Матфей 1
1
Йесойы хӕдзарвӕндаг
1Мӕнӕ Йесо Чырыстийы — Авраам ӕмӕ Давиды байзӕддаджы — хӕдзарвӕндаг.#Лк 3:24.
2Авраамӕй райгуырд Исаак, Исаакӕй — Йаков, Йаковӕй — Иудӕ ӕмӕ йе ’фсымӕртӕ; 3Иудӕйӕн Тамарӕй райгуырдысты Парец ӕмӕ Зарах. Парецӕй райгуырд Есром, Есромӕй — Арам; 4Арамӕй райгуырд Аминадав, Аминадавӕй — Нахшон; Нахшонӕй — Салмон; 5Салмонӕн Рахавӕй райгуырд Боаз, Боазӕн Руфӕй — Овед, Оведӕй райгуырд Йессей; 6Йессейӕ райгуырди паддзах Давид, Давидӕн Уриайы усӕй — Соломон; 7Соломонӕй райгуырди Роховам, Роховамӕй — Авийа; Авийайӕ — Асаф; 8Асафӕй райгуырд Иосафат, Иосафатӕй — Иорам; Иорамӕй — Озиа; 9Озиайӕ райгуырд Йотам, Йотамӕй — Ахаз; Ахазӕй — Езекиа; 10Езекиайӕ райгуырди Менассиа, Менассиайӕ — Амон, Амонӕй — Иосиа; 11Иосиайӕ райгуырдысты Йехониа ӕмӕ йе ’фсымӕртӕ. Уый уыдис Вавилоны размӕ.
12Вавилоны фӕстӕ Йехониайӕ райгуырди Шеалтиел, Шеалтиелӕй — Зоровавел; 13Зоровавелӕй райгуырд Авиуд, Авиудӕй — Елиаким, Елиакимӕй — Азор; 14Азорӕй райгуырди Цадок; Цадокӕй — Ахим, Ахимӕй — Элиуд; 15Элиудӕй райгуырд Елеазар; Елеазарӕй — Матфан, Матфанӕй — Йаков; 16Йаковӕй райгуырди Мариайы мой Йосиф; Мариа ныййардта, Чырысти Кӕй хонынц, уыцы Йесойы.
17Уӕдӕ Авраамӕй Давиды онг ӕдӕппӕтӕй уыди цыппӕрдӕс фӕлтӕры; Давидӕй Вавилонмӕ хаст ӕрцӕуыны онг дӕр — цыппӕрдӕс фӕлтӕры; ӕмӕ Вавилоны заманӕй Чырыстийы онг дӕр — цыппӕрдӕс фӕлтӕры.
Йесойы райгуырд
18Йесо Чырыстийы райгуырд уыдис афтӕ. Йӕ мад Мариа ма куырдуаты бадти, Йосифимӕ нӕма баиу сты, афтӕмӕй рабӕрӕг ис, Мариа Сыгъдӕг Уды хъомысӕй ӕнхъӕлцау кӕй у, уый.#Лк 1:27. 19Йӕ мойаг Йосифы, раст адӕймаг куыд уыди, уымӕ гӕсгӕ нӕ фӕндыди Мариайы адӕмы цӕсты бафтауын ӕмӕ хъавыди, се ’хсӕн цы фидыд уыд, уый ӕнӕ иу ӕвдисӕнӕй фехалын. 20Ахӕм хъуыды йӕм куы сӕвзӕрди, уӕд ӕм фыны Хуыцауы зӕд раргом ис ӕмӕ йын загъта: «Давиды байзӕддаг Йосиф! Ма тӕрс дӕ усаг Мариайы хӕдзармӕ ӕрхонынӕй, уымӕн ӕмӕ, йӕ зӕрдӕйы бын кӕй хӕссы, Уый йын Сыгъдӕг Удӕй у. 21Ныййардзӕни дын Фырт ӕмӕ Йӕ схондзынӕ Йесо, уымӕн ӕмӕ Уый Йӕ адӕмы сӕ тӕригъӕдтӕй фервӕзын кӕндзӕн»#1:21 Ном Йесо (дзуттагау «Йегъошуа») амоны «Бардарӕг ирвӕзын кӕны»..#Лк 1:31; Хъуыд 4:12; 1 Ин 2:2; Ром 3:24. 22Ӕппӕт уыдӕттӕ ӕрцыдысты, цӕмӕй сӕххӕст уа, Хуыцау пехуымпары дзыхӕй цы фехъусын кодта, уый: 23«Чызг банхъӕлцау уыдзӕн ӕмӕ ныййардзӕн Фырт, схондзысты Йӕ Эммануил», ома «Хуыцау немӕ ис».
24Йосиф куы райхъал ис, уӕд, Хуыцауы зӕд ын куыд бафӕдзӕхста, афтӕ бакодта — Мариайы йӕхицӕн усӕн ӕрхуыдта. 25Ӕмӕ йӕм ӕмгӕрон не ’рцыд, афтӕмӕй Мариа ныййардта Фырт, ӕмӕ Йӕ Йосиф схуыдта Йесо.#Лк 2:21.
Currently Selected:
Матфей 1: ИрББЛ2022
Highlight
Share
Copy
Want to have your highlights saved across all your devices? Sign up or sign in
© Российское Библейское Общество, перевод, комментарии, словарь, 2022
© Институт перевода Библии, перевод, комментарии, словарь, 2022
© Оформление. Российское Библейское Общество, 2022