2 Juan 1
1
Patub o'ntonal
1Vu'un jcholc'opun, ta jc'opanot tal achi'uc li avalabe, vo'oxuc ti t'ujbiloxuc yu'un Diose. Ta melel lec jc'anojoxuc. Ma'uc no'ox vu'un ti lec jc'anojoxuque. Ja' jech sc'anojoxuc noxtoc li boch'otic laj xa xch'unic li sc'op Dios ti ja' melele. 2Lec jc'anojotcutic ta sventa li sc'op Dios ti ja' melele, yu'un li' oy ta co'ntontic ta sbatel osil. 3Ac'o xc'uxubinoxuc li Dios Totile, xchi'uc li Jesucristoe, ja' li Xnich'on Jtotic Diose. Ac'o spasboxuc o ta jun avo'ntonic ta sventa li c'usi melele xchi'uc ta sventa ti jc'anoj jbatique.
Mantal ta sventa c'anvanej
4Toj xcuxet co'nton c'alal laj quil jayibuc avalabtac ti ja' ta xch'unic c'usi melel#3 Jn 3. jech chac c'u cha'al yalojbutic li Jtotic Diose. 5Li' ta orae ta jc'anbot vocol ti ac'o jc'anan jbatic jcotoltique.#Jn 13.34; 15.12,17. Ma'uc ach' mantal ta jts'ibabot tal; ja' ono'ox li mantal laj ca'itic c'alal lic jch'untique. 6Me ta jc'an jbatique, ja' ta jch'unbetic o smantal li Diose. Ja' jech li mantal ca'yojtic tal ta sliquebale, ja' ti ac'o jc'anan jbatique.#Jn 14.15,23-24; 1 Jn 5.3.
Sc'oplal jlo'lavanejetic li' ta banamil
7Yu'un oy xa ep jlo'lavanejetic buyuc no'ox ta xanovic, mu xch'unic ti i'ay yich' sbec'tal li Jesucristoe. Li boch'o jech tspasique ja' jlo'lavanejetic, xchi'uc ja' yajcontratac Cristo.#Mt 7.15; 1 Jn 2.18; 4.1-3. 8Q'uelo me abaic li vo'oxuque, yu'un jech mu alticuc ch-ech' li cabtelcutic ta atojolique, jech chc'ot avich' lec amotonic.
9Me oy boch'o xjelov to sna' xchanubtasvan scuyoj sbae, me mu ja'uc ta xch'un jech chac c'u cha'al ichanubtasvan li Jesucristoe, mu'yuc Dios ta stojol. Yan li boch'o ja' ta xch'un c'u x'elan ichanubtasvan li Jesucristoe, ja' oy ta yo'nton li Jtotic Diose xchi'uc li Nich'onile.#1 Jn 2.22-23; 4.15. 10Me oy boch'o chc'ot ta atojolic ti mu jechuc ta xchanubtasvanic jech chac c'u cha'al ichanubtasvan li Jesuse, mu me xavotes ta anaic, xchi'uc “lec ti latale”, mu me xavuticuc. 11Yu'un li boch'o “lec ti latale”, xute, ta smaquibe li c'usi chopol ta spase.
Slajeb c'op
12Oy to ep c'usitic ta jc'an ta xcalboxuc tal, pero mu jc'an ta jts'ibaboxuc tal,#3 Jn 13-14. yu'un ta jc'an ta xtal jq'ueloxuc jtuc, jech xu' ta jc'opan jbatic lec ta quetic, yu'un jech xcuxet no'ox co'ntontic.
13Chabanucot la xalic yalabtac avix ti t'ujbil yu'un Diose.
Currently Selected:
2 Juan 1: TZE97
Highlight
Share
Copy
Want to have your highlights saved across all your devices? Sign up or sign in
Tzotzil Chenalhó DC Bible © Sociedad Bíblica de México, a. c., 2002.