มัดทิว 1
1
ละมึฮตะกูนคองพะเยซูคริด
(ลูกา 3:23-38)
1อะไนซีปันละมึฮปันตะกูนคองพะเยซูพูนาก็ปันพะคริด พะเยซูอะไนปันกอนเจาคองกะซัดดาวิด เจอดาวิดก็ปันกอนเจาคองอับราฮัม
2อับราฮัมเบินกอนละมึฮอิซอัก อิซอักเบินกอนละมึฮยาโคบ ยาโคบเบินกอนละมึฮยูดาเจอก็เบินกอนแอนซะเอยนาะ 3ยูดาเบินกอนละมึฮเปเรดกับเซ-รา อัมเปะคองอะไลละมึฮทามา เปเรดเบินกอนละมึฮเฮซโรน เฮซโรนเบินกอนละมึฮราม 4รามเบินกอนละมึฮอัมมีนาดับ อัมมีนาดับเบินกอนละมึฮนาโซน นาโซนเบินกอนละมึฮซัลโมน 5ซัลโมนเบินกอนละมึฮโบอาด อัมเปะคองโบอาดละมึฮราฮับ โบอาดเบินกอนละมึฮโอเบด อัมเปะคองโอเบดละมึฮรูด โอเบดเบินกอนละมึฮเจดซี 6เจดซีเบินกอนละมึฮดาวิด พูนาก็เบินปันกะซัดอะกี
ดาวิดเบินกอนละมึฮซาโลมอน อัมเปะคองซาโลมอนอะไนตีตีแม็ดเกยปันละกวยคองอุรียา 7ซาโลมอนเบินกอนละมึฮเรโฮโบอัม เรโฮโบอัมเบินกอนละมึฮอาบียา อาบียาเบินกอนละมึฮอาซา 8อาซาเบินกอนละมึฮเยโฮซาพัด เยโฮซาพัดเบินกอนละมึฮโยรัม โยรัมเบินกอนละมึฮอุดซียา 9อุดซียาเบินกอนละมึฮโยทาม โยทามเบินกอนละมึฮอาฮัด อาฮัดเบินกอนละมึฮเฮเซคียา 10เฮเซคียาเบินกอนละมึฮมะนัดเซ มะนัดเซเบินกอนละมึฮอาโมน อาโมนเบินกอนละมึฮโยซิยา 11โยซิยาเบินกอนละมึฮเยโคนิยา เจอก็เบินกอนแอนซะเอยนาะ ปันซะไมคองอะไลอะไนออยะ นาก็กวยนึงปะเทดบาบิโลนตัอะเปกวยนึงปะเทดยูดา เจอก็เอดอะไลอะปัอะปันซะเลยนึงปะเทดบาบิโลนอะกี
12บัดอะไลอัอดปันซะเลยนึงปะเทดบาบิโลนอะกี เยโคนิยาก็เบินกอนละมึฮเซอัลทิเอล เจอเซอัลทิเอลก็เบินกอนละมึฮเซรุบบาเบล 13เซรุบบาเบลเบินกอนละมึฮอาบียุด อาบียุดเบินกอนละมึฮเอลียาคิม เอลียาคิมเบินกอนละมึฮอาเซอ 14อาเซอเบินกอนละมึฮซาโดก ซาโดกเบินกอนละมึฮอาคิม อาคิมเบินกอนละมึฮเอลีอูด 15เอลีอูดเบินกอนละมึฮเอเลอาซา เอเลอาซาเบินกอนละมึฮมัดทาน มัดทานเบินกอนละมึฮยาโคบ 16ยาโคบเบินกอนละมึฮโยเซบนาก็ปันกะยากคองมารี พะเยซูพูนาก็ปันพะคริดอะกีก็กัอดตัอะนึงมารีอะไนออยะ
