1 YAWHAN 1
1
Asak Mungga
1Shawng npawt kaw nna nga nga ai dai asak hkrung ai mungga a lam nanhte hpang de anhte ka dat ga ai. Anhte dai hpe na yu saga ai, myi hte mung mu yu saga ai, rai sa anhte mu yu saga ai rai nna anhte a lata ni hte hkra yu saga ai.#Nin 1:1; Yhn 1:1-2. 2Dai asak gaw dan pru wa ai shaloi e anhte dai hpe mu yu saga ai. Dai rai nna anhte de a lam sakse hkam ya ga ai. Kawa hte rau nga nga yu sai dai htani htana asak gaw anhte hta dan pru wa ai rai nna anhte gaw dai asak a lam nanhte hpe gawn dan ga ai.#Yhn 1:2-4; 21:24; Kas 2:32; Rom 16:26. 3Anhte gaw Kawa Karai Kasang hte mung, Kasha Yesu Hkristu hte mung, kanawn mazum nga ga ai rai nna nanhte mung anhte hte rau kanawn mazum lu myit ga, anhte mu yu na yu sai lam nanhte hpe anhte tsun ndau dan ga ai. 4Anhte gaw kabu gara ai lam nanhte hta tup hkrak dik wa u ga ngu nna ndai laika ka dat ga ai.
Karai Kasang Gaw Nhtoi Rai Nga Ai Lam
5Karai Kasang gaw nhtoi rai nga ai hte shi hta nsin hpa mung n rawng nga ai. Ndai mungga hpe shi a Kasha kaw na anhte na yu saga ai majaw nanhte hpe gawn dan ga ai. 6Anhte gaw shi hte kanawn mazum nga lu saga ai nga ninglen anhte nsin hta asak naw hkrung hkawm sa nga ga yang gaw, anhte a ga ni hta mung, anhte galaw ai lam ni hta mung, masu ai ni anhte rai nga ga ai. 7Rai ti mung shi gaw nhtoi hta nga nga ai zawn, anhte mung Nhtoi hta asak hkrung hkawm sa nga ga yang gaw, anhte langai hte langai shada da kanawn mazum ai ni rai nga ga ai hte shi Kasha Yesu a asai gaw anhte hta na yubak nlang hte hpe jasan jaseng kau ya mi ai.
8Anhte yubak n lu ga ai, nga nna tsun ga yang gaw, anhte a hkum hpe anhte masu hkalem kau ga ai rai nna, teng man ai lam anhte hta n rawng ai ni rai saga ai. 9Rai ti mung anhte a yubak mara ni hpe Karai Kasang kaw madun yin la nna hpyi nem ga yang gaw, shi gaw shi a ga sadi hta grin nga nna dai teng man ai amu galaw ai wa rai nga ai majaw, anhte a yubak mara hpe raw dat kau ya na hte, shut hpyit tawt lai ai lam yawng mayawng hta na jasan jaseng la na mi ai. 10Anhte yubak n galaw saga ai, nga nna tsun ga yang gaw anhte gaw Karai Kasang hpe masu ai wa re ngu nna shadu ai lam rai nna shi a mungga anhte hta n rawng mat sai.
Currently Selected:
1 YAWHAN 1: JCLB
Highlight
Share
Copy
Want to have your highlights saved across all your devices? Sign up or sign in
Jinghpaw Common Language Bible © Bible Society of Myanmar, 2009.