KUAN-KUANEN 9
9
Kepentaren ras kebodohen
1Enggo ipanteki kepentaren rumahna janah enggo ipajekkenna pitu palasna. 2Enggo igelehna asuh-asuhen guna pesta, iraruina anggurna maka itamaken i meja. 3Enggo isuruhna pitu pelayanna diberu erlebuh i datas ingan si meganjangna nari ndilo kerina undangen nina, 4“Ise si langa beluh rukur mari ku jenda!” Jenari nina man kalak lenge, 5“Mari, pan panganku janah inem lau anggur si enggo kurarui. 6Tadingkenlah kalak bodoh jenari ikutkenlah dalan kalak pentar.”
7Adi icidahken kesalahen kalak si megombang nembeh ngenca atena. Adi iajarken kalak jahat, ate mesui ngenca datndu. 8Kalak si meganjang rukur ola pandang, gelah ola atena nembeh man bandu. Tapi adi icidahkenndu kesalahen kalak pentar tentu keleng atena man bandu. 9Adi iajarkenndu kalak pentar, reh pentarna ia. Adi kalak benar iajarkenndu, ertambah-tambah pemetehna.
10Maka banci kalak jadi pentar la banci lang erkemalangen ia lebe man TUHAN. Adi itandaindu Dibata si Badia e, lit kap pengertinndu. #Jop 28:28; Msm 111:10; Kua 1:7 11Kepentaren erbahanca umurndu reh gedangna. 12Adi lit i bas kam kepentaren, bandu jine nge untungna; tapi adi itulakndu, kam jine nge si rugi.
13Kebodohen bali kap ras diberu si pet kal ngerana si la meteh mela. 14Ia kundul i lebe-lebe pintun rumahna, dingen i bas ingan si meganjang i bas kuta. 15I jenari ilebuhna kalak si mentas-mentas, kalak si bujur ukurna nina, 16“Mari singgah lebe, o kam si langa erpemeteh.” Dingen man kalak motu nina, 17“Entebu kap lau si itangko, tabehen kap nakan si ipan erbuni-buni.” 18La ieteh kalak si idilona, maka ise si ndeheri rumah diberu e enggo jumpa kematen; janah kalak si enggo bengket ku bas rumahna, enggo gedap ku bas doni kalak mate.
Currently Selected:
KUAN-KUANEN 9: BTX
Highlight
Share
Copy
Want to have your highlights saved across all your devices? Sign up or sign in
Batak Karo Bible © Indonesian Bible Society, 2003.