17ซะแดงปายกดตีซะไมคองอับราฮัม จนตัอะซะไมคองกะซัดดาวิด ก็ปัน 14 ซัวกวย เจอกดตีซะไมคองกะซัดดาวิด จนตัอะซวงนาก็กวยนึงปะเทดบาบิโลนตัอะเปกวยปะเทดยูดาอะกี ก็ปัน 14 ซัวกวยแอน เจอกดตีอะไลปัอะอัอดนึงปะเทดบาบิโลน จนตัอะซะไมคองพะเยซู พะคริดพูนาก็ตัอะจูอยกวยไฮอะกี ก็ปัน 14 ซัวกวยคือกัน
เรืองตอนนาก็พะเยซูคริดซีกัอด
(ลูกา 1:2-7)
18เรืองตอนนาก็พะเยซูคริดซีกัอดอะกีปันอังกิ พูนาก็ซีเบินปันอัมเปะคองพะเยซูอะกีละมึฮมารี มารีอะไนอันตกลงนังนึปายซีแตงงานกับโยเซบเจอ ฮักญวงตีอะไลนังตุนอัอดมะนืยอัมปิน มารีก็อัมปอะกอนญูอนริดญูอนอำนาดคองวินญานบอ์ริซุด 19ไนเมืออันปันอังกิเจอ โยเซบพูนาก็ปันคูมันคองมารีเลิด กึดปายซีแปะกับมารีจิ ฮักโยเซบปันกวยนาก็จับอะเลอ อันตัออีตายะมินมุฮคองมารีตอมัดกวยซะเอยนาะ อันเลิดกึดซีแปะกับมารีแบบตัอออ์นกวยด็างนำอับ
20ฮักนึงซวงนาก็โยเซบกึดอีแปะกับมารีอะกี อันก็บายะละแงด เจอก็อัมปาวโฮมเทวะดาคองพูซางพูปันนีายตัอะจอ์ะอัน เจอเทวะดาอะกีก็เวานึงโยเซบปาย "โยเซบกอนเจาคองกะซัดดาวิดเอย ออ์นไมเอดมารีอะตัอะปันละกวยคองไมโลด นาก็อันอัมปอะกอนจะนูอ ปันญูอนริดญูอนอำนาดคองวินญานบอ์ริซุดได ตัอมีนดักเนวกะนอฮ 21อันซีเบินกอนกอ์น เจอออ์นไมต็างละมึฮกอนคองอันปายเยซูเดอ พอะอันซีจูอยกวยคองอันกูนาะออ์นแว็ดคูอมโลยฮคูอมบาบคองอะไล" อังกิเทวะดาเวานึงโยเซบ
22กูอันกูเนวนาก็กัอดอะซอฮอะไน ก็เพือซีออ์นอันปันกือนาก็พูซางพูปันนีาย เกยออ์นพูเวาคูอมเวาคองอันอะตัองอะดอะซะไมแตเกาปาย 23"ออ์นอัมไปอะกันอะเละเดอ ซีเบินกะมอ์ลบอ์ริซุดมะนาะ นาก็ซีอัมปอะกอน เจอเบินกอนกอ์น เจออะไลซีต็างละมึฮกอนคองอันปายอิมมานูเอล"#อิซยา 7:14 เจอละมึฮอิมมานูเอลอะไน เบินคูอมมายปาย พูซางตัอะอัอดนึงไฮเจอ
24บัดโยเซบฮะเมือเจอ อันเลิดตาะกือนาก็เทวะดาคองพูซางพูปันนีายอะตัองออ์นอันตาะอะกีออยะ อันเอดมารีอะจูปันละกวยคองอัน 25ฮักอะไลนังตุนบายะมะนืยอัมปิน จนเตามารีซีเจฮกอนเตฮออยะ เจอโยเซบก็ต็างละมึฮกอนกอ์นคองมารีอะกีปายเยซู
Currently Selected:
มัดทิว 1: Bru Bible
Highlight
Share
Copy
Want to have your highlights saved across all your devices? Sign up or sign in
- Ethnos360