Ester (dc) 1
1
Ivaychin li Mardoqueoe#1.1-22 Ivaychin li Mardoqueoe - Li sliqueb a'yej li'i ja' co'ol xchi'uc cap. 11.1-12 ta jayibuc biblia ti bu tiq'uil li deuterocanonicoe. Ja' chal ti ta to staic tsots vocol li israeletique, pero ta xcoltaatic yu'un Dios.
1aC'alal xchibal xa'ox jabil yochel ta ajvalilal li Asueroe,#1.1a Asueroe - Ja' Artajerjes sbi ta griego c'op. li Mardoqueo xnich'on Jair smomnich'on Semei xchi'uc Quise, ti ta jchop sts'unubal yu'un Benjamine, ivaychin ta sba c'ac'al yochel yu'un u Nisán.#1.1a Nisán - Q'uelo Yotol Israeletic. 1bLi Mardoqueoe ja' judio vinic te nacal ta lum Susa, ja' ac'bil tsots yabtel ta spasubmantal li ajvalile. 1cJa' li boch'o co'ol i'ic'atic loq'uel ta Jerusalén xchi'uc li Jeconías, ajvalil ta Judae, ja' ti co'ol ichucatic batel ta Babilonia yu'un Nabucodonosore. 1dOy c'usi laj yil ta xvayech,#1.1d Xvayech - Ja' to ta cap. 10.3b-3 chalbe c'usi smelol li xvayeche. xvo'et no'ox chauc xchi'uc niquel ta scotol banamil. 1eTe ta xvayech iloc' tal cha'cot muc'ta jti'vanej chon ep sjol; ta sc'an ta stsalvan ta pasc'op, tsots xlaquet no'ox. 1fC'alal laj ya'yic scotol li lumetique, lic xchapan sbaic c'u cha'al ta stsaquic ta c'op li jchop boch'otic lec tuc' yo'ntonique.#1.1f Boch'otic lec tuc' yo'ntonique - Ja' sc'oplal li israeletique.
1gC'alal jech ic'ot ta pasele, i'ic'ub ya'yel li osile ta scoj ti ep vocol, at-o'ntonal, xchi'uc xi'ele, yu'un xi'bal sba li c'usi chc'ot ta pasel ta sba banamile. 1hScotol li boch'o tuc' yo'ntonique iniquic ta xi'el ta scoj li vocolile. Laj yalbe yo'ntonic ti te chchamic oe. Ja' no'ox tsots la sc'anbeic vocol Muc'ul Dios li c'usi chc'ot ta pasele.#1.1h Li' ta svun Ester mu'yuc bu chalbe sc'oplal Dios, pero ta versión griego c'op chalbe sc'oplal. 1iLi sc'opique ja' jech ic'ot jech chac c'u cha'al nio' te ipas ta uc'um, toj yan to sba yepal bat li vo'e. 1jTe isacub osil, iloc' tal c'ac'al ta stojolic. Li boch'o abul sbaique i'epajic, yan li jtoybaetique ja' iyich'ic ulesel, jech laj yil ta xvayech. 1kC'alal ijulov li Mardoqueoe, lec la xchabi ta yo'nton, sjunul ac'ubal la snopilan li c'usi la xvaychintae, yu'un i'ac'bat yil ti oy c'usi tsc'an tspas li Diose, ja' yu'un tsc'an chac' ta a'yel li c'usi smelol la xvaychintae. 1lLi Mardoqueo xchi'uc chib caponetique, ja' Bigtán xchi'uc Teres, ja' jmoj ochemic ta xchabiel li spasubmantal ajvalile, te no'ox oyic o. 1mYu'un laj ya'ay Mardoqueo c'usi la xchapanic li chibique. Yu'un ja' ta scontrainic li muc'ta ajvalil Asueroe. Li Mardoqueoe la xcholbe ya'ay ajvalil scotol li c'usi ta xchapanique. 1nLi ajvalile la sjac'beic lec li chib jchabi ti'naetique, jech te laj yalic ta jamal. Pero li ajvalile laj yal mantal ti ac'o yich'ic milele. 1oJa' yu'un li ajvalile laj yac' ta ts'ibael ta vun sventa c'u cha'al mu xch'ay ta yo'nton cristianoetic li c'usi ic'ot ta pasele. Li Mardoqueoe la stsac ta vun scotol li c'usitic laj yalilan li chib yaj'abteltac ajvalile. 1pTa ts'acal li ajvalile laj yac'be yabtel sventa xchi'inel ajvalil li Mardoqueoe; xchi'uc laj yac'be ep matanal. 1qLi Amán xnich'on Hamedatae, ja' te liquem ta Agag, ja' jun vinic ti lec ich'bil ta muc' ta stojol li ajvalile, ja' yu'un la snopilan c'uxi xu' ta smil li Mardoqueo xchi'uc li xchi'iltac ta scoj ti laj yaq'uic ta milel chib yaj'abtel ajvalile, ja' li caponetique.#1.1p 1.11-1.1p - Li c'usi chalbe sc'oplal li'i ja' ti la scolta ta milel muc'ta ajvalil li Mardoqueoe, yu'un la snop ta smilic muc'ta ajvalil li chib yaj'abteltaque. Ta yantic Biblia ja' co'ol xchi'uc cap. 12.1-6.
Currently Selected:
Ester (dc) 1: TZE97
Highlight
Share
Copy
Want to have your highlights saved across all your devices? Sign up or sign in
Tzotzil Chenalhó DC Bible © Sociedad Bíblica de México, a. c., 2002.