Nehemia 1
1
Nehemia Jerusalem la Chakecü
1Hakalia nuou Nehemia dieko. Teicie mepfüu cie, Chislev khrü, ae Susa kediki nu keba ki, 2Hanani, a siezedzürieko donu mia puoe Juda themia huo sa ze di vor; mu ae uko ki Judamia takelieko, miadie chü vota kemoko mu Jerusalem dze ketsoshü. 3Ru ukoe a ki: “Rüna nu miadie chü vota kemoko, kedie nunu takelieko kemezhie tsiu kemenga se bate, siro Jerusalem dahou me tsute, mu puo kharuko mi pie thewate.” 4Ae die hako silie tse, ke balie di kra bata, sidi ae teisozha huo süsü krü kra thenousuo bata, sidi ae teigei keba Kepenuopfü mhodzünu mevo di kecha chü. 5Sidi sie, “He-i Jihova teigei keba Kepenuopfü, kezhau mu kemerie zokecü Kepenuopfü, noe n khrieyakezhako tsiu n diekhakeshüko chüüzeyakezhamia gei n dietseidiekho-u mu ngukemezhie khapie baya, 6tsie n nyie bu a pfhe rünyü, n mhipie meho, di n kituou kecha rünyüshüyi, a tsie n ki chayalie, teisonhie mu teizeimetsei Israelmia n kituoko la chaya, siro Israelmiako kephouma phrashüzhie, hie n gei kejokemou chü tuote. A mu a kikruko rei phoumawate. 7Hie n gei kekrüthor tuota zo, no n kituou Mosa dzie nu n diekhakeshüko, chünukecüko zetuo mote. 8No n kituou Mosa ki diekhakeshüu rükrashücie, süu pukecü, ‘Mhanuü nieko a gei dietholie moliro; a nieko pie seyieko donu cürewatuo. 9Derei nieko rürei a kitsa vorlie liro, tsiu a diekhakeshüko zelie, mu chülie liro; nieko kelhipie teiboteiyo nu tuota zo shierei, a süra nu uko pfhü kengulietuo, sidi uko ze a za khapie batuo üdi kedakelie thechüu nu vorlietuo.’ 10Ukoe n kituo mu n themiako ze, noe n kekuo kezha nunu tsiu n dzie kekuo üse rhalieketako zo. 11He-i Jihova, n nyie kedeipie n kituou kecha, tsiu n kituoko n zau prei nyüyakezhako kecha rünyüshüyi; sidi thie n kituou bu chü khriekelie chüshüyi, mu themia hau mhinguki nu ngukemezhie khapie puo tsüyi!”
Süki ae kediu hiekepieu chüya.
Currently Selected:
Nehemia 1: ANBRBSI
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved. More