Hamôsa 1
1
1Tenin’i Hamôsa izay anankiray tamin’ireo mpiompy tao Tekôa. Roa taona talohan’ny horohorontany, dia fahitana no nahafantarany an’ireo teny manakiana ny fanjakan’i Israely ireo, fony mpanjaka tao Joda i Hozià ary mpanjaka tao Israely i Jerôbohama zanakalahin’i Jôasy#1.1 Tekôa: tanàna tokony ho 15 km ao atsimon’i Jerosalema, anatin’ny faritanin’i Joda. –I Israely eto dia manondro ny fanjakana israelita any avaratra, izay fanjakana nisaraka tamin’ny fanjakan’i Joda nanomboka tamin’ny nahafatesan’i Salômôna. –ny horohorontany voalaza eto dia heverina ho tamin’ny 760 tal J.K. eo ho eo; jereo Za 14.5. –Hozià na Hazarià, mpanjakan’i Joda: jereo 2 Mp 15.1-7; 2 Tan 26.1-23. –Jerôbohama II, zanakalahin’i Jôasy, mpanjakan’i Israely: jereo 2 Mp 14.23-29.. 2Hoy i Hamôsa hoe:
Avy ao Tsiôna ny TOMPO no manerona
ary avy ao Jerosalema Izy no manandra-peo.
Dia malahelo ny saha fiandrasana biby fiompy
ary maina ny tampon’i Karmela#1.2 ny Tompo no manerona: ampit Jl 4.16. –Karmela: tendrombohitra mandondona ny ranomasina Mediteranea, eo atsimon’ny tanàna Haîfà ankehitriny. Saha mahavokatra no hevitry ny teny hebreo hoe Karmela. .
Ny fanakianan’ny Tompo an’i Israely sy ireo firenena manodidina azy.
(Ny Sirianina)
3Izao no lazain’ny TOMPO:
«Fahotana mifanesy no vitan’ny mponin’i Damasy,
fa indrindra ity anankiray ity:
Novakivakîny tamin’ny hersa vy ny mponin’i Gilehada#1.3 Momba an’i Damasy, dia jereo Is 17.1 sy nta. –Gilehada: faritany israelita ao atsinanan’i Jôrdàna..
Noho izany, dia tsy hahemotro ny sazy momba azy:
4«Handefasako afo ny lapan’i Hazaela mpanjaka,
ka ho levon’izany koa ny trano-fiarovan’i Bena-Hadada#1.4 afo: izany hoe ady mangotraka entin’ny fahavalo ka miafara amin’ny fandoroana ny tanàna na ny faritany (1.7, 10, 12, 14; 2.2, 5). –Hazaela: jereo 2 Mp 8.7-15, 26. –Bena-Hadada: jereo 2 Mp 13.3-4. mpanjaka.
5Hopotehiko ny hidim-bavahadin’i Damasy;
haringako ny mponina ao an-dohasahan-keloka
sy ilay mpitana tehim-panjakana ao an-dapam-pilibana;
ary ny vahoakan’i Siria ho lasan-ko babo any Kira#1.5 an-dohasahan-keloka sy an-dapam-pilibana no hevitry ny teny hebreo hoe Bikata-Avena sy Bety-Hedena izay heverin’ny sasany ho anaran-tany. –Kira (jereo 2 Mp 16.9) dia faritra izay fiavian’ny Sirianina araka ny Ham 9.7. –Momba ny and 3-5: jereo Is 17.1-3; 2 Mp 10.32-33; 16.7-9; Jer 49.23-27..
Izaho Tompo no miteny.»
(Ny Filistinina)
6Izao no lazain’ny TOMPO:
«Fahotana mifanesy no vitan’ny mponin’i Gazà#1.6 Ny mponin’i Gazà dia anisan’ny Filistinina; jereo Is 14.29 sy nta.,
fa indrindra ity anankiray ity:
nentiny ho babo avokoa ny iray tanàna manontolo
mba hatolony ho an’ny Edômita.
