Asa 1
1
Ampanantenaina ny Fanahy Masina ny apôstôly
1Any ianao ry Teôfily,
Ilay boky voalohany#1.1 Jereo Lk 1.1-4; ny Asan’ny apôstôly dia tohin’ny Vaovao Mahafaly araka an’i Lioka. dia nanoratako ny zavatra rehetra nataon’i Jesoa sy nampianariny, hatrany am-panombohany 2ka hatramin’ny andro nampiakarana Azy ho any an-danitra. Talohan’ny nampiakarana Azy, dia namelany baiko tamin’ny herin’ny Fanahy Masina ireo nofidiny ho apôstôly#1.2 namelany... ho apôstôly: dkt hafa namelany baiko ireo nofidiny ho apôstôly tamin’ny herin’ny Fanahy Masina. Misy mampitohy ny hoe tamin’ny herin’ny Fanahy Masina amin’ny hoe nampiakarana Azy (talohan’ny nampiakarana Azy tamin’ny herin’ny Fanahy Masina). . 3Porofo maro no nentin’i Jesoa nanambara tena fa velona Izy taorian’ny nahafatesany: niseho tamin’ny apôstôly Izy nandritra ny efapolo andro sady nidinidinika taminy momba ny Fanjakàn’Andriamanitra. 4Ary indray andro i Jesoa dia niara-nisakafo taminy#1.4 niara-nisakafo taminy: dkt hafa tafaraka taminy. –Momba io tenin’i Jesoa io, dia jereo Lk 24.49. ka nanafatrafatra azy hoe:
–Aza miala eto Jerosalema, fa andraso ilay fanomezana nampanantenain’ny Ray, izay efa renareo tamiko. 5I Jôhany#1.5 Jôhany, izany hoe i Jôhany Mpanao batisa: jereo Mt 3.11; Mk 1.8; Lk 3.15; Jôh 1.33. dia nanao batisa tamin’ny rano; fa ianareo kosa, rehefa afaka andro vitsivitsy, dia hatao batisa amin’ny Fanahy Masina.
Miakatra any an-danitra i Jesoa
6Koa izay tafangona teo amin’i Jesoa dia nanontany Azy hoe:
–Tompo ô, izao ve no fotoana hanarenanao indray ny fanjakana ho an’i Israely#1.6 Ampit Ham 9.11-12; Lk 19.11.?
7Fa novalian’i Jesoa hoe:
–Tsy anjaranareo ny mahalala ny fotoana na ny vaninandro voatendrin’ny Ray araka ny fahefàny manokana#1.7 Ampit Mk 13.32.. 8Fa hahazo hery ianareo rehefa hilatsahan’ny Fanahy Masina, ka ho vavolombelona hanambara Ahy eto Jerosalema sy eran’i Jodea mbamin’i Samaria ary hatrany amin’ny faran’ny tany#1.8 Ampit Mt 28.19; Mk 16.15; Lk 24.47-48..
9Nony avy nilaza izany i Jesoa, dia nakarina any an-danitra teo imason’izy ireo; ary nisy rahona nanakona an’i Jesoa ka tonga tsy hitan’izy ireo intsony Izy#1.9 Ampit 16.19; Lk 24.50-51..
10Raha mbola nibanjina ny lanitra niakaran’i Jesoa teo iny izy ireo, dia indreo nisy roa lahy nanao fitafiana fotsy#1.10 Ampit Lk 24.4. tafajoro tampoka teo anilany 11ka nanao taminy hoe:
–Ry lehilahy galileanina, nahoana no mijanona eto mijery ny lanitra ianareo? Iny Jesoa Izay nalaina teo aminareo hakarina any an-danitra iny, dia mbola ho avy indray tahaka ny nahitanareo Azy nankany an-danitra.
