1 Tesalonicenses 2
2
Pablo tyuung je̱'e̱ mu̶dyiibu̶ najty jim Tesalónica myu̶u̶du̶ñ
1Miich ku̶'u̶m mnejwu̶u̶ygyu̶xypy mu̶gu'uktu̶jk ajku̶xy, ko ka'p u̶u̶ch je̱'e̱ nxu̶u̶ ntiempo oy nigoo nyajtu̶gooygyu̶xy ko oy ngu'ijx nmu̶gápxku̶xy. 2Miich mnejwu̶u̶ygyu̶xypy du'un neby u̶u̶ch je̱'e̱ ja'ay jékyu̶p xywyin'oj xyjyu̶jp'ojku̶xy y ju̶bu̶k axu̶u̶g xytyuungu̶xy jim Filipos kajpt. Peru̶ je̱'e̱ Dios u̶u̶ch xypyube̱jt xypyudu̶gu̶u̶y ajku̶xy neby u̶u̶ch je̱'e̱ ayuuk tu̶y'ajt je̱'e̱ mu̶dyiibu̶ aanu̶mu̶ ni'idzooku̶ñ ye̱jkpu̶ñ ngapxwa'kxku̶xu̶chu̶ñ ma miich ajku̶xyu̶ñ, aamú̶k jootmú̶k; oy u̶u̶ch je̱'e̱ ja'ay najty xykya'a'ixaan xykya'atzogaangu̶xy. 3Je̱' ko ka'p u̶u̶ch najty du'un nigoo n'anu̶u̶'ajtku̶xy ma je̱'e̱ mu̶dyiibu̶ u̶u̶ch najty ngapxwa'kxku̶xypyu̶ñ, nan ni nga'amu̶dyaakku̶xyu̶ch najty mu̶u̶d je̱'e̱ ju̶bu̶kjoot ju̶bu̶kwinma'añ ni neby u̶u̶ch je̱'e̱ ja'ay nwin'u̶u̶ngu̶xu̶chu̶ñ. 4Ni'igyu̶ u̶u̶ch je̱'e̱ Dios xykyu'umaay ajku̶xy y xyajni'ipu̶jkyu̶ch ajku̶xy ko u̶u̶ch je̱'e̱ ayuuk tu̶y'ajt je̱'e̱ mu̶dyiibu̶ aanu̶mu̶ ni'idzooku̶ñ ye̱jkpu̶ñ ngapxwa'kxku̶xu̶ch, y du'un u̶u̶ch je̱'e̱ nigapxy nimu̶dyaaky ajku̶xy. Ka'p u̶u̶ch du'un paady nduuñ ajku̶xy neby u̶u̶ch je̱'e̱ ja'ay du'un xykyu'umaaygyu̶xu̶chu̶ñ, paady u̶u̶ch du'un nduuñ ajku̶xy neby u̶u̶ch je̱'e̱ Dios du'un xykyu'umaaygyu̶xu̶chu̶ñ, je̱'e̱ Dios je̱'e̱ mu̶dyiibu̶ ku̶xyu̶ nejwu̶ydyaaybyu̶ñ neby je̱'e̱ njoot nwinma'añ nidu'ug nidu'ug nmu̶dajtu̶mu̶ñ ajku̶xy. 5Miich mnejwu̶u̶ygyu̶xypy ko ka'p miich nimu̶naaxu̶u̶ tu̶ nwin'u̶u̶ngu̶xy mu̶u̶d je̱'e̱ oyjyatypyu̶ kapxy mu̶dya'agy, nan ka'p u̶u̶ch je̱'e̱ winma'añ tu̶ n'u̶xtaaygyu̶xy neby u̶u̶ch je̱'e̱ wit meeñ mbaad n'íxu̶chu̶ñ ajku̶xy. Dios ijx nejwu̶u̶by neby u̶u̶ch yam nmu̶na'añu̶ñ. 6Ka'p u̶u̶ch nimu̶naaxu̶u̶ tu̶ n'u̶xtaaygyu̶xy nú̶kxyu̶ch je̱'e̱ ja'ay xykyu'umaaygyu̶xy, ni ma miich ajku̶xyu̶ñ ni ma je̱'e̱ wiingpu̶ ja'ay ajku̶xyu̶ñ. 7Oy du'un tu̶ jya'apadyii ko u̶u̶ch u̶xyu̶py mu̶k tu̶ nmu̶gapx tu̶ n'ane̱'e̱mgu̶xy mu̶u̶d je̱'e̱ ane̱'e̱mu̶ñ ku̶xyu̶ mu̶dyiibu̶ u̶u̶ch nmu̶u̶dajtku̶xypyu̶ñ neby je̱'e̱ Cristo y'apóstolestu̶jk ajku̶xyu̶ñ, peru̶ yuung naaxypy u̶u̶ch tu̶ n'ijtku̶xy ma miich ajku̶xyu̶ñ. Du'un neby tu'ug ungtaj je̱'e̱ mu̶dyiibu̶ je̱'e̱ kyu̶'u̶m'úng kyu̶'u̶m'ana'k oy yajxón yaj'ye̱e̱kpu̶ñ y ijxp kweentu̶'ajtpu̶ñ, 8y du'un miich nandu'un ndzojkku̶xy nju̶wu̶u̶ygyu̶xy, ka'p najty je̱'e̱du̶'ajty nmo'owaangu̶xypy je̱'e̱ Dios y'ayuuk tyu̶y'ajt, u̶xtu̶ ngu'u'o'ogu̶'u̶waangu̶xypy najty, je̱' ko janch mu̶k ndzojkku̶xy nju̶wu̶u̶ygyu̶xy. 9“Mu̶gu'uktu̶jk, miich mja'aymye̱jtzku̶xypy neby u̶u̶ch nduuñ n'ayooy ajku̶xyu̶ñ, neby u̶u̶ch je̱'e̱ nigaayu̶u̶k ni'uuku̶u̶k nbaatku̶xu̶chu̶ñ. Xu̶u̶m tzum u̶u̶ch nduuñ ajku̶xy, nga'a''adzíp nga'a''abe̱daangu̶xy najty miich ni tu'ug ajku̶xy cham u̶u̶ch je̱'e̱ Dios y'ayuuk tyu̶y'ajt najty ngapxwa'kxku̶xy ma miich ajku̶xyu̶ñ.
10Miich m'ijxypy mnejwu̶u̶by ajku̶xy y je̱'e̱ Dios nandu'un, ko u̶u̶ch oy yajxón tu̶ nja'ay'ajtku̶xy, tu̶y tu'uda'agy y ka'p u̶u̶ch tii tu̶ nduundu̶gooygyu̶xy tii u̶u̶ch xyajpoky'ijxku̶xu̶bu̶ñ, miich mu̶bu̶jkpu̶du̶jk ajku̶xy. 11Nan mnejwu̶u̶ygyu̶xypy nandu'un neby nidu'ug nidu'ug tu̶ njootmu̶kmooygyu̶xyu̶ñ y tu̶ nbudaj nbumaayu̶u̶ygyu̶xy, du'un neby tu'ug ungteedy y'ung y'ana'k jootmú̶k mooygyu̶xyu̶ñ y pudaj pumaayu̶u̶ygyu̶xyu̶ñ. 12Tu̶ nyajni'ipu̶jkku̶xy ko oy yajxón mja'ay'ajtku̶xu̶ch du'un neby je̱'e̱ mu̶dyiibu̶ je̱'e̱ Dios mu̶bu̶jkku̶xpu̶ñ, je̱'e̱ Dios mu̶dyiibu̶ tu̶ xywyin'ijxku̶xyu̶ñ neby mu̶baad myajpaatku̶xyu̶ñ ma je̱'e̱ kyu̶'u̶m ane̱'e̱mdaakt y kyu̶'u̶m oy'ajtaaktu̶ñ.