Noho izany, dia tsy hahemotro ny sazy momba azy:
7Handefasako afo ny tanànan’i Gazà
ka ho levon’izany ireo lapany.
8Dia haringako ny mponina ao Asdôda
sy ilay mpitana tehim-panjakana ao Askelôna;
ary hahodiko hamely an’i Hekrôna ny tanako#1.8 I Gazà (and 7) sy i Asdôda ary i Askelôna sy i Hekrôna no isan’ireo tanàn-dehibe any Filistia. –Momba ny and 6-8: jereo Tsef 2.4-7; Jer 47; Ezek 25.
ka ho faty izay sisa amin’ny Filistinina.
Izaho Tompo ANDRIANANAHARY no miteny.»
(Ny Fenisianina)
9Izao no lazain’ny TOMPO:
«Fahotana mifanesy no vitan’ny mponin’i Tiro,
fa indrindra ity anankiray ity:
Natolony ho babo ho an’ny Edômita avokoa
ny iray tanàna manontolo,
fa tsy notsarovany ny fanekem-pirahalahiana
nataony tamin’i Israely#1.9 Ny mponin’i Tiro dia anisan’ny Fenisianina; jereo Is 23.1 sy nta. –fanekem-pirahalahiana: jereo 1 Mp 5.26; 9.13..
Noho izany, dia tsy hahemotro ny sazy momba azy.
10Handefasako afo ny tanànan’i Tiro
ka ho levon’izany ireo lapany#1.10 Momba ny and 9-10: jereo Is 23; Ezek 26–28..»
(Ny Edômita)
11Izao no lazain’ny TOMPO:
«Fahotana mifanesy no vitan’ny mponin’i Edôma#1.11 Edôma (jereo and 9): vahoaka mipetraka ao atsimon’ny ranomasina Maty ary notondroina ho taranak’i Hesao ao amin’ny Gen 36; momba ny Edômita, dia jereo Is 34.5 sy nta.,
fa indrindra ity anankiray ity:
Nenjehiny hotrobarana sabatra ny Israelita rahalahiny
sady tsy nananany antra akory;
tsy nisy fetra ny fahatezerany namiravira,
ary nitahiry lolom-po mandrakariva izy.
Noho izany, dia tsy hahemotro ny sazy momba azy:
12Handefasako afo ny tanànan’i Temàna
ka ho levon’izany koa ireo lapa ao Bôtserà#1.12 Temàna, Bôtserà: tanàna nisy ny fonenana nentim-paharazana ho an’ireo filohan’ny Edômita. –Momba ny and 11-12: jereo Hôb; Is 34; Jer 49.7-22; Ezek 25.12-14; 35..»
(Ny Hamônita)
13Izao no lazain’ny TOMPO:
«Fahotana mifanesy no vitan’ny Hamônita#1.13 Hamônita: mponina ao amin’ny fanjakana kely anankiray ao atsinanan’i Jôrdàna. I Rabà (and 14) renivohiny dia teo amin’ny toerana misy ny tanàna Amman ankehitriny. Momba ny Hamônia dia jereo Jer 49.1 sy nta.,
fa indrindra ity anankiray ity:
Notatahany ny kibon’ireo bevohòka tao Gilehada
mba hanitarana faritany.
Noho izany, dia tsy hahemotro ny sazy momba azy:
14Handefasako afo ny tanànan’i Rabà
ka ho levon’izany ireo lapany;
sady hisy akoran’ady amin’ny andro iadiana
ka hahery vaika toy ny tafio-drivotra ny fifamelezana.
15Ho lasan-ko babo ilay mpanjakany
sy ireo manamboninahitra miaraka aminy#1.15 Momba ny and 13-15; jereo Tsef 2.8-11; Jer 49.1-6; Ezek 21.33-37; 25.1-7..
Izaho Tompo no miteny.»
(Ny Môabita)
Currently Selected:
Hamôsa 1: DIEM
Highlight
Share
Copy
Want to have your highlights saved across all your devices? Sign up or sign in
Dikanteny Iombonana Eto Madagasikara © Malagasy Bible Society, 2004.