Malakiasï 4
4
Imani jurhiatekua enka ACHA junkuaaka
1Niáraxatia ima jurhiatekua, tinhamutinhamexati eska kurhinta ninirakuarhu. Imani jurhiatekua ima enkaksï k'éramakuarhek'a ka nósesi ampe úrichaksï ísï jauati eska takusï sïkichi ampe ka sïrankua jamperi kurhiranhaati. ¡Méntku nóma chkári sapichu ma pakap'eati! Ji ACHA ísï uantaxaka. 2Ka cha enkats'ï jucheti jakankurhikuani chénharhik'a, tata jurhiateni meremerenharhiati kaxumpekua ka p'ímutantskuaksïni juácheati. Imani jurhiatekuats'ï cha tsankuaraaka xáni tsípeni eska uákasï sapirhaticha enkaksï uánekua uákasïchani jarhareak'a. 3Imani jurhiatekua enkani ísï ampe úaka, cháts'ï no amparhati k'uiripuechani jatantuant'auaka ka t'upuri jáputs'ï úant'auaka xáni jatantuant'aani. Ji ACHA ísï uantaxaka.
VIII. ARI AMPESÏ ARHIKUEKAT'I
4Miántsï je jucheti jántspiri Moisesiri juramukuani, enkani Orebi juáta arhika iámu Israelichani jimpo.
5Miáni ja je eska ACHAeri k'éri jurhiatekua enka xáni nósesi jánhaskuarheaka, jíksïni jucheti uantari Eliasïni axacheaka. 6Ka ima tátjempecheri mintsitani, uáp'echani jinkuni pént'auati, ka eskaksï uáp'echeri mintsita tátjempecheri mintsita jinkuni niánt'aaka, ka enka no ísïska ji chári iretechani méntkuni iámu k'amantskant'auaka.
Currently Selected:
Malakiasï 4: BI-PURHE
Highlight
Share
Copy
Want to have your highlights saved across all your devices? Sign up or sign in
Biblia en P´urhépecha, Michoacán, México © Sociedad Bíblica de México, A.C.