YouVersion Logo
Search Icon

YAWSHU 5

5
1Israela amyu masha ni Yawdan hka rap kawt mat wa ai aten du hkra, dai Madu Yawdan hka jahkyet kau ai lam, Yawdan hka a sinna hkran de nga ai Amori hkawhkam ni yawng hte Ka-ang Panglai mayan hku nga ai Hkanani hkawhkam ni yawng mung na ma ai. Dai Israela amyu masha ni a majaw shanhte hkrit gari mat ai hte myit daw myit htum mat ma ai.
Gilgala E Matu Gadoi Ai
2Dai hpang dai Madu gaw Yawshu hpe, “Nhpai lung nhkyi nkau mi galaw la nhtawm Israela ni hpe matu gadoi ya u,” ngu nna tsun wu ai. 3Dai rai nna Yawshu gaw dai Madu hkang da ai hte maren Israela masha ni hpe Matu Gadoi Kawng ngu nna shamying ai shara hta matu gadoi ya wu ai. 4-6Israela amyu masha ni Egutu mung na pru wa ma ai shaloi, lasha ni nlang matu gadoi hkam la masai; rai ti mung nam mali kata lai hkawm ai shaning mali shi laman e daidaw ai lasha ni chyawm gaw matu gadoi garai n hkam la nga ma ai. Israela amyu masha ni dai Madu a ga hpe n madat ma ai rai nna shanhte a kaji kawa ni hpe ga sadi jaw tawn ai mungdan ngu ai ngamu ngamai ai sut hte hpring nna ningru ningja ai mung hpe mu lu na ma ai n rai, nga nna dai Madu dagam kau nu ai majaw Egutu mung kaw na pru wa ai dai majan gasat lu ai asak pang na lasha nlang hte yawng dai ladaw da ai aten htum jang si htum mat masai. #Bhk 14:28-35. 7Dai masha ni a shadang sha ni mahtang matu gadoi galoi mung garai n hkam la yu ma ai majaw dai ban ningnan masha ni hpe Yawshu matu gadoi ya wu ai.
8Dai matu gadoi hkam la ngut ai hpang, ningma mai tsai mat ai aten du hkra, amyu masha nlang dap e sha anga nga ma ai. 9Dai Madu gaw Yawshu hpe, “Egutu mung e kaya kahpa rai mayam shatai hkrum nga ai hta na ngai nanhte hpe dai ni shaw la ni ai,” ngu nna tsun wu ai. Dai rai nna shara dai hpe Gilgala ngu nna ya du hkra shamying da nga ai.
10Israela masha ni gaw Yerihko mare makau na pa ntsa e de da ai Gilgala mare e dap jung nga ma yang, dai shata a shi mali ya shana de Shalai Wa Ai Poi hpe shanhte galaw ma ai.#Pru 12:1-13. 11Hpang shani gaw Hkanan mung hta tu ai mam nmi hte matsi n rawng ai muk hpe shawng nnan shanhte sha lu ai aten rai nga ai. 12Manna muk n jahkrat jaw sai rai nna Israela amyu masha ni galoi mung n lu sha mat masai. Dai shani kaw nna Hkanan mung na pru ai malu masha hpe sha shanhte sha mat masai.#Pru 16:35.
Yawshu Hte Nhtu Hpye Ai Masha
13Yawshu gaw Yerihko mare makau e nga nga yang, shi a man e nhtu lang nna tsap nga ai masha langai mi hpe akajawng sha mu dat wu ai. Bai Yawshu gaw shi hpang de sa wa nhtawm, “Nang gaw anhte a hpyenla langai ngai rai nga n ni? Shing n rai gumlau hpyen rai nga n ni?,” ngu nna san wu ai.
14Dai wa gaw, “Gara wa mahtang mung n rai nngai. Dai Madu a hpyen luksuk up hkang ai dap up wa zawn ngai nang e nga nga nngai,” ngu nna htan wu ai.
Yawshu mung ga de dingnyawm nawku let, “Madu e, ngai gaw na a shangun ma rai nga nngai. Nang ngai hpe hpa galaw shangun mayu n ta?,” ngu nna tsun wu ai.
15Dai Madu a hpyen luksuk hpe up hkang ai dap up wa gaw shi hpe, “Na a kyepdin raw kau u; nang gaw dai chyoi pra ai ga ntsa e tsap nga ndai,” ngu nna tsun wu ai. Yawshu mung shi tsun ai hte maren galaw wu ai.

Currently Selected:

YAWSHU 5: JCLB

Highlight

Share

Copy

None

Want to have your highlights saved across all your devices? Sign up or sign in

YouVersion uses cookies to personalize your experience. By using our website, you accept our use of cookies as described in our Privacy Policy