Filemon 1
1
Kelukeshü
1Paul, Khrista Jisu la kedie chü ketuou, mu u siezeu Timothi kinu,
Thupie hie khrieu mu kedziese di mhachüyakezha Filemon, 2tsiu u üpfü Afia, mu hie ze chüpahi chüyakezhau Arkipa tsiu n kinu kehouyakezhako ki keshü:
3Ukepenuopfü u Puou mu Niepuu Jisu Khrista bu ngukemezhie tsiu noune pie nieko tsücie.
Filemon Kekhrie mu Kepele
4A kecha nu n rükrakecü metsei a a Kepenuopfü thezie sei baya, 5kekreilamonyü no kemesako pete khrie mu Niepuu Jisu kitsa n kepele keba dze sikelie la. 6A kechau sü, n bu Khrista nunu mha kevi se u vie chü baketako si pesou salie di n kepele keza pevi sakelieu zo. 7A siezeu, n kekhrie geinu a kenei mu thenou keluo ngu philieya, kekreilamonyü n la kemesako u nou va perheikelie ngukelie la.
Paul Onesima la Puo Mezhiemelokecü
8Mhaca hau la, a Khrista geinu thepfu se di n bu n mhatho chülienu diekhashülie vi zo ürei, 9a kekhrie nunu n ki chakecüu a neikuote, mu a Paul, phichümia puote, siro Jisu Khrista diemia puo#1:9 Moro Jisu Khrista sou chü, mu tsie rei puo diemia chü. rei chü sa di süu chaya. 10A n ki chayakecüu sü, kedieki nunu a puo puo chüketa a nuou Onesima la zo. 11Hamhodzü we n bu puo la kepra puorei jü, derei tsie we puo n la mu a la rei mevi#1:11 Onesima za cau ro se morosuo morei (khuso 20 ze kemejülie vi) mevi. sekecü puo chüliete. 12A tsie puo ketse lapie n ki shüya, süu a melouu zo. 13A puo khapie puo bu a ze bata nyü, sidi a dieliekeviu la kedie chü ketuo ki puo bu n sou chü a lie chü bata nyü zo; 14derei a n medo rüsa mo di mhapuorei chü nyü mo, süusü n kemvü kechü geinu monyü n bu n nou nu keda di ketseikevi thashüketuo la zo. 15Siro puo zopuoki n therüketa ha, puo bu la vor n ze sei bataketuo puo la mecie, 16puo ü kediemia ü sa monyü, kediemia ki rei u kekhrie siezemia puo chüte, süu a kitsa rei zo, derei n kitsatie rei, puoe chüüphou nu mu Niepuu kitsa rei sikuota zo.
17Süla no a üse n dziesemia puo ücü leya ro, a zekelie tuoi puo zeliecie. 18Puo n gei kekrüwata ümharo, morei n pu pfüzhü üro, süu a za nu shüwacie. 19A Paul, a thuo a dzie se leshü hau thushüya: a thepu süko su phrewatuo. No n phou zorei a pu pfüzhü zo, derei a süu pu lho. 20Uwe, a siezeu, Niepuu zanu n geinu mha hau pie a mevi chücie. Khrista geinu a nou va pemvüshücie.
21No kediezelieketuo thepfu di a thupie n ki shüzhie ho, mu noe a kepu ha kezie rei chü zoketuo si ba zo.
22Siro a la rüsobou puo kesepie bacie, nie kecha geinu mia a kha lashü di a bu nieko ki vorlieketuo merü ba.
Kelukeshü Thelau
23Khrista Jisu nu a ze kedie chü kebau Epafra n kelushü ho, 24mu a ze mhachüyakezhako Mark, Aristarka, Dema mu Luk rei sa n kelushüya.
25Niepuu Jisu Khrista ngukemezhieu bu n ruopfü ze baliecie.#1:25 Leshü kewe huo nu Amen icü sa.
Currently Selected:
Filemon 1: ANBRBSI
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved. More