Hosea 1
1
1Jihova die Uzia, Jotham, Ahaz mu Juda nu Hezekia kedi hako teiki, tsiu Israel kediu Joash nuou Jeroboam teiki Beri nuou Hosea ki vor.
Hosea Kikruu
2Jihovae Hosea geinu die pukeshü therie nu, Jihova Hosea ki, “Vo di n la thethepfü puo liepie n kimia chülie mu thethe nuonuo nyiliecie, kekreilamonyü Jihova khawa di kijüu thetheliethor bate.” 3Süla puo vo di Gomer Diblaim nuopfü lielie, sidi süpfü nuonipfülie di thepfunuo puo penuo puo tsü.
4Sitse Jihovae puo ki, “Puo za thopie Jezril#1:4 Puoca Ukepenuopfüe prushü. chülie, kekreilamonyü puotei huoyo sie a Jehu kikru gei Jezril zieu la khepu lietuo, sidi Israel kikru kedipie puo thela chüwatuo. 5Siro sünhie Jezril razhau nunu a Israel theü bietshewatuo.”
6Süsie puo nuonipfü lalie sidi thenumia yopuo penuoshü, sitse Jihova sie puo ki, “Puo za thopie Lo-ruhama#1:6 Puoca Ngumezhie mo. chülie, kekreilamonyü a Israel kiu ngumezhie salie lhote morei uko kejo rei vashülie lhote. 7Derei a Juda kiu ngumezhieshütuo, mu a uko Kepenuopfü Jihova chü di uko kelashütuo; a theü, morei zhiecha morei terhü, morei kier, morei kierkesemia geinu uko kelalie lho.”
8Süsie puoe Lo-ruhama khowata tse, puo nuonipfü lalie sidi thepfunuomia yopuo penuolie. 9Sitse Jihovae sie, “Puo za pie Lo-ami#1:9 Puoca A themia mo. chülie, kekreilamonyü noe a themia mo mu a nie Kepenuopfü rei mocü la.”
Israel Piesie Lashüketuo
10Sirei Israelko phrü kesieki dzükezha nu huocanyo mhietatuo, sidi mejü morei phrü hulie lhotatuo; siro uko ki, “Nieko a themia mo” sikeshüra nu uko ki, “Rhei tuoyakezha Kepenuopfü nuonuoko,” ilashütuo. 11Judamiako mu Israelko ze vor kengu lalietuo, sidi uko thuo uko la puo tsü pfüketuo puo kedalietuo; sidi uko kijü pevielietuo, kekreilamonyü Jezril teisozhau zha phishü zotie ru.
Currently Selected:
Hosea 1: ANBRBSI
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved. More