Matthew 1
1
Denga dubuna madagidagi o Iesu Klisdo
(Luke 3.23-38)
1De beebaa e sisi ai ingoo o dubuna madagidagi o Iesu Klisdo, de hagadiilinga o David, de mogobuna o Abraham:
2Abraham ne hagadili Isaac,
Isaac ne hagadili Jacob,
gai Jacob ne hagadili Judah ma ono daina.
3Judah ne hagadili Perez ma Zerah i daho Tamar,
Perez ne hagadili Hezron,
gai Hezron ne hagaili Ram.
4Ram ne hagadili Amminadab,
Amminadab ne hagadili Nahshon,
gai Nahshon ne hagadili Salmon.
5Salmon ne hagadili Boaz i daho Rahab,
Boaz ne hagadili Obed i daho Ruth,
gai Obed ne hagadili Jesse.
6Gai Jesse ne hagadili de hodooligi go David.
David ne hagadili Solomon i daho de bodu o Uriah.
7Solomon ne hagadili Rehoboam,
Rehoboam ne hagadili Abijah,
gai Abijah ne hagadili Asa.#1.7 Asa: hanu beebaa Greek ange laa e hai ange Asaph.
8Asa ne hagadili Jehoshaphat,
Jehoshaphat ne hagadili Joram,
gai Joram ne hagadili Uzziah.
9Uzziah ne hagadili Jotham,
Jotham ne hagadili Ahaz,
gai Ahaz ne hagadili Hezekiah.
10Hezekiah ne hagadili Manasseh,
Manasseh ne hagadili Ammon,
gai Ammon ne hagadili Josiah.
11Josiah ne hagadili Jeconiah ma ono daina, i de masavaa o delaadeu gaavee gi Babylon.#2 Ki 24.14-15; 2 Ch 36.10; Jer 27.20
12Gai dua delaadeu gaavee gi Babylon,
gai Jeconiah ne hagadili Shealtiel,
Shealtiel ne hagadili Zerubbabel.
13Zerubbabel ne hagadili Abiud,
Abiud ne hagadili Eliakim,
gai Eliakim ne hagadili Azor.
14Azor ne hagadili Zadok,
Zadok ne hagadili Akim,
gai Akim ne hagadili Eliud.
15Eliud ne hagadili Eleazar,
Eleazar ne hagadili Matthan,
gai Matthan ne hagadili Jacob.
16Jacob ne hagadili Joseph, de bodu o Mary tinana o Iesu, e hagaingoo ange laa hogi go de Klisdo.
17E madaangahulu ma haa atangada mai i Abraham ga dae mai ai gi David; gai mai i David ga dae mai ai gi de gaavee o dangada gi Babylon e madaangahulu ma haa hogi atangada. Gai mai i de gaavee gi Babylon ga dae mai ai gi Klisdo e haa hogi atangada.
De haanau o Iesu
(Luke 2.1-7)
18Gai deenei tagodo de haanau o Iesu Klisdo: dono dinana go Mary ne hagababa ange gi Joseph, gai i mua delaau hagahebaa, gai gu gidee mai bolo Mary gu hai dama i daho de Hagasaalunga Dabu.#Luke 1.27 19Gai dono bodu go Joseph se daane e hai hegau i de mee abodonu. Ia tee lodo e hagadogaa Mary, gai ia ne lodo e hagammuni dono maavae ange gi Mary.
20Aagai dana masavaa ne maanadu ai de hai de mee nei, gai tangada de langi o Tagi Maolunga ne hakide ange gi de ia i de midi, ga hai ange, “Joseph, de mogobuna o David, aude madagu i de hai bodu ange gi Mary, go hiidinga tama i ono lodo naa ne hagadili i daho de Hagasaalunga Dabu. 21Ia e haanau naa dahi dama daane, gai koe ga hagaingoo ange ia go Iesu, go hiidinga ia e hagaola naa ono dangada mai i olaadeu haisala.” #Luke 1.31
22Mee nei alodahi ne hai e hagassula ai muna a Tagi Maolunga gu tala laa i daho de pelaabisi,
23“Tilo, de bua moe e hai dama naa
ga haanau dahi dama daane,
gai gilaadeu e hagaingoo ange naa ia go Emmanuel,” #Isa 7.14; 8.8, 10
e bei, “De Maadua madali gidaadeu.”
24Gai de masavaa huu o Joseph ne alahage ai, gai ia ga hai gu bei muna a tangada de langi o Tagi Maolunga gu tala ange laa gi de ia; ia ne hai bodu ange gi Mary, 25aagai Joseph tee hagahebaa ma Mary ga dae ai gi de haanau o dana dama daane, gai Joseph ga hagaingoo ange ia go Iesu.#Luke 2.21
Currently Selected:
Matthew 1: DBD
Highlight
Share
Copy
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.