Zefania 1
1
1Jihova die Amon nuou Josia,
Juda nu di keba teiki,
Hezekia nuou Amaria nuou Gedalia nuou Kushi nuou Zefania ki kevor.
Juda gei Ketsokecüu Vorketuo
2A kijüu zie geinu mha pete tsho kemesa tseiwatuo, Jihovae siya.
3A khunuo mu themia rhesetatuo;
a teirako rhesetatuo,
tsiu dzükezha nu khuo rei.
A kerüzhüko bu u phi mesülietuo.#1:3 Cn: Ibri Dzükezha, mu kerüzhümia phi kemesü chükeshümia.
A kijüu zie geinu themiako dathewatuo, Jihovae siya.
4A a dzie yhapie Juda petsoutuo,
tsiu Jerusalem nu lhou keba pete rei;
a thechü hau nunu Baal geinu lhiepie keba kehoupuorei,
mu terhuorhi kerüsuo zievoko za pete dathewatuo;
5kikhru geinu nuketsu teiko krodi rüsuokecüko;
nuketsu di rüsepie Jihova ki shü,
siro Milkom rei se rüsekecüko;
6Jihova siekemedzi nunu rüreiketako,
Jihova pfhülie kemoko,
morei puo sanyülie kemoko.
7Niepuu Ukepenuopfü mhodzünu kemekrietaliecie!
Kekreilamonyü Jihova teisozhau penuo bate;
Jihovae ruosuo puo keseliete,
puoe puo phreimiako chü kemesaliete.
8Tsiu Jihova ruosuo kechü zha nhie a siazha pie,
kezhako mu kediu nuonuoko tsiu chazoumia pfhenei keseko pete tsütuo.
9Sünhie a siazha pie kiciela nu rülhoukezhako pete,
tsiu kecürü mu mia kemvü chüpie u niepumia ki ketshu chükeshü pete gei shütuo.
10Jihovae puya, sünhie
Khuo Kharu nunu kekra pfhe si partuo.
Ki Kenieu nunu krakhouikecü pfhe,
kijükhruko geinu mhapfhe krakrakecü rei situo.
11Mortar nu kelhouko krakhouikecü rei,
kekreilamonyü lhithomia pete pekawate;
rakachü pfü tuoyakezha pete bie pejüwate.
12Süteiki a mituko se Jerusalem pfhütuo,
themia u kiko nu vokhrü kebako siazha pie tsütuo,
themia sükoe u nou nu sie,
“Jihova mha kevi chüshülie lho,
morei mha kesuo rei chüshülie lho,” iya.
13Uko kinyiko pekawatuo,
tsiu u kiko perapie zhüwatuo.
Uko thuo kiko chülie zorei,
uko süko nu lhoulie lho;
uko thuo khube pelhoulie zorei,
uko süko geinu puo zu krielie lho.
Jihova Teisozha Kezhau
14Jihova teisozha kezhau penuo bate,
penuo mu rükri se vorzhie;
Jihova teisozha pfheu pfhü,
terhümiaviko sünunu melie kemerie chütuo.
15Sünhie noupfhü teisozha puotuo,
kemezhiekecü siro thenou kesuo tei puo,
kepeka tsiu methuoketa teisozha puo,
kezei mu thedzükekou teisozha puo,
kimhou shüde-icü mu zeibouicü teisozha puo,
16Dahou nadiko petsoukecü mu kuda rükriekecüko petsoukecü la ketsü khou,
tsiu meciemewhikeshü teisozha puo.
17Ae kemezhie sikecü se themiako gei shütuo,
siro ukoe mhiciemia tuoi di chatuotuo;
kekreilamonyü ukoe phoumapie Jihova petsoute,
uko zie nyophe tuoi pekrushütuo,
tsiu uko chü bu thubuo mhiewatuo.
18Jihova noupfhü zha nhie u rakachü morei u suna uko kelalie kenjütatuo;
puo rhie kechü miu nunu kijü pete thewatuo;
kekreilamonyü puoe kijü nu lhouketuo pete kemerie chü di puo thela chüwatuo.
Currently Selected:
Zefania 1: ANBRBSI
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved. More