toerana io;
ary ho lasan’ny taranak’i Jakôba
ny tanin’ireo naka ny taniny#1.17 ary ho lasan’ny... taniny (araka ny dkt tranainy grika): dkt hafa ary ho azon’ny taranak’i Jakôba indray ny taniny (araka ny RM). –taranak’i Jakôba: jereo ny naoty tandrifin’ny and 10 erỳ aloha..
18Ny taranak’i Jakôba ho toy ny afo,
ny taranak’i Jôsefa ho toy ny lelafo;
ny taranak’i Hesao#1.18 taranak’i Jôsefa: jereo ny naoty tandrifin’ny Ham 5.6. –taranak’i Hesao: jereo ny naoty tandrifin’ny and 6 erỳ aloha. kosa ho toy ny mololo
ka harehitr’ireo sy holevoniny,
ary tsy mba hisy sisa tavela amin’ny taranak’i Hesao.
Izaho TOMPO no efa niteny!»
Ho eo ambany fahefàn’ny Israelita indray ny faritany manodidina
19Ny mponin’i Joda, faritra atsimo, no hahalasa ny tendrombohitr’i Hesao; ny mponin’i Joda, faritr’i Sefelà, no hahalasa ny tanin’ny Filistinina sady hahalasa ny tanin’i Efraîma, izany hoe ny tanin’i Samaria; ary ny taranak’i Benjamîna no hahalasa an’i Gilehàda#1.19 Ny mponin’i Joda... Samaria: dkt hafa ny mponin’i Joda dia hahalasa ny tendrombohitr’i Hesao, izay any Negèba, sy hahalasa ny tanin’ny Filistinina, izay any Sefelà, ary hahalasa ny tanin’i Efraîma sy ny tanin’i Samaria. –Gilehada: jereo ny naoty tandrifin’ny Ham 1.3..
20Ny babo tamin’ny Israelita, izay tafika marobe, no hahalasa ny tanin’ireo Kanahanita hatrany Tsarefàta. Ny babo tamin’ny mponin’i Jerosalema, izay any Sefaràda#1.20 Israelita: dia ireo mponina tao Israely (fanjakana avaratra). –tanin’ireo Kanahanita: talohan’ny fahatongavan’ny Israelita avy any Ejipta tao Kanahàna, dia niorim-ponenana hatreo atsimo andrefan’ny ranomasina Maty ka hatrany Fenisia ny Kanahanita. –Tsarefàta: tanàna teo amoron-tsirak’i Fenisia, jereo 1 Mp 17.9. –Sefaràda: tanàna izay heverina ho tany Azia Minôra no nisy azy, dia toa ilay atao hoe Sardy atỳ aoriana., no hahalasa ny tanàna any Negèba; 21rehefa afaka amin’ny fahababoana ireo, dia hiakatra ho ao an-tendrombohitra Tsiôna mba hifehy ny tendrombohitr’i Hesao.
Amin’izay ny TOMPO mihitsy no ho mpanjaka.
Currently Selected:
Hôbadià 1: DIEM
Highlight
Share
Copy
Want to have your highlights saved across all your devices? Sign up or sign in
Dikanteny Iombonana Eto Madagasikara © Malagasy Bible Society, 2004.