Cantares 1
1
1Q'ueoj yu'un Salomón,#1 R 4.32; Cnt 3.9-11. ja' no'ox stuc toj lec ta scotol yantic q'ueojetic.
Sba scojal q'ueoj
Ants
2Ac'o sts'uts'un li avee,
yu'un toj lec mu jech chac c'u cha'al ya'lel ts'usub li c'upinel avu'une.
3Toj mu yic' li muil poxiletic avu'une;
li abie toj lec jech chac c'u cha'al yic' muil poxil ti c'alal chich' malele,
ja' yu'un lec sc'anojicot li tsebetique.
4Ic'un batel ta ora;
ajvalil, ic'un batel ta ana.
Tsebetic
Toj xcuxet no'ox co'ntoncutic avu'un,
yu'un toj jun yutsil li c'upinel avu'une, ja' jech chac c'u cha'al ya'lel ts'usub,
ja' yu'un toj lec sc'anojicot li antsetique.
Ants
5Antsetic ta Jerusalén,
tsajal antsun no'ox, pero lec c'upil jba,
jech chac c'u cha'al carpanaetic ta Cedar,
jech chac c'u cha'al poq'uetic smac sventana Salomón.
6Mu ja'uc xaq'uelic ti tsojun no'oxe, ti c'aq'uemun no'ox ta c'ac'ale.#1.6 C'ac'ale - Oy boch'o chalic jtotique.
Yu'un li jchi'iltac ta voq'uele i'ilinic ta jtojol;
la staquicun batel ta xchabiel ts'usubtic,
jech mu'yuc la jtuc'ulan jba jtuc li vu'une.
7Jc'upil vinic, albun ca'ay
¿bu chbat avac'be sa' sve'elic li achijtaque?
¿Bu chbat avac'be xcux yo'ntonic ta o'lol c'ac'ale?#1.7 C'ac'ale - Oy boch'o chalic jtotique.
¿Me lec ti xco'laj xchi'uc jmulavil antsun te ta jsa'ilanot ta stojol li yan jchabichijetique?
Tsebetic
8¿Me mu xana' bu vo'ot ti atuc no'ox toj lec alac' aba ta scotol yantic antsetique?
Ja' t'unbo batel yav yacan li chijetique;
te xavac' ve'uc avunin tentsuntac ta nopol snail xcuxub-o'ntonic li jchabichijetique.
Vinic
9Cunin c'upil tseb, toj lecot;
co'olot jech chac c'u cha'al slequil sme' sca' faraón ti chnitbat scaretae.
10Lec xa c'upil sba asat c'otem yu'un li staq'uinal achiquine;
toj alac' xa sba anuc' c'otem yu'un li anats'e.
11Li staq'uinal achiquine ta jpastic yan ta c'anal taq'uin;
lec butumtic sba capbil ta saquil taq'uin ta jpastic.
Ants
12C'alal te chotol ta sti' xmexa li ajvalile,
li muil poxil quich'oje la spuc sba yic'.
13Li jc'upil vinique ja' jech chac c'u cha'al
jchup muil poxil cac'oj ta sna co'nton.
14Li jc'upil vinique ja' jech c'otem cu'un
jech chac c'u cha'al jchoj xnich alhenya ti xch'i ta ts'usubaltic te ta En-gadie.
Vinic
15Cunin c'upil tseb, toj alac' aba, toj ven c'oc'ot;
li xchibal sbec' asate xco'laj xa xchi'uc cha'cot stsumut yilel ti toj alac' sbae.
Ants
16Jc'upil vinic, toj lec c'ac'al vinicot, toj c'upil aba;
li jvayabtique ja' jech chac c'u cha'al nichimaltic.
17Li sts'amte'altac jnatique puru ch'ut te'etic;
li smac sjole puru nuculpat tojetic.
Currently Selected:
Cantares 1: TZE97
Highlight
Share
Copy
Want to have your highlights saved across all your devices? Sign up or sign in
Tzotzil Chenalhó DC Bible © Sociedad Bíblica de México, a. c., 2002.