YouVersion Logo
Search Icon

Génesis 7

7
Tal puhlel
1Patil te Jehová hich la yalbe te Noé: Ochan ta barco soc spisil mach'atic ay awu'un, como ta spisil te mach'atic ayic ta q'uinal, quiloj te ha'at nax atuquel te toj awo'tan ta jtojol. 2Te chambahlametic te lec sc'oblalic, ya me awic'ticlan ochel huqueb stat soc huqueb yantsilel ta jujuchahp. Yan te chambahlametic te ma lecuc sc'oblalic ya me awic'ticlan ochel jcoht stat soc jcoht yantsilel ta jujuchahp. 3Ha nix hich te mutetic, huqueb stat soc huqueb yantsilel ta jujuchahp, scuenta yu'un hich ma xlaj sts'umbal ta bahlumilal a. 4Huqueb c'ahc'al ta patil ya cac' tal ha'al ta bahlumilal cha'winic c'ahc'al soc cha'winic ahc'abal; ya jlajin spisil bintic cuxajtic te pasbil cu'un ta sba te bahlumilale, xchi. 5Te Noé la spas spisil hich te bin ut'il pasot ta mandar yu'un te Jehová.
6Ay lajunwinic scha'bahc' (600) ya'bilal a te Noé c'alal tal puhlel ta bahlumilal. 7Ta scaj te puhlel och ta barco te Noé soc snich'nab, te yihnam soc yihnam te snich'nabe. 8Te chambahlametic te lec sc'oblalic soc te chambahlametic te ma lecuc sc'oblalic, te mutetic soc spisil bintic staslajan ya xbehen ta lumq'uinal, 9ochic ta barco soc te Noé, jcoht stat soc jcoht yantsilel te jujuchahp, hich te bin ut'il pasot ta mandar yu'un Dios te Noé.
10Ta shuquebal c'ahc'al tal puhlel ta bahlumilal. 11C'alal ay lajunwinic scha'bahc' (600) ya'bilal a te Noé, ta shuclajunebal (17) c'ahc'al ta schebal u, ta hich ora t'ohm loq'uel tal ha'etic ta muc'ul xahab soc jahm talel tulan ha'al ta ch'ulchan. 12Cha'winic (40) c'ahc'al soc cha'winic ahc'abal la yac' tal ha'al ta bahlumilal. 13Ha yorahil a te ochic ta barco te Noé soc te snich'nab, Sem, Cam soc Jafet, soc te yihnam Noé soc yihnam te oxtuhl snich'nab, 14soc spisil te ha'mal chambahlametic, alaq'uil chambahlametic ta jujuchahp, soc spisil bintic staslajan ya xbehen ta lumq'uinal ta jujuchahp, soc spisil ta chahp te mutetique. 15Ochic soc Noé ta barco cha'cha'coht ta jujuchahp ta spisil bintic cuxajtic ta q'uinal. 16Ta spisil bintic cuxajtic, stat soc yantsilel, ochic soc, hich te bin ut'il pasot ta mandar yu'un Dios. Te Jehová la smacbe spuertahul te barco. 17Cha'winic (40) c'ahc'al halaj te puhlel ta bahlumilal, tohy mohel te ha'e, la sta te barco, lichot mohel yu'un. 18Bayel tohy te ha' ta bahlumilal, cajaj ta ba ha' te barco. 19Te ha'e bayel tohy ta bahlumilal, spisil toyol witsiltic te ayic ta ye'tal ch'ulchan muhc ta ha'. 20Ho'lajuneb (15) xuhc'ubil#7.20 7 metros muhc ta ha' spisil te witsiltic. 21Hich laj spisil bintic cuxajtic ta bahlumilal: mutetic, alaq'uil chambahlametic soc ha'mal chambahlametic, spisil bintic staslajan ya xbehen ta lumq'uinal, soc spisil ants-winiquetic. 22Laj spisil te bintic cuxajtic, spisil bintic ay ta lumq'uinal te ya yich'ic ic'. 23Hich laj spisil bintic cuxajtic ta sba te bahlumilal: ants-winiquetic, chambahlametic, chanetic, soc mutetic lajic ta bahlumilal, stuquel xanix cuxul hilel te Noé soc te mach'atic sjoquinej ta barco. 24Lajuneb swaxacwinic (150) c'ahc'al halaj te ha' ta bahlumilal.

Currently Selected:

Génesis 7: TZH

Highlight

Share

Copy

None

Want to have your highlights saved across all your devices? Sign up or sign in

YouVersion uses cookies to personalize your experience. By using our website, you accept our use of cookies as described in our Privacy Policy