1
Nunnak Thu
1A hramthokah Thu a rak um. Cuih Thu cu Pathian thawn a um ih Pathian a si. 2A hramthok ihsin cuih Thu cu Pathian thawn a um zo. 3Amah sung ihsin Pathian in ziang hmuahhmuah a seemsuah; seemsuah mi thil hmuahhmuah sungah hin amah tel loih tuahmi pakhatte hman a um lo. 4Cuih Thu cu nunnak ih hram a si ih cuih nunnak cun minung hnenah tleunak a run thlen. 5Tleunak cu khawthim sungah a tleu ih thimnak in a hmit thei dah lo.
6Pathian in a palai Johan a thlah ih, 7Johan cu mi hnenah cuih tleunak thu sim dingin a ra. A simmi hmuahhmuah in an theih ih an zumnak dingah a ra a si. 8Anih cu tleunak a si lo; tleunak thu sim dingah a rami a si sawn. 9Cuih tleunak cu tleunak taktak a si. Cuih tleunak cu leitlun ah a ra ih mi hmuahhmuah tlettu a si.
10Cuih Thu cu leitlun ah hin a um ih amah sung ihsin Pathian in leilung hi a tuah naón leilung in amah cu a thei lo. 11A ram sungah a ra naón a minung pawl in an rak saang lo. 12Mi òhenkhat cun an saang ih an zum; curuangah Pathian ih faate cantheinak thu a pek. 13Pathian ih faate an cannak cu leilung daan, minung ih thi le sa in hrinmi in a si lo; Pathian amah rori kha an Pa a si.
14Cuih Thu cu minung ah a cang ih kan lakah a um; zaangfahnak le thutak in a khat. A sunlawinak kan hmu ih a Pa in a fapa neihsun hnenih a pekmi sunlawinak a si.
15Johan in cupa ih thu cu hiti in a sim: öðAmah cu ka hnuah a ra; asinain kei hnakin a tum sawn, ziangahtile amah cu ka suah hlanah a rak um zo,ó tiih ka lo simmi kha amah ih thu hi a si,” tiah a ti.
16A famkim zetmi a zaangfahnak thawn kannih cu in thlawsuah zo ih a thlawsuah cu pakhat hnu pakhat in pek a si. 17Pathian ih Daan cu Moses hnen ihsin in pek; asinain zaangfahnak le thutak cu Jesuh Khrih sung ihsin a ra. 18Zohman in Pathian cu an hmu dah lo. A Pa ih Fapa neihsun, a òaang sungih a pommi, Pathian a si mi in a langter zo a si.
Baptisma Petu Johan Simmi Thu
(Mat 3.1-12; Mar 1.1-18; Luk 3.1-18)
19Jerusalem ih Judah hotu pawl in puithiam òhenkhat pawl le Levi mi pawl kha Johan hnenah cun an thlah ih, öNang hi zoso na si?” tiah an va sut.
20Johan cun an thusuhmi cu pheh lotein a let ih, öKei hi Messiah ka si lo,” tiah fiangtein zapi theih ah a sim.
21Annih in, öAsile zoso na si? Elijah na si maw?” tiah an sut.
Johan in, öKa si lo,” a ti.
Annih in, öProfet na si maw?” an ti lala.
öKa si lo,” a ti thotho.
22Annih in, öCuti asile zoso na si, in simhnik. Na thu lehmi cu in thlahtu hnenah kan va sim sal a òul. Zo ka si, tiin so na ti awk?” tiah an sut.
23Johan in Profet Isaiah ih simmi kha a vun lak ih, öKei cu ðBawipa ih fehnak lamzin kha dingter uh,ó tiih ramòhingih a au-mi aw kha ka si,”#Isai 40.3 tiah a ti.
24Farasi pawl ih an thlahmi palai pawl cun, 25Johan cu thu an sut sal ih, öMessiah na si lo ih Elijah le Profet khal na si lo ahcun ziangah so baptisma na pek?” tiah an ti.
26Johan in, öKei cun tidai in baptisma ka pek, asinain nan lakah nan theih hrih lomi mi pakhat a um. 27Amah cu ka dungah a ra lai; sikhalsehla kei cu a kedam hri phoihtu hmanah ka tlak lo,” tiah a ti.
28Hitiih an suh awknak hmun cu Johan in baptisma a peknak Jordan tiva ihsin nisuah lamih a ummi Bethani#Bethani timi hi Jordan ihsin nisuah lam ih um a si. Khuitawk zawn ah ticu fiangtein theih a si nawn lo. Jerusalem kiangih um Bethani thawn cun a dang ih Jordan ihsin nitlak lam um a si. khua ah a si.
