Oseas 1
1
Sc'oplal yajnil Oseas xchi'uc xnich'nab
1Li Oseas xnich'on Beerie ic'opanat yu'un Muc'ul Dios ti c'alal ja'o i'ochic ta ajvalilal ta Judá li Uzías,#2 R 15.1-7; 2 Cr 26.1-23. Jotam,#2 R 15.32-38; 2 Cr 27.1-8. Acaz,#2 R 16.1-20; 2 Cr 28.1-27. xchi'uc Ezequiase,#2 R 18.1—20.21; 2 Cr 29.1—32.33. xchi'uc ti c'alal ja'o ochem ta ajvalilal ta Israel li Jeroboam#2 R 14.23-29. xnich'on Joase.
2Ja' jech la sliques ya'yej ta stojol Oseas li Muc'ul Diose, jech laj yalbe: “Bat ic'o jun jmulavil ants; ac'o ayinuc avalab anich'nabic achi'uc. Jech yalab jmulavil ants chc'otic. Yu'un li Israel banamile soquem o ta mulil yu'unic; svoc'oj sbaic o ta jtojol li israeletique, jech yalab jmulavil ants c'otemic”, x'utat.
3Li Osease bat yic' li Gomer, stseb Diblaime, lic xchi'in yol; ivoc' jun squeremic. 4Li Muc'ul Diose jech laj yalbe li Osease: “Jezreel#1.4 Jezreel - Jech ic'ot sbi ta scoj ti ja' sbi li biq'uit lum yo' bu oy sna li ajvaliletic ta Israele. Li ajvalil Jehue ja' te la smilbe smomnich'nab Acab (2 R 10.11). xavac'be sbi li avunin quereme, yu'un jutuc xa sc'an xcac'be stoj smulic li smomnich'nabtac ajvalil Jehú ta scoj ti la smal ch'ich' te ta Jezreele.#2 R 10.11. Jech chcac' lajuc o sc'oplal ti tspas mantal stuc li Israele. 5Me la sta li sc'ac'alil le'e, vu'un ta jc'asbe li st'ilesubil sflecha Israel te ta soplejaltic Jezreele”, x'utat.
6Li antse la xchi'in yol yan velta; tseb ivoc' yu'un. Li Muc'ul Diose jech laj yalbe li Osease: “Lo-ruhama#1.6 Lo-ruhama - Ta hebreo c'op ja' smelol mu'yuc c'uxubinbil. xavac'be sbi li avunin tsebe, yu'un mu'yuc xa ta jc'uxubin o li smomnich'nab Israele; mu'yuc xa ta jts'icbe li smulique. 7Yan li smomnich'nabtac Judae ja' c'ux ta co'nton. Vu'un jtuc ta jcolta, vu'un li Muc'ul Diosun yu'unique. Pero muc ta flechauc, muc ta espadauc, muc ta ca'eticuc sventa pasc'op, muc ta soldadoeticuc cajajtic ta ca' ta jcoltaic”,#Zac 4.6. xi.
8C'alal icom xchu' li Lo-ruhamae, lic xchi'in yol yan velta li antse; querem ivoc' yu'un. 9Li Diose jech laj yalbe li Osease: “Lo-ammi#1.9 Lo-ammi - Ta hebreo c'op ja' smelol mu ja'uc jteclumal. xavac'be sbi li avunin quereme, yu'un li vo'oxuque muc xa jteclumalucoxuc, muc xa vu'cun Diosun avu'unic”,#Os 1.6. x'utat.
Tsta coltael yan velta lum Israel
10Pero ta to sta sc'ac'alil,
li israeletique ja' jech yepal chbatic jech chac c'u cha'al yi' ta ti'nab#Gn 22.17.
ti mu stac' atel, ti mu stac' bisele.
Li xq'uexol ti jech to'ox laj yich'ic albele:
“Li vo'oxuque muc xa jteclumalucoxuc”, ti x'utatique,
jech chlic albaticuc:
“Vo'oxuc xnich'naboxuc cuxul Dios”,#Ro 9.25-26. x'utatic.
11Ja' yu'un li smomnich'nabtac Judá xchi'uc Israele
ta xlic stsob sbaic yan velta;
jun no'ox banquilal yu'unic ta xlic sva'anic.
Buyuc no'ox banamilal oyic ta xtal stsob sbaic ta Jerusalén.
Yu'un toj muc' sc'oplal li sc'ac'alil Jezreele.
Currently Selected:
Oseas 1: TZE97
Highlight
Share
Copy
Want to have your highlights saved across all your devices? Sign up or sign in
Tzotzil Chenalhó DC Bible © Sociedad Bíblica de México, a. c., 2002.