Indirimbo ya Salomo 1
1
1 #
1 Abami 5.12
Inyamibwa mu ndirimbo za Salomo.#ruvugwa mu Ndirimbo ya Salomo, Abayuda bamwe barugereranya n'urukundo ruri hagati yabo n'Imana. Naho Abakristo bamwe na bo bakarugereranya n'urukundo ruri hagati ya Kristo n'Itorero rye.
Umugeni:
2Ansome no gusoma k'umunwa we,
Kuko urukundo unkunda rundutira vino.
3Imibavu yawe ihumura neza,
Izina ryawe rimeze nk'amadahano atāmye,
Ni cyo gituma abakobwa bagukunda.
4Unkurure twiruke inyuma yawe tugukurikiye.
Umwami yanjyanye mu rugo rwe,
Tuzanezerwa tukwishimana,
Tuzasingiza urukundo rwawe tururutisha vino,
Bafite impamvu rwose bagukundira.
5Yemwe bakobwa b'i Yerusalemu mwe,
Ndirabura ariko ndi mwiza,
Nsa n'amahema y'Abakedari,
N'inyegamo za Salomo.
6Mwe kundeba nabi ni uko nirabura,
Nabitewe n'izuba ryambabuye.
Abahungu ba mama barandakariye,
Bangize umurinzi w'inzabibu,
Ariko uruzabibu rwanjye sinarurinze.
7Yewe uwo nkundisha umutima,
Mbwira aho uragira n'aho ubyagiza ku manywa,
Kuki namera nk'uwatwikiririwe,
Hafi y'imikumbi ya bagenzi bawe?
Umukwe:
8Niba utabizi, wa mugore we,
Uri indatwa mu bagore.
Genda ukurikire mu nkōra y'umukumbi,
Uragire abana b'ihene bawe iruhande rw'amahema y'abungeri.
9Wa mukunzi wanjye we,
Nakugereranije n'ifarashi ikurura amagare ya Farawo.
10Mu misaya yawe ni heza hashotsemo imishunzi,
Ijosi ryawe ririmbishwa n'inigi z'amasaro y'igiciro cyinshi.
11Tuzakuremera imikufi y'izahabu,
Duteremo amabara y'ifeza.
Umugeni:
12Igihe umwami yabaga yicaye ku meza ye,
Impumuro y'amadahano yanjye yaratāmaga.
13Umukunzi wanjye yamereye nk'ishangi,
Iri hagati y'amabere yanjye.
Umukwe:
14Umukunzi wanjye amereye nk'uburabyo bwa Koferi,
Buba mu nzabibu zo muri Enigedi.
15Mukunzi wanjye we, uri mwiza,
Ni koko uri mwiza,
Amaso yawe ni nk'ay'inyana.#inyana: mu Ruheburayo ni inuma.
Umugeni:
16Dore uri mwiza mukunzi wanjye,
Ni ukuri uranezeza,
Uburiri bwacu ni ubwatsi bugitoha.
17Inkingi z'inzu yacu ni imyerezi,
N'imishoro yayo ni imiberoshi.
Currently Selected:
Indirimbo ya Salomo 1: BYSB
Highlight
Share
Copy
Want to have your highlights saved across all your devices? Sign up or sign in
© Bible Society of Rwanda, 2001.