Juan 15
15
Li Jesuse ja' bats'i smuc'ta aq'uil ts'usub c'otem
1Jech to laj yal li Jesuse: “Vu'un bats'i smuc'ta aq'uil ts'usub c'otemun.#Is 5.1-7. Li Jtote ja' jchabits'usub. 2Scotol li sc'obc'ob ts'usub li' oy ta jtojol ti mu xac' sate, ta se'p loq'uel li jchabits'usube. Yan ti bu lec chac' sate, ta xich' meltsanel, ta xich' lecubtasel, yu'un jech ech'em ac'o satinuc. 3Li vo'oxuque lecubtasbiloxuc xa ta sventa li jc'op laj calboxuque. 4Li' me oyanic o ta jtojol, jech te oyun o ta atojolic ec. Na'ic me, ti manchuc stsacoj sbaic xchi'uc smuc'ta aq'uil li sc'ob ts'usube, mu satin ti jechuque. Ja' jechoxuc, mu'yuc c'usi xu' avu'unic ec ti me mu li'uc oyoxuc o ta jtojole.
5“Vu'un li smuc'ta aq'uilun ts'usube. Li vo'oxuque sc'obc'oboxuc ts'usub. Li boch'o li' oy o ta jtojole, te oyun o ta stojol ec, jech xu' yu'un ep ta satin. Yu'un me avoc'oj abaic ta jtojole, mu'yuc c'usi xu' avu'un atuquic. 6Li boch'o mu sc'an li' oy o ta jtojole, ta xich' jequel loq'uel jech chac c'u cha'al sc'ob ts'usub, jech te ta xtaquij o. Ts'acal ta xich' tsobel, ta xich' jipel ochel ta c'oc'; te ta xc'ac' o.
7“Me li' oyoxuc o ta jtojole, me te oy o ta avo'ntonic li jc'ope, xu' chac'anbeic Dios scotol li c'usi chac'anique, jech chayac'boxuc. 8Me chasatinic leque, jech ich'bil ta muc' chc'ot avu'unic li Jtote. Jech chvinaj ti vo'oxuc cajchanc'opoxuque. 9Lec jc'anojoxuc jech chac c'u cha'al lec sc'anojun li Jtote. Li' me oyanic o ta jtojol, yu'un lec jc'anojoxuc. 10Me chach'unbicun li jmantaltaque, j'ech'el jc'anojoxuc o. Jech chac c'u cha'al ta jch'unbe smantaltac li Jtote, jech j'ech'el sc'anojun o.
11“Ti jech laj calboxuc scotole, yu'un jech xu' chavich'ic o li xcuxetel co'ntone. Jech xcuxet no'ox avo'ntonic scotol c'ac'al; mu'yuc c'usi sc'an chava'yic o. 12Jech jmantal chacalboxuc: C'anano me abaic jech chac c'u cha'al lec jc'anojoxuque.#Jn 13.34; 15.17; 1 Jn 3.23; 2 Jn 5. 13Mu'yuc boch'o jech toj ep c'anel yu'un, mu'yuc boch'o xu' ta xac' sba ta milel ta scoj li boch'o lec sc'opan sba xchi'uque. 14Vo'oxuc lec jc'opan jbatic me ja' chapasic scotol li c'usitic laj calboxuque. 15Li vo'oxuque muc xa no'ox caj'abtelucoxuc chca'ay, yu'un li boch'o j'abtel no'oxe mu sna' c'usitic tspas li yajvale. Bats'i jchi'iloxuc xa, yu'un laj xa calboxuc ava'yic scotol li c'usitic ca'yoj tal ta stojol Jtote. 16Muc vo'ocoxuc laj at'ujicun. Vu'un la jt'ujoxuc. Laj cac'boxuc avabtelic, yu'un ac'o satinanic. Li asat chavaq'uique mu xlaj sc'oplal o. Jech chayac'boxuc Jtot scotol li c'usiuc no'ox chac'anbeic ta jventae. 17Jech jmantal chacalboxuc: C'anano me aba acotolic.
Bajbil chac'otic yu'un li cristianoetic ti oyic ta sventa banamile
18“Me chopol chayiloxuc li cristianoetique, na'ic me ti ba'yuc jech chopol laj yilicune. 19Ti co'oluc to chapas achi'uquic li cristianoetic ti oyic ta sventa banamile, lec cha'yic ti jechuque, yu'un ja' jech tsc'anic. Pero li vo'oxuque mu'yucoxuc xa ta sventa banamil, yu'un laj xa jt'ujoxuc loq'uel, ja' yu'un bajbil chac'otic.#Jn 17.14-18. 20Na'ic me ti jech ono'ox calojboxuque: ‘Li boch'o mozo no'oxe ma'uc muc' c'otem ta stojol li yajvale’,#Mt 10.24; Lc 6.40; Jn 13.16. xacutoxuc ono'ox. Me laj yuts'intaicun ec li vu'une, ja' no'ox jech chayuts'intaoxuc ec. Ti lajuc yich'bicun ta muc' ec li jc'ope, chayich'boxuc ta muc' ac'opic ec ti jechuque. 21Ti jech ta spasboxuque vu'un ta jcoj, yu'un mu xotquinic li Boch'o la stacun tale.
22“Ti manchuc litale, ti manchuc tal jc'opanique, mu'yuc smulic ti jechuque. Li' ta orae mu xa c'usi xu' chalic, yu'un oy smulic o. 23Li boch'o chisbajune sbajojic o ec li Jtote. 24Ti mu'yucuc la jpas sq'uelubil jtsatsal ta stojolic ti mu'yuc boch'o yan xu' yu'un jech tspase, mu'yuc smulic ti jechuque. Pero li' ta orae laj xa yilic, pero la sbajicun, xchi'uc laj xa sbajic li Jtote. 25Ti jech chc'ot ta pasele, yu'un ja' chc'ot o ti jech ono'ox ts'ibabil comel ta mantaletic te yich'ojique: ‘Jech no'ox ti chiscontrainicune’,#Sal 35.19; 69.4. xi ono'ox ts'ibabil.
26“C'alal me ital li Jpojvanej#15.26 Jpojvanej - Ta griego oy yan smelol noxtoc; ja' jpat-o'ntonal. Q'uelo Is 40.1. Jech chal noxtoc ta Jn 15.26; 16.7. avu'unic ti ta jtacboxuc yalel tal ta sventa li Jtote, ja' li Ch'ul Espíritu ti ja' Melele, ja' te ta xlic tal ta stojol li Jtote; ja' chtal yalbun jc'oplal li vu'une. 27Jech ec li vo'oxuque chavalbicun jc'oplal, yu'un laj achi'inicun tal c'alal to ta sliqueb.
Currently Selected:
Juan 15: TZE97
Highlight
Share
Copy
Want to have your highlights saved across all your devices? Sign up or sign in
Tzotzil Chenalhó DC Bible © Sociedad Bíblica de México, a. c., 2002.