Tita 1
1
Kelukeshü
1Paul, Ukepenuopfü kituou#1:1 Gk Diemia. mu Ukepenuopfüe kedalieketako kepeleu la mu Ukepenuopfü khrükeprei zho-u medzi di ketho mhasiu la Jisu Khrista apostel chülie, 2süu tijülie kelho Ukepenuopfü thuo nnhiennhie nu pupie ketuo, 3puotei touki puo dieu zhapu kechü nu pesipengukeshü kechachie kerheiu kemerü la zo, mu hau Ukepenuopfü u Kelakelieu thuo a bu chünu di kha a peleshüwate.
4Leshü hau pie kepele nu vierhe kechü a nuo ketho chüketa Tita ki shü ho:
Ukepenuopfü u Puou mu Jisu Khrista u Kelakelieu bu ngukemezhie mu noune kha n tsükelieu chüliecie.
Kreta nu Tita Mhatho
5N bu mhachü tso mo kebako chüketuo la, mu hadzü n ki pukeshü tuoi rünako nu phichüko kedapie ba phrewaketuo la a n khapie Kreta nu bawa. 6Sümia mia bu u pejolie kelhomia, u kimia puo rübei kenyimia, mu puo nuonuoko rei kepelemia di mia bu uko üse rüzhü morei mia die zeya kemomia üdi thawa kemomia morosuo. 7Kehou kepfhemia#1:7 Moro kemeho-u. puoe Ukepenuopfü kituomia puokecü la pejolie kelhomia morosuo; u thuo u medo kechü, u nou meyie mhaitayakezha, zu die chüyakezha, mu mia vütayakezha, siro mha kemehoumia suo, 8derei mia peso nyükecümia, mha kevi u neikezhamia, meciemephrükecümia, kemiathomia, kepecümia mu u kethekerekeliemia morosuo. 9Puo kethodieu kepetha dieko thezetsase thalie morosuo, sidi kepele dzetsa kepetha die puotouu se mia tarhoshülie kevi mu süu vajoketuoko chü kemezhülieketuomia morosuo.
10Mia die zeya kemo, diethuodieruo kepu mu mia seyakezhamia kekra tuote mu süko u zhürekepfüko pekuo; 11uko bu kemekrieta morosuo, uko dietho kemo kemevi ngukelie le di pu zhü kemo dieko se mia petha di kikru kekra kebvü tuote. 12Uko donu mia puo, uko siedzekesimia puo thuo pupie kezhü,
“Kretamia sü tijü seiyakezha, khunuo kesuo,
mecü mu cahuocaya kro puo zo,” si.
13Zhapu süu ketho zo. Hau la no uko kejoko putsaishülie, sitse uko kepele nu metei thalietuo, 14di uko bu Judamia kemeduo dze mu ketho-u therhieketa themia dieko sanyü hie. 15Kemesako la we mha pete mesa, derei rhuketako tsiu pele kemoko la we mhapuorei kemesa jü. Süko we u nou mu kelekemedoko rei rhu phrete. 16Kepu nu zowe uko Ukepenuopfü si üya, derei uko mhathoko nu we puo si mo. Ukoe kerütsekecümia, mia die zeya kemomia, mu mhatho kevi puorei chülie sü mo.
Currently Selected:
Tita 1: ANBRBSI
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved. More