YouVersion Logo
Search Icon

JUDIT 1

1
Ja' sc'oplal c'usi la snop ta spas li Nabucodonosore
1C'alal xlajchabal xa'ox jabil yochel ta ajvalil li Nabucodonosore, ja' li ajvalil yu'un Asiria te ta muc'ta lum Ninivee,#1.1 Li boch'o la sts'iba vun li'i mu ja'uc no'ox la scan la sts'iba comel li c'usitic no'ox ic'ot ta pasele, yu'un la stsob ta scotol ep ta chop c'usitic ic'otan ta pasel sventa chalbutic c'usi li tsc'an chac' ta a'yel. Ja' sc'oplal van li c'usitic la spas li xchibal ajvalil yu'un li babiloniaetic ti ja' Nabucodonosor sbie. Ja'o te oy ta pasmantal ta yabilal 605-562 sc'an xtal ta banamil li Cristoe. Ja'o yorail laj yich' jinesel li Jerusalene xchi'uc ti i'ic'atic batel ta Babilonia li israeletique. Li Ninivee ja' muc'ta lum yu'un asiriaetic ta yabilal van 700—612 sc'an xtal ta banamil li Cristoe. Ja' ta 612 a.C. laj yich' yinesel. Ja' banquilal j'uts'intavanejetic, xchi'uc ja' yajcontraic li israeletique (q'uelo Nah 1-3). ja'o ajvalil yu'un mediaetic#1.1 Mediaetic - Li mediaetique ja' jun lum ti te oy slumalic ta sloq'uem c'ac'al yu'un Asiria banamile. Ta yabilal 549 sc'an xtal ta banamil li Cristoe ja' i'ich'eic ta venta yu'un persaetic. Yan li Ecbatanae ja' muc' ta lum yu'un li Mediae. Li mediaetic le'e te nabalic ta sjinesel ec li lum Ninivee, ja' yu'un tsc'an chlic yich'ic ta venta sbejel li banamile, pero tsalbil icomic yu'un li Nabucodonosore. Jech muc' lic spas sba o li Nabucodonosore. Li biil Arfaxade ja' te chvinaj ta Gn 10.22,24, pero mu'yuc otquinbil me oy boch'o jech sbi ajvalil yu'unic li mediaetique. te ta Ecbatana ec li Arfaxade. 2Ja' la set ta coralton li spat xocon Ecbatanae, la spas ta pech'ajtic ton. Ti jujubej tone ja' jxuc'umal sjamalil, ja' j'o'lol xcha'jov xchi'uc jch'ix li snatile. Li stayalile ja' jun xcha'vinic xchi'uc o'lol ta jov; li spimile ja' vo'lajun jov. 3Te ta sti' li lume la spasic jun q'uelub osil noxtoc. Ja' yich'oj vucub xcha'vinic (27) ta jov stayalil, li xchotlebe vaxaclajuneb (18) ta jov sjamalil. 4Jech noxtoc li sti'e jtob ta jov stayalil. Li sjamleje ja' lajchab jov, yu'un jech xu' te ta xchol sbaic li soldadoetic ta xchan yacanique.#1.4 Li sc'oplal lum Ninive li'i toj muc' sc'oplal. Ja' no'ox tsc'an ta svinajes ti ech'em xu' yu'un li Nabucodonosore, ti ivu' yu'un tsalvaneje (vv.13-15). Albil lec sc'oplal li'i ti ech'em xu' yu'une, pero chac' ta a'yel noxtoc ti itsalat yu'un jun israel antse, ja' Judit sbi.
5Ja'o yorail lic spasic c'op li ajvalil Nabucodonosor xchi'uc li ajvalil Arfaxad te ta muc'ta stenlejaltic ta yosilal Raguele. 6La stsob scotol li boch'otic te nacajtic ta toyolaltic te ta ti'ti' uc'um Eufratese, xchi'uc li boch'otic te nacajtic ta ti' uc'um Tigris ta Hidaspe, xchi'uc te la stsob sbaic ta stojol li boch'otic ventainbilic yu'un li ajvalil Arioc te ta stenlejaltic yu'un lum Elame. Jech iloq'uic batel ep yantic lumetic bat stsaquic ta pasc'op li xnich'nabtac Jeleude.
7Li Nabucodonosor ajvalil ta Asiriae la stac batel j'almantaletic ta Persia xchi'uc ta yantic lumetic ta smaleb c'ac'al, ta Cilicia, ta Damasco, ta Líbano xchi'uc ta jelovel to Líbano, xchi'uc ta ti'ti' nab ta Carmelo, 8ta Galaad, ta toyolaltic yu'un Galilea, ta muc'ta stenlejaltic yu'un Esdrelón, 9ta Samaria xchi'uc ta bic'tal lumlumtic ta jot uc'um Jordán c'alal ta Jerusalén, ta Betané, ta Jelús, ta Cades, ta yuc'umal Egipto, ta Tafnés, ta Ramsés, ta scotol Gosén, 10c'alal to ta sjelovel Tanis, ta Menfis, ta scotol yosilal Egipto c'alal to ta sts'aquil Etiopía. 11Scotol lumetic le'e la sbajbeic smantal li j'almantaletic yu'un ajvalil Nabucodonosor ta Asiriae, mu'yuc la snaban sbaic ta stojol. Mu'yuc bu la xi'ic ti stuc no'oxe, ja' yu'un jech no'ox isut yu'unic li yaj'almantaltaque; jeche' smeyoj sc'ob sutic.
12Li Nabucodonosore ven tsots i'ilin ta stojol li lumetique. Jech laj yal ta jamal ta sventa spasubmantal, xchi'uc ta sventa bu c'alal tspas ta mantal: “Ta jpacbe sutel ya'yic scotol li yosilal Cilicia, Damasco xchi'uc Siria banamile. Ta jmil scotolic li moabetic, amonetic, xchi'uc israeletic ta scotol yosilal Egipto banamil c'alal to ta sti'iltac li chib nabe”, xi.
13Ta svuclajunebal jabil yochel ta ajvalilal li Nabucodonosore, la stsac sbaic ta c'op xchi'uc li ajvalil Arfaxade. La stsal ta c'op, laj yuts'intabe yajsoldadotac xchi'uc li boch'otic cajajtic ta ca' xchi'uc ta caretaetic chanovique. 14Laj yu'uninbe scotol li lumetic sventainoje, ic'ot c'alal to ta Ecbatana. Laj yich'be li q'uelub osile, la soquesbe li xoraltic yu'une. La sc'atajesbe ta xq'uexlalic li st'ujumaltac slumalique. 15Li Arfaxade laj yich' chuquel batel ta toyolaltic ta Ragau. La smil comel ta flechaetic li soldadoetique, jech j'ech'el ilaj o sc'oplal. 16Jech isutic xchi'uc scotol svinictac li Nabucodonosore xchi'uc li epal soldadoetic yu'une. Bats'i epic ta jyalel, xvochetic no'ox c'otel. Te oyic vacvinic (120) c'ac'al, te la stsob sbaic, la spasic q'uin, la xcux yo'ntonic.

Currently Selected:

JUDIT 1: TZE97

Highlight

Share

Copy

None

Want to have your highlights saved across all your devices? Sign up or sign in

YouVersion uses cookies to personalize your experience. By using our website, you accept our use of cookies as described in our Privacy Policy