13Paady u̶u̶ch je̱'e̱ Dioskujuuyu̶p je'emy nye̱jkku̶xy ma je̱'e̱ Diosu̶ñ, ko miich mmu̶doogu̶xy je̱'e̱ Dios y'ayuuk tyu̶y'ajt je̱'e̱ mu̶dyiibu̶ u̶u̶ch ngapxwa'kxku̶xu̶ñ ma miich ajku̶xyu̶ñ. Mgu'ubu̶jkku̶x je̱'e̱ du'un neby je̱'e̱ Dios y'ayuuk tyu̶y'ajtu̶ñ y ka'p dyu'unu̶ch neby je̱'e̱ ja'ay y'ayuuk tyu̶y'ajt ajku̶xyu̶ñ. Y janch tu̶y'ajt, Dios y'ayuuk tyu̶y'ajt je̱', je̱'e̱ mu̶dyiibu̶ ni'igu̶xu̶'kpu̶ñ ma je̱'e̱ mdzu̶naay mjugy'ajt miich ajku̶xyu̶ñ je̱'e̱ mu̶dyiibu̶ mu̶bu̶jkku̶xpu̶ñ. 14Ko miich du'un mjajty m'abejty ajku̶xy mu̶gu'uktu̶jk; xy'u̶xwu̶dijty xypyawu̶dijty je̱'e̱ mu̶gugajpu̶du̶jk ajku̶xy, du'un du'un nandu'un mjajty ajku̶xy neby je̱'e̱ Dios jya'ay jyajtku̶xyu̶ñ, je̱'e̱ mu̶dyiibu̶ jim Judea tzu̶naaygyu̶xpu̶ñ y nan Cristo Jesús jya'ay je̱'e̱ ajku̶xy, je̱' ko du'un je̱'e̱ myu̶gugajpu̶du̶jk nandu'un y'u̶xwu̶dijt pyawu̶dijtu̶ ajku̶xy je̱'e̱ judío ja'ay ajku̶xy. 15Adaa judío ja'ay je̱'e̱ Windzú̶n Jesús yaj'o'kku̶x, du'un neby najty je̱'e̱ myu̶gugajpu̶du̶jk je̱'e̱ Dios y'ayuuk najtzkapxu̶u̶ybyu̶du̶jk jékyu̶p tu̶ yaj'o'kku̶xyu̶ñ, y u̶u̶ch nan xyajke̱e̱k u̶u̶ch jim nandu'un ajku̶xy. Ka'p je̱'e̱ Dios ku'umaaygyu̶xy, y y'agu̶mu̶dzip'ajtku̶xypy je̱'e̱ ja'ay ku̶xyu̶ wanpú̶nu̶ch, 16y ko u̶u̶ch je̱'e̱ ayuuk tu̶y'ajt nja'ayajmu̶dmu̶dya'agaangu̶xy je̱'e̱ mu̶dyiibu̶ ka'p jyudíoja'ayu̶chu̶ñ ajku̶xy, neby nandu'un ñi'idzookku̶xu̶chu̶ñ, je̱' u̶u̶ch xy'agapxtujkku̶xp ka'pu̶ u̶u̶ch nyajmu̶dmu̶dyaakku̶xu̶ch. Y du'un je̱'e̱ pyoky kyu̶dyeey ni'igyu̶ yajni'ibe̱jt'adu̶u̶tzku̶xy. Peru̶ jada'achámnu̶ je̱'e̱ mu̶j'ayo'on tu̶ paatku̶xy, je̱'e̱ mu̶dyiibu̶ je̱'e̱ Dios tu̶ kexyu̶ñ ma yu̶'u̶ ajku̶xyu̶ñ.
Pablo ja'adu'ook ja'anijoot'áty ko je̱'e̱ mu̶bu̶jkpu̶du̶jk nu̶kxy ku'ix mu̶gapxa'añ jim Tesalónica
17“Mu̶gu'uktu̶jk, ko tu'ktiempo naybyuyo'oydyuuttu̶mu̶ ajku̶xy; oy je̱'e̱ mwiin mju̶jp najty nga'a'ijxu̶ ajku̶xy, peru̶ je'emy najty jootjooty winma'añjyooty nmu̶dajtku̶xy y nijoot'ajtku̶xyu̶ch najty mu̶k nu̶kxy ngu'ix nmu̶gapxaangu̶xy. 18Ja'atzonu̶'ku̶ch ajku̶xy; nu̶kxy ngu'ix nmu̶gapxaangu̶xy, u̶u̶ch Pablo may'ook u̶u̶ch du'un nja'amu̶naañ, peru̶ ka'p u̶u̶ch je̱'e̱ mu̶jku'u nnu̶u̶ ndu'u xy'awaatzu̶ ajku̶xy. 19Pues, ¿ti u̶u̶ch da'a du'un nju̶jp'ijxku̶xypy, ti u̶u̶ch da'a du'un nixondaakku̶xypy, ti u̶u̶ch da'a du'un nijootkujk'ajtku̶xypy y ti u̶u̶ch da'a du'un n'oy'ajt'ajtypy ajku̶xy? ¡Miich je̱'e̱ ajku̶xy je̱'e̱ mu̶dyiibu̶ u̶u̶ch du'un nijootkujk'ajtku̶xypyu̶ñ, je̱'e̱ mu̶'it ko naty je̱'e̱ nWindzú̶n Jesucristo wyimbijtu̶m ajku̶xy ya naaxwiiñ! 20Jaanch, miich n'oy'ajtu̶ñ'ajtypy ajku̶xy y njootkujk'ajtu̶ñ'ajtypy ajku̶xy.
Currently Selected:
1 Tesalonicenses 2: MIXE
Highlight
Share
Copy
Want to have your highlights saved across all your devices? Sign up or sign in
Nuevo Testamento en Mixe de Mazatlán y Tutla, Oaxaca, México © Sociedad Bíblica de México, A.C. 2005