KUAN-KUANEN 24
24
–19–
1Ola menggaindu kalak jahat, ola kal pertemani ia. 2Uga erbahan kalak cilaka e nge si iukurkenna janah babahna melasken kerina si la tengka saja ngenca.
–20–
3Jabu ipanteki erpalasken kepentaren ras pengertin. 4I ja lit pemeteh, i je lit bilik-bilik kuh ras barang-barang si meherga ras mehuli.
–21–
5Kalak pentar lebihen asangken kalak megegeh. Pentingen kap pemeteh asangken gegeh. 6Ma si bahan kin lebe rencana si megermet, ope denga kita lawes ku bas peperangen? Reh buena kalak si mereken pedah, reh belinna kemungkinen menang.
–22–
7Kepentaren meganjangsa guna ierti kalak longor. La lit belas-belas kalak bodoh tupung kalak melasken perkara-perkara si penting.
–23–
8Kalak si rusur ngerencanaken kejahaten ikataken kalak me ia tukang recok. 9Kerina perukuren kalak bodoh dosa kap. Kalak si rusur naling-naling kalak si deban, ise pe labo meriah rassa.
–24–
10Kalak si mintes bene ukurna tupung paksa gawat, kalak si bage tuhu-tuhu lemah kal.
–25–
11Ola biar-biaren mulahi kalak si nandangi ibunuh. Pulahilah kalak si nandangi itegu ku bas penggelehen. 12Banci jadi nindu, “Labo e urusenku.” Tapi Dibata kap si meteh dingen si ngadili palas perukurenndu. IA kap si ngawasi kegeluhenndu dingen si erbalas man bandu rikutken perbahanenndu.
–26–
13O anakku panlah tengguli sabap mehuli kap e. Bali ras tengguli wani entebu man pangan, 14bage pe kepentaren perlu kal man pertendinndu. Adi pentar kam terang me wari-warindu si pepagi.
–27–
15Ola bali ras kalak jahat si erpekat ngerampuk kalak bujur dingen ngerampas rumahna. 16Sabap aminna pe kalak bujur piga-piga kali guling tapi terus ia keke ka mulihi. Tapi kalak jahat kernep me ia erkiteken kena cilaka.
–28–
17Ola megah akapndu kune musuhndu kena cilaka, ola kam ersurak adi guling ia. 18Sabap la banci lang idah TUHAN kap perbahanenndu e jenari nembeh ateNa ngenehen kam, e maka lanai iukumna imbangndu ndai.
–29–
19Ola kam rate segat ntah cian man kalak jahat. 20Kalak jahat gelap kap warina si pepagi, janah la lit pengarapenna.
–30–
21O anakku, erkemalangenlah man TUHAN janah mehamatlah man raja. Ola ikut-ikutndu kalak ngelawan ia. 22Kalak si bage banci kap kernep i bas sengkemirep, sabap labo perkara kitik kune Dibata ntah raja mereken cilaka.
Pertenget si deban
23Kalak pentar pernah ngerana bagenda:
Hakim la banci la rembang tengah. 24Adi kalak si ersalah ikapitina, maka isumpahi me hakim e jenari kerina kalak rate nembeh man bana. 25Tapi Hakim si mereken ukumen man kalak si ersalah dat pasu-pasu me ia janah ihamati pe.
26Jabapen si bujur e kap encidahken teman si tuhu-tuhu.
27Ola erjabu, ope denga lit jamin ras pencarinndu.
28Ola kam jadi saksi nandangi kalak si deban, alu la lit alasen si patut; ngataken si la tuhu kerna ia. 29Ola nindu, “Kubahan man bana sue ras perbahanenna man bangku! Kubalas ateku perbahanenna.”
30Erdalan aku arah juma peken anggur kalak perkisat, kalak si bodoh. 31Enggo terulang kal janah mbages kal dukutna. Bide batuna enggo runtuh. 32Kenca kuperdiateken, rukur aku kerna si e, jenari kubuat pelajaren kerna si e. 33Banci kam munduk-unduk, banci kam medem. Cirempu kam janahndu ngada-ngada #Kua 6:10-11 34tapi tarenndu munduk-unduk, reh me kemusilen ngelawan kam desken perampok si ersenjata.
Currently Selected:
KUAN-KUANEN 24: BTX
Highlight
Share
Copy
Want to have your highlights saved across all your devices? Sign up or sign in
Batak Karo Bible © Indonesian Bible Society, 2003.