Eclesiástico 1
1
Ja' ti bu ilic tal li bijilile
1Scotol li bijilile ja' te ta xlic tal ta stojol li Cajvaltique,
yu'un ja' te oy o ta stojol sbatel osil.
2¿Boch'o xu' yu'un yatel li yi'al ti'nabe?
¿Boch'o xu' yu'un yatel jaybaj chac' li vo'e, xchi'uc c'u yepal li c'ac'altic ta sliqueb c'alal to ta sbatel osile?
3¿Boch'o xu' yu'un sbisel c'u stayalil li vinajele,
xchi'uc c'u sjamlej li banamile, xchi'uc c'u snatil li xabe?
4Li bijilile te ono'ox oy o ti c'alal sc'an to'ox xich' pasel scotole;
li sjamubil jba jsatique te oy o sbatel osil.#1.4 Li ver. 5 oy ta yan poco' vunetic jech chac li'i: Li bats'i staubil jbijiltique ja' te ta sc'op li Dios ta vinajele. Li lequil beetic bu ch-ic'van batele ja' lequil mantaletic sventa sbatel osil.
6Li bijilile ¿boch'o yilojbe yibel?#Bar 3.1-15.
¿Boch'o yotquinoj c'uxi oy?#1.6 Li ver. 7 oy ta yan poco' vunetic jech chac li'i: ¿Boch'o i'ac'bat sna' yotquinel li bijilile? ¿Boch'o laj ya'aybe smelol li chanubtasel yu'une?
8Yu'un jun no'ox li boch'o bije, ja' no'ox stuc xi'bil o;
ja' li Cajvaltic ti te chotol ta spasubmantale.
9Ja' li boch'o laj yac' bijilile.
Ja' sq'ueloj xchi'uc ja' sna'oj c'u yepal;
ja' te laj yac'an ta scotol li yabteltaque.
10Bisbil laj yac'be sbijilic scotol li cristianoetique.
Ja' ep sbijilic li boch'otic lec c'anbilic yu'une.
Ja' lec quich'tic ta muc' li Cajvaltique
11Me ta xquich'tic ta muc' li Cajvaltique,
ja' jlequilaltic ta xc'ot, xchi'uc ja' xcuxetel co'ntontic,
xchi'uc jun no'ox co'ntontic yu'un.
12Me ta xquich'tic ta muc' li Cajvaltique, stse'in no'ox co'ntontic yu'un,
xcuxet no'ox, mu c'u xtal ta co'ntontic, xchi'uc ta xnatub corailtic.
13Li boch'otic ta xich' ta muc' li Cajvaltique, lec ta xbat yu'unic;
c'alal me ichamique, lec chich' albel sc'oplalic.
14Li sliquebal bijilile ja' me ta xquich'tic ta muc' li Cajvaltique,#Cf. Job 28.28; Sal 111.10; Pr 1.7; 9.10; 15.33; Eclo 19.20.
xchi'uc yac'ojbe ono'ox sbijilic ta xch'ut sme'ic li boch'otic jun yo'ntonic chlic yich'ic ta muq'ue.
15Ja' yu'un li bijilile te inaqui o ta stojol cristianoetic;
te ch-ayin o ta sjunul yo'nton ta stojol li smomnich'nabique.#Cf. Pr 8.31; Bar 3.38; Sab 10.
16Me ta xquich'tic ta muc' li Cajvaltique, lec bijutic o.
Yu'un ja' ech'em lec chca'itic li sat ti chijyac'butic ta co'ntontic li bijilile.
17Yu'un ja' ta snojesbeic ta snaic scotol li c'usi tsc'an yo'ntonique,
xchi'uc li sat c'usi ta sts'unique ta snojesbat li snail yu'unique.
18Me quich'ojtic o ta muc' li Cajvaltique, te nojem ta joltic li bijilile;
ja' chac' nichinuc ya'yel ti jun co'ntontique, xchi'uc ti lec chijch'i chijc'opojutique.
19Yu'un ja' ta xac' talel jech chac c'u cha'al vo' li jbijiltic xchi'uc li sjamubil jba jsatique;
ta x'ac'at ta ich'el ta muc' li boch'o tsnaban sba ta stojole.
20Me ta xquich'tic ta muc' li Cajvaltique, ja' bats'i yibel li bijilile;
ta sc'obc'obtaque ja' te chich' tael li natil cuxlejale.#1.20 Li ver. 21 oy ta yan poco' vunetic jech chac li'i: Me chquich'tic ta muc' Cajvaltique, ta xnamaj batel li mulile. Li boch'o te nabal o ta stojol Cajvaltique mu x'ac'bat stoj smul yu'un li Cajvaltique.
22Li boch'o mu tuc'uc yo'nton ti ta anil no'ox c'usi tsc'an tspase, mu'yuc bu ta sts'icbat;
ta yipal no'ox sc'ac'al yo'nton te tsts'et sba stuc.
23Li boch'o oy smuc'ul yo'ntone tsts'ic yu'un c'alal to tsta yorail xu' chc'opoj;
ta ts'acale ja' ta sta xcuxetel yo'nton.
24Li boch'o sna' spajes sba, ti tsmala no'ox ya'ye,
ta ts'acal ta xlic albatuc sc'oplal ti lec bije.
25Li bijilile chac' caltic lequil razonetic;
yan li jpasmulile ta sbaj yich'el ta muc' li Diose.
26Me chac'an chata li bijilile, ja' ch'uno li mantaletique,#Ec 12.13; Eclo 19.20.
jech chayac'bot li Cajvaltique.
27Me chavich' ta muc' li Cajvaltique, jech chata abijil, xchi'uc chatojob batel;
c'usi lec chile ja' ti jun co'ntontic ta stojole xchi'uc ti lec no'ox xijmametutique.#Pr 15.33.
28Mu me xabaj yich'el ta muc' li Cajvaltique;
mu me ta chibeteluc avo'nton xanoch'aj batel ta stojol.
29Mu me xalo'lavan ta stojol li cristianoetique;
q'uelo me aba achi'uc li c'usi chavale.
30Mu me xatoy aba, yu'un jech mu xayal ta lum,#Mt 23.12.
xchi'uc jech mu xayal ta q'uexlal.
Yu'un li Cajvaltique chil li c'usi mucul chanope;
ts'acal chayac'ot ta q'uexlal ta satilal
ta scoj ti mu xavich' ta muc' li Cajvaltique,
yu'un ja' nojem ta avo'nton li lo'lavanej ta mucule.
Currently Selected:
Eclesiástico 1: TZE97
Highlight
Share
Copy
Want to have your highlights saved across all your devices? Sign up or sign in
Tzotzil Chenalhó DC Bible © Sociedad Bíblica de México, a. c., 2002.