KUAN-KUANEN 26
26
1Mereken pujin man kalak lenge la kap bas inganna, bali kap e ras udan tupung perlego ntah salju tupung las.
2Bali ras perik kabang mentas saja arah awang-awang, bage pe la banci kalak kena sumpah adi la ia ersalah.
3Desken sangam man kelede, dingen cambuk man kuda, bage me kalak bodoh i doni enda.
4Kalak si njabap penungkunen si motu, seri kap ia longorna ras kalak motu e.
5Penungkunen si motu arus ijabap alu jabap si motu ka, gelah iangka si nungkun e, maka labo ia pentar bagi si isangkana.
6Nuruh kalak motu nehken berita seri kap ras menggelken nahe gelah cilaka.
7Bali ras mate serapen njingkangken nahena, bage me kalak bodoh adi mereken ajar.
8Mereken pujin man kalak lenge, bali kap e ras ngerakuti batu bas kalimbawang.
9Bali ras kalak bodoh niwat duri i bas tanna, bage me adi kalak lenge mereken ajar.
10Si mereken pendahin man kalak lenge dingen perkisat, erbahanca nterem saja kalak rugi.
11Desken biang mulih ku bas utahna, bage me kalak bodoh si ngulihi kebodohenna. #2Pet 2:22
12Kalak si seh kal bodohna, ulin kap e asangken kalak si beluh akapna bana.
13Kalak perkisat madin akapna ngada-ngada i rumah, alu alasen mbiar ia ijerngem singa i tengah dalan.
14Bali ras engsel pintu si erpusing bage me si perkisat erguling-guling i bas ingan medemna.
15Lit kalak si lanai tanggung malasna, nama nakan kubabahna pe la diatena.
16Kalak malas beluhen iakapna ia, asangken pitu kalak beluh mereken jabapen si payo.
17Kalak si ncampuri perubaten kalak si labo urusenna, bali kap ras si nangkap cuping biang adon.
18-19Kalak si nipu aminna pe atena guro-guro saja, bali kap ia ras kalak mehado ngguro-ngguroken perkakas si bahaya.
20Adi ranting enggo keri, nimpet me api, adi kalak si pet ngerana lanai lit, perjengilen pe enggo ngadi.
21Desken arang ntah ranting erbahan gara api, bage me kalak si merincuh pegara perubaten.
22Kata cekurak seh kal tabehna e maka entabeh ka nge siakap mendutca.
23Desken kudin taneh isepuh alu pirak, bage me kalak percakap manis, tapi jahat ukurna.
24Kalak perelem-elem, ibunikenna tipu i bas cakapna si medate. 25Aminna pe mehuli rananna, ola teki, sabap pusuhna dem alu elem-elem. 26Kune ibunikenna pe elem-elemna, kerina nge kalak ngidah kejahatenna.
27Kalak si engkuruk lubang man kalak si deban, ia jine nge gedap ku bas. Kalak si nggulingken batu, ia me si itindihina.
28Muali kalak seri nge ernembeh ate man bana, cakap manis labo lit gunana seakatan mereken cilaka.
Currently Selected:
KUAN-KUANEN 26: BTX
Highlight
Share
Copy
Want to have your highlights saved across all your devices? Sign up or sign in
Batak Karo Bible © Indonesian Bible Society, 2003.