Pathian Tuufa
29A thaisun ah Johan in Jesuh a hnenih a rat lai kha a hmu ih, öLeilung sualnak a phurtu Pathian Tuufa khi zohhnik uh! 30ðKa dungin mi pakhat a ra, asinain kei hnakin a tum sawn, ziangahtile ka suah hlanah anih cu a rak um zo,ó tiih a thuhla ka sim rero zo mipa cu amah hi a si. 31Amah hi zo a si ding ti ka rak thei lo. Asinain amah hi Israel mi pawl ih an theihnak dingah tidai in baptisma ka pek rero sannak a si,” tiah a ti.
32Johan in, öThlarau cu vancung ihsin thuro bangin a rung ih a parah a rung fut kha ka hmu. 33Amah teu a si tihi ka rak thei thotho cuang lo, sikhalsehla tidai in baptisma pe dingih i thlahtu Pathian in ðThlarau a rung ding ih mi pakhat parih a fut kha na hmu ding; cupa cu Thlarau Thianghlim in baptisma petu ding a si,ó tiah i sim. 34Cupa cu ka hmu ngah zo. Fiangtein ka lo sim: Amah cu Pathian Fapa a si,” tiah a hmuhmi le a theihmi kha a sim.
Jesuh Dungthluntu Hmaisa Bik Pawl
35A thaisun ah Johan le a dungthluntu pahnih cu cutawk ah an ding sal ih, 36Jesuh a rat kha an hmuh tikah, öPathian Tuufa khi zohhnik uh,” tiah Johan in a ti.
37Cutiih a timi cu a dungthluntu pahnih cun an thei ih Jesuh hnenah cun an feh ve. 38Jesuh cu a dunglet a her ih an rak thlun kha a hmuh tikah, öZiang so nan hawl?” tiah a sut.
Annih in, öRabbi, khui-ah so na um?” tiah an let. Rabbi ticu zirhtu Sayapa tinak a si.
39Jesuh in, öRa uhla ra zohhnik uh,” tiah a ti. Cuih tikcu cu zanlam nazi pali hrawng a si. An feh ih a umnak cu an va hmu ih cuih ni cu a hnenah an caam ta.
40Cuih mi pahnih lakah pakhat cu Simon Piter ih naupa Andru a si. 41Hmakhatteah a u-pa Simon kha a va hawl ih a hmuh tikah, öMessiah cu kan hmu zo,” tiah a ti. Messiah timi cu Khrih tinak a si. 42Cule Simon cu Jesuh hnenah a fehpi.
Jesuh in amah cu a zoh ih, öNa hmin cu Johan fapa Simon a si; sikhalsehla Sefas tiah kawh na si thlang ding,” a ti. Sefas ticu Piter ti thawn a bang aw ih a tican cu ðlungto,ó tinak a si.#ðLungtoó ti cu Grik òong in ðpetraó an ti ih Aram mi (Aramaic) òong in ðkephaó an ti. Cumi cu siar tikah Grik aw suakin ðSefasó ti a si.
Jesuh In Filip Le Nathanael A Ko
43A thaisun ah Jesuh cu Galilee feh a tum. Filip kha a hmu ih a hnenah, öI thlun aw,” tiah a ti. 44Filip cu Andru le Piter umnak Bethsaida khua mi a si. 45Filip in Nathanael a tong ih a hnenah, öMoses in Daan cabu sungah a thuhla a nganmi le profet pawl khal in a thuhla an ngan mipa kha kan tong zo. Amah cu Josef fapa Jesuh, Nazareth khuami a si,” tiah a ti. 46Nathanael in, öNazareth khua in thil òha a suak thei pei maw?” tiah a ti.
Filip in, öRa zohhnik awla!” tiah a ti.
47Jesuh in Nathanael a rat kha a hmuh tikah, öIsrael mi taktak hi zohhnik uh! A thinlung ah zianghman hrawhhrawlnak a um lo,” tiah a ti.
48Nathanael in, öZiangtin so i theih?” tiah a sut.
Jesuh in, öFilip ih a lo kawh hlan theipi kung hnuai ih na to lai ah khan ka lo hmu zo,” tiah a ti.
49Nathanael in, öSayapa, nang cu Pathian Fapa na si! Israel Siangpahrang na si!” tiah a ti.
50Jesuh in, öTheipi kung hnuai ih na to lai ka lo hmu, ka ti ruangah i zum a si maw? Hi hnakih thil maksak tampi na hmu lai ding!” tiah a ti. 51Cule an hnenah, öThungai in ka lo sim: vancung khi a ong aw ding ih Milai Fapa parah hin Pathian ih vancungmi an òum le an kai kha nan hmu ding,” tiah a ti.
Loading reference in secondary version...