Ny solon’i Jodasy
12Dia niverina nankany Jerosalema ny apôstôly, rehefa niala teo amin’ilay tendrombohitra atao hoe Analanôliva, tendrombohitra akaiky an’i Jerosalema tokony ho iray kilaometatra#1.12 Jereo Mt 11.1 sy nta. (halaviran-dalana azo aleha amin’ny sabata). 13Ka nony tonga tao an-tanàna izy ireo, dia niakatra tao amin’ny efitrano ambony rihana#1.13 efitrano ambony rihana: efitrano fahita eo an-tafon-trano marin-tampona tamin’ny trano tany Palestinina fahizany. –i Petera... zanakalahin’i Jakôba: ampit Mt 10.2-4; Mk 3.16-19; Lk 6.14-16. fitoerany: dia i Petera, i Jôhany, i Jakôba, i Andrea, i Filipo, i Tômà, i Bartôlômeo, i Matio, i Jakôba zanakalahin’i Halfeo, i Simôna Zelôta ary i Jodasy zanakalahin’i Jakôba. 14Niray fo izy rehetra sady nazoto nivavaka niaraka tamin’ny vehivavy mpino sy i Maria renin’i Jesoa mbamin’ireo rahalahin’i Jesoa#1.14 rahalahin’i Jesoa: voateny ombieniombieny izany ao amin’ny 1Kôr 9.5; Mk 6.3; Mt 12.46..
15Andro vitsivitsy taorian’izany nony tafavory ny mpino miisa tokony ho 120, dia nitsangana teo afovoan’izy rehetra i Petera ka nanao hoe:
16–Ry havako, tsy maintsy notanterahina izay nambaran’ny Fanahy Masina mialoha ao amin’ny Soratra Masina; fa niteny tamin’ny alalan’i Davida Izy ny amin’i Jodasy#1.16 Ampit Sal 41.40. izay tonga mpitarika ireo nisambotra an’i Jesoa; 17anisanay apôstôly ihany i Jodasy ary nandray anjara tamin’izao fanompoanay izao. 18Koa izany lehilahy izany dia efa nahavidy saha ho an’ny tenany tamin’ny vola azony, tambin’ny heloka vitany; potraka nihohoka izy, nipoaka ny kibony ka nivaroraka daholo ny tsinainy. 19Fantatry ny mponina rehetra eto Jerosalema izany, hany ka io saha io dia nantsoin-dry zareo amin’ny fiteniny hoe Hakeldamà, izany hoe Sahan-dra#1.19 Momba ny and 18-19, jereo Mt 27.3-10. Naverin’i Jodasy ny vola azony ka nividianan’ireo lohandoha-mpisorona ilay saha..
20Fa izao no voalazan’ny Soratra Masina ao amin’ny bokin’ny Salamo:
«Aoka ho lao ny tranony,
ary aoka tsy honenan’olona akory!»
Ary izao koa:
«Aoka ho lasan’olon-kafa ny andraikiny#1.20 Sal 69.25; 109.8.!»
21Ao ireo lehilahy mpiara-dia taminay nandritra ny andro rehetra nifaneraseran’i Jesoa Tompo taminay, 22hatramin’ny andro nanaovan’i Jôhany batisa an’i Jesoa ka hatramin’ny andro nanalana Azy taminay sy nampiakarana Azy any an-danitra#1.22 nanaovan’i Jôhany batisa an’i Jesoa: dkt hafa nanaovan’i Jôhany batisa. Jereo Mt 3.16; Mk 1.9; Lk 3.21. –nampiakarana Azy any an-danitra: jereo 1.9 sy nta.. Koa amin’ireo no tokony hisy anankiray ho namanay mba ho vavolombelona hanambara fa nitsangana velona i Jesoa Tompo.
23Nisy roa lahy natokana hifidianana, dia i Jôsefa atao hoe Barsabasy, izay nampiana anarana hoe Imarina, sy i Matià. 24Ary niara-nivavaka izy rehetra nanao hoe:
–Ianao no mahalala ny fon’ny olona tsy an-kanavaka, Tompo ô, ka asehoy izay nofidinao tamin’izy roa lahy ireto, 25handray ny toerana amin’izao fanompoana maha apôstôly izao, fa nilaozan’i Jodasy izany hankanesany any amin’ny toerany manokana. 26Dia nanaovana antsapaka izy roa lahy, ary voatendrin’ny antsapaka i Matià, ka dia izy no lany ho naman’ny apôstôly 11 lahy.
Currently Selected:
Asa 1: DIEMDC
Highlight
Share
Copy
Want to have your highlights saved across all your devices? Sign up or sign in
Dikanteny Iombonana Eto Madagasikara © Malagasy Bible Society, 2004.