NAHUM 1
1
1Heika Elkosh mas dah Nahum nyvng dah nyoqnyvng, Ninewe wus lyis toeuq dah loeus nghuot.#Esa 10.5-34, 14.24-27; Zep 2.13-15
Yhensain Ninewe lyis Nhaiqyo
2 Yhensain Mangso ka nyang lyis xiq bang hank lyis eq ma jhen;
nyang lyis loqyom tyonh bang lyis joeng.
Nyang nhaiqlom dyis zis yah lvto phuk.
3 Yhensain ka nhaiq lvnyap ma yo laus eq,
nyang yomsoq bos las yobos bos soeu lhyi
ma joeng khanhamp eq ma kat kat.
Yhensain suh yvmas lyeisjyang toq los;
jyommauh gas nyah khyei mhayah toqh dah phvlhau nghuot.
4Nyang, thomh lyis zaudang khyoq lyis houka kanh loh!
Nyang jeislvng jens lyis kyuk nhang.
Bashan katjang nyhauh loh.
Kharmel boms muih loh,
Lebanon mas dah ban eq shen tyamp.
5 Yhensain xikkhonh mas boms jens dwis las
jing jens yaus tyamp.
Yhensain thuq los uhlyis nyeisjvng gas nonh nyeis.
Mungkvn yahge nyah dius jens dvnganh nvn nyeis.
6Nyang nhaiqyo lyis hank yoh doeng das lah?
Nyang gyukphoh nhaiqyo yvmas hank yoh doeng das lah?
Nyang nhaiqyo nyilhyam huot kat lyis
lukkuh gwi las nyah xikkhonh mas tsohmop bweh loh.
7 Yhensain ka gis,
nyang nyah dius jens lyis chiqjyen buisnyeis lyis gos toh dyei.
Nyah jyank mas lhain los bang lyis nyang loqzamh zwi.
8Nyang gas nesthan dah jeisnhauq zis teh
nyah jeswus jens#1.8 Hebre mas nyah joqyos ge. dvnganh lyis mhont.
Nyang lyis loqyom tyonh bang lyis
nyamoq dah shei cho pheh nhang kat.
9Namoq Yhensain lhyi tyi lha cha lhaink?
Nyang namoq lyis mhont das.
Nyang lyis dvlhain thoq lyis loqyom hank ma tyonh.
10Namoq yhei pauhzoe jens gas
zoeugyomh yahge nyoq kyuk teh ngeh jom das.
11Ninewe eh, nvng masyah lhung dah toeuq cho dyingh dyingh yah Yhensain lhyi lhaink soeu dvyuk thuq los. 12Heika Yhensain nyah dius Israel jens lyis taiq zis nghuot. Asiria jens gas yombos zis yahge nyo laus eq nyamoq gas mhont zis xauh las dyuk tyamp das. Ngah dius jens eh, ngos namoq lyis khamzo nhang laus eq ngos namoq lyis ma doms kuot lo das. 13Gvshih ngos nah thoq mas dah Asiria yomsoq lyis thank loh nhang lha, nvng lyis twih dah shamjvng khyauh das.
14Heika Asiria cho Yhensain lyi thyet toh. Nyamoq mas nyamoq dah nyings wons das vnyau vshih ma bos das. Ngos nyamoq dah yhenmuh jens mas dah phvra jens lyis mhont das. Asiria jens gas kang dwis ma mon las ngos nyamoq xiklyis lop sont nyeis.
15Yoeuh aq, loeus gis wons dah loeuskyoh soeu ka boms jens lyis lai las los nyeis. Nyang gas ung cho kyoh das zis nyah gyung cho mha nghuot. Yuda dius jens eh, Namoq dah pwe kuot las nvng Mangso lhyi dangthoengh toh zis dyei aq; Lhung bang gas nah mau mas khanhamp eq ma doms nyhenh wvng lo das. Nyamoq dvnganh mhont zis xauh goeus.#Esa 52.7
Currently Selected:
NAHUM 1: NCB
Highlight
Share
Copy
Want to have your highlights saved across all your devices? Sign up or sign in
Ngochang Common Language Bible © Bible Society of Myanmar, 2010.