2 कुरिन्थि 8
8
उदारता पूर्वक दान
1ओमे ऐ पाही, आय तुमामे परमेश्वरोओ तियाअ कृपाआ खोबोर आपोहो जी मकिदुनिया मंडली उवी होय. 2का संकटा च्या वोडा परीक्षेमेहे तियाआ वोडू आनंद अने हाजा गरीबी मेहे तियाआ उदारता जास्तीज वोडि गोयो. 3तियाआ विषयी माआ ए साक्ष होय का तिये आपाआ सामर्थ्यावाही पोईत शक्तीचे पण बारथे आप्लु होय. 4अने आव दान मेहे अने पवित्र मांहाहा सेवा सहभागीता उविलाआ कृपेच्या विषयाम आमाहा फासी-फासी जास्तीज विनंती कोअयी, 5अने जेहलो आमाहा आशा कोअयी ओती तेहलूज नाहा पण तिये प्रभूहु फासी परमेश्वरोओ इच्छावाहि आमाहा पण स्वतःहा आपित आप्लु. 6त्याकोता आमाहा तीतुसला होमजाद्योहो, का जेहलो तिये पहीले सालू कोअयु ओतु तेहलूज तीयाम आव दानाआ कामाकोता पण पुरो कोईत लेदले. 7यामुळे जेहलो तुमु हर एक गोठीमे म्हणजे विश्वास, वाचन, ज्ञान अने आखे एहलाम प्रयत्नात अने प्रेमाम जे आमापो कोअता, वोदत्ले, तेहलूज आव दानाआ कामोम पण वोदतो जा.
मसीह आपाआ नमूना
8आय आज्ञा रीतीपो ताहा नाहा पण दिहीरा उत्साहाने तुमाआ प्रेमो खोरावाही पारखिलोओ कोत्लू. 9तुमामे आमा प्रभू येशु ख्रिस्ताची कृपा मालुम होय का तो श्रीमंत ओतलू पण तो तुमा कोअता गरीब ओवयू म्हणजे तियाआ गरीब ओतगोयलो तुमु श्रीमंत उवे. 10आव गोठीमे माआ मोत कोत्लू, ओ तुमा कोअता हाजो होय, जे होमला वोरोन नाहा फक्त आव कामाकोता कोइलो; पण आव गोठीकोता आवाडाविलो तोईलो पण पहीले आव्ये ओते, 11त्यापोत ओमे आव कामाकोता पुरो को का जेहलो आवाडाविलो तोईलो तुमु तीयार ओते तेहलूज आप आपाआ परिस्थिती नुसार ओ पण पुरो को. 12काहाके जर मोनाआ तीयारी होय, तीयावाही दान पोन होव कोयत जाहो, जे त्याजागे होय किंवा तेहलो नाहा जे त्याजागे नाहा. 13ओ नाहा का दिहराहा आराम अने तुमामे दुख मिलुहु जोवे, 14पोन हारखज विचाराआ आव टायमोमें तुमाआ वतुलू, तियाआ कोम उविलाआ कामोम आविलो, म्हणजे तियाआ वतुलू पण तुमाआ कोम होनारो कामाकोता आविलो जोवे म्हणजे आरी ओतगोयु जानारू. 15जेहलो लेखिलो होय, जीआ जाखो एखटो कोल्यु तियाआ किबी निकलीलू नाहा अने जीआ कोम एखटो कोल्यु तियाआ किबी कोम निकलीलू नाहा.
तीतुसोहो कुरिन्थियुसोहो मुकल्या
16परमेश्वर धन्यवादित होय, जीआ तुमा कोअता तेज उत्साह तीतूस च्या मोनामेहे टाक्यी होय 17का तिये आमाहा सामजाडीलो मानीत लेधलो पोन जास्तीज उत्साही ओतगोयु तो तुमापोओ आवयू होय. 18आमू त्याआरी तिया पायहोहो पण मोकल्यीत होय तियाआ नाव सुवार्ते विषयी आखे मंडली माय पसरीलिय होय, 19अने एवडोज नाहा पण तो मंडली त्यापोरत नियुक्त पण कोअयु गोल्यो का आव दानाआ कामामुळे आमा आरी आविलो जोवे, आमाहा ए सेवा यकोअता कोअत्लू का प्रभूऊ गौरव अने आमा मोनाआ तीयारी प्रकट ओत जाहू जोवे. 20आमू आव गोठीमे सावध रोतलू का आव उदारतेच्या कामाविषयी ज्याआ सेवा आमू कोअत्लू, कोडु आमापो दोष लागाडहु कायना. 21काहाके ज्या गोठी फक्त प्रभू जागेज नाहा ताहा मांहाआरी पण हाजी होय आमाहा तियाआ चिंता कोअत्लू. 22आमू त्याआरी आपाआ पाही पण मोकल्यीत होय ज्याहा आमाहा फासी-फासी पारखिल्यु जास्तीज गोठीमेहे उत्साही पाल्यू होय पण ओमे तुमापो तियाआ वोडी खात्री होय, यामुळे का तो फासी जाखो उत्साही होय. 23जर कोडु तीतुसच्या विषयी फुसनारू ताहा तो माआ होबती होय अने माआ आरिज काम कोअतेहे होय; अने जर आमू पाही विषयी फुसनारू ताहा ते मंडली वांही संदेश आपणारो अने ख्रिस्ताचे गौरव होय. 24कोईत आपाआ प्रेम अने आमाआ तो गर्व जो तुमाआ विषयी होय मंडली आगाडी पुरो कोईत तियाहा देखाव.
Currently Selected:
2 कुरिन्थि 8: NOINT
Highlight
Share
Copy
Want to have your highlights saved across all your devices? Sign up or sign in
Noiri (नोयरी) Bible by The Love Fellowship is licensed under Creative Commons Attribution-ShareAlike 4.0 License.