Johan 13
13
Jisue Puo Siedziko Phi Khrükecü
1Siro Jisue kijü hau khawa di Puou ki votaketuo Puo teiu vor tso baketa Ciekevonyiu mhodzü silieta. Puoe kijü nu keba puo themiako khrie vor zo; mu süko khrie vo thela tso zo. 2Satan-e Judas Iskariot, Simon nuou bu puo sewaketuo keleu se puo nou shüwata, mu mhacü keba ki, 3Puoue kekuo pete khapie Jisu dzie nu shüwaketa, siro puoe Ukepenuopfü kinu vor zokecü mu Ukepenuopfü ki la votaketuo puoe si ba, 4süla puo mizhü#13:4 Gk Mhakecü nunu sielie. geinu sielie di puo boulie peso-u rhuowa, sidi dziesüpfhe puo pie puo chie phapfülie. 5Süsie dzü rupie dzieteikhou puo nu shülie di puoe pethakelieko phi khrü mu pfhe puo chie phapfü ketuo dziesüpfheu pie uko phi süsü vota. 6Si vo Simon Pitor tsolie tse puo sie, “Niepuu, no a phi khrütuo le?” 7Jisu sie, “No tsie a chü kebau ca si ba mo, derei no hasie nu silietuo.” 8Sitse Pitor puo ki, “N bu mhakipuorei a phi khrülie lho.” Jisu sie, “A bu n khrü moliro a kitsa n ya jü zo.” 9Sitse Simon Pitor puo ki, “Niepuu, a phinie zomonyü a dzie mu a tsü rei sacie.” 10Jisu puo ki, “Kehoupuorei dzürüluwa ro puo phinie sie kekreitsa khrü sa morei vi; puo mesa tsei ba zo; siro nieko mesa ba; derei pete zo mo.” 11Kekreilamonyü puoe puo sewaketuou si ba; süla puo sie, “Nieko pete mesa zo ba mo,” idi kepu zo.
12Puo uko phi khrükewa sie puo pfhenei se lalie, sidi ke balie di uko ki, “A nieko gei chükeshüu nieko siliete mo? 13Nieko a üse, Kepethau mu Niepuu iya, mu süu puotou zo, a süu zocü la. 14A nie Niepuu mu kepethau zo di nieko phi khrü üro nieko rei huoniehuo phi khrü zhü zo. 15A nie la thakie puo chüshü, süla nieko rei a nieko gei chükeshü mhie chüliecie. 16A nie ki pu toushütuo, miadiemia puo Niepuu ki zha mo, mu mialiekechüu rei mia puo ketsekeshüu ki zha mo. 17Nie hako si di chüüzeya liro, nieko thejakepfütho. 18A nieko pete dze pu ba mo; ae kedalieketako a thuo si ba. Derei kethodie nu, ‘A niekhrüda kecüu puo phichapie a tsie,’ ikecüu bu tseilieketuo la. 19Süu chüketa mhodzü a tsie nie ki puya; sitse süu chüketa ki, a süu zokecü#13:19 Gk A zo. nie bu pelelieketuo la. 20A nieko ki pu toushütuo, kehoupuorei ae ketsekeshüu zekelieu a zelieya; mu kehoupuorei a zekelieu a ketsekeshüu zelieya.”
Jisu Mia Puo Sewaketuo Pedzü Pukeshü
(Mat 26:20-25; Mark 14:17-21; Luk 22:21-23)
21Jisu hau pukeshü sie puo nou kemezhie phi di, “A nieko ki pu toushütuo, nieko donu mia puo a sewatuo,” sita. 22Süki pethakelieko sie huoniehuo meho di puo supuo pu ba shi lelie mo bata. 23Ru puoe pethakelieko mia puo, Jisue puo khrieyakezhau puo merü ki vakhriepfü ba. 24Sitse Simon Pitor thedo chü puo kie di puo bu Jisue supuo dze pu ba shiü ketsonuta. 25Süla Jisu khie tou nu keba puo siedzi süu reipra di puo ki, “Niepuu, süu supuo ga?” idi ketsota. 26Süla Jisu sie, “A niekhrüda huoyo petselie di pie puo tsüshüketuou sü puo zo ho.” Sidi puo niekhrüda huoyo chüpie petselie di süyo khapie Simon Iskariot nuou Judas tsüshü.#13:26 Leshü kewe huo nu Simon nuou Iskariot Judas; kekrei nu, Karyot (Keriot) nunu kevor Simon nuou Juda. 27Siro niekhrüdayo pielie mumetha Satan puo nou leta. Süla Jisu sie puo ki, “No chüketuou chü mhailiecie,” sishü. 28Sirei mizhü vakhriepfü kebako miapuorei kedipuo la Jisue hau pie puo ki pu shicü silie mo. 29Huomia sie, Judas-e uko rakabou seyakezha la, Jisue puo ki, “Thenyiu la úko se morokesuoko khrülienucü;” morei mha huo pie mhakejümiako tsünu pu ba nhiecü leta. 30Süla puoe niekhrüda pielie mu tuo mhai kitie prata. Mu süsü thevata.
Diekhakeshü Kesau
31Puo praketa sie, Jisu sie, “Tsie Themia Nuou zayie chüliete, mu Ukepenuopfü rei puo geinu zayie chü bate. 32Puo geinu Ukepenuopfü bu zayie chülie liro Ukepenuopfü rei puo geinu puo bu zayie chülietuo mu puo bu zayie chü mhaishütuo. 33Harie nhicuko, a nieko ze ba pechalie lhote. Nieko a pfhütuo, derei a Judako ki kepu tuoi a tsie nieko ki rei puya; ‘Nieko a kevo nu vorlie kenjü.’ 34A diekhakeshü kesa puo pie nieko tsüshüzhie, nieko huoniehuo khrieliecie. A nieko khrie kevor tuoi nieko rei huoniehuo khrielie morosuo. 35Nieko huoniehuo khrielie liro, süu geinu nieko ae pethakeliemia ükecü mia pete bu silietuo.”
Jisu Pedzü Pitor Puo Phra Mvütaketuo Pukeshü
(Mat 26:31-35; Mark 14:27-31; Luk 22:31-34)
36Simon Pitor sie puo ki, “Niepuu, no kirapuo votieya ga?” Jisu sie puo ki, “A kirapuo votieya shi no tsie sünu a medzi vorlie kenjü, derei hasie no a siemedzilietuo.” 37Pitor sie puo ki, “Niepuu, kiüdi a tsie n siemedzi vorlie kenjü ga? A n la a phou khashütuo.” 38Jisu sie puo ki, “No a la n phou khashü zotuo le? A n ki pu toushütuo, no thevü kekhou mhodzü va se a melietatuo.”
Currently Selected:
Johan 13: ANBRBSI
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved. More