Ibriko 1
1
Nuou Geinu Ukepenuopfüe Pukeshü Die
1Thiedzü Ukepenuopfüe siedzekesiko geinu mha kekreicü mu puoca kekreikecü nu u puonuoko rüchü vor, 2derei tsie thelatsa teiu nu we Nuou bu u rüchü tuote, puoe süu kedapie mha peteko kayieu chüshü, mu süu geinu tei kijü pete chükelie zo. 3Puo geinu Ukepenuopfü zayie khrüu rükesoshüya mu puoe Ukepenuopfü rhi touu zo, mu mha pete rei puo die kekuou thuo se ba. Puoe kephouma chü kemesawa, di vo peso gei Kezhatho-u zatsa bate, 4puo chüpie teigeidielieko ki rükriekuoshü, mu puo za zorei uko za ki rükriekuo.
Ukepenuopfü Nuou Kezha
5Kekreilamonyü Ukepenuopfüe teigeidielieko supuo üse,
“No a Nuo zo;
a thie n penuoliete,”
morei sie,
“A puo puo chütuo,
mu puo a nuo chütuo,” isi ga?
6Süsie rei puo nuorieu bu kijü nu kevor ki, puo sie,
“Ukepenuopfü dieliemiako pete puo rüsuocie,” isi zo.
7Puoe teigeidielieko dze pucü,
“Puoe puo dielieko chüpie teikhrie chüwaya,
mu puo kituoko chüpie miü chüwaya,” si.
8Derei puo Nuou dze pukecü,
“Harie Kepenuopfü, n kedi-e kechachie mu kechachie baya,
tsiu kemiatho theu sü n kedi theu zo.
9No kemiatho n neiya mu kerüzhü mecüya;
süla Kepenuopfü,
n Kepenuopfüe puo kenei tier üse n kenhepie n bu n kromia peteko mho zhakuote.”
10Sizomonyü,
“No, Niepuu, sietsenu kijüu chüshü;
mu teiko sü n dzie mhatho zo;
11süko we jütatuo,
derei no we ba sei zotuo;
süko we pfhe tuoi rietatuo;
12no süko pfhe tuoi kekhrewatuo,
tsiu süko pfhenei tuoi thudiwatuo.
Derei no we rüdirüliya mo,
mu n teicieko mhakipuorei puo thela chülie lho.”
13Derei puoe puo dielieko miapuorei üse,
“A n ngumvüko khapie n phipra chüwa kemochie no a zatsa ba zocie,”
isi mo. 14Teigeidieliemiako pete#1:14 Gk Uko pete. sü teigeidielie kechü ruopfüko zo, kelakelie welieketako lie kechü la ketsekeshü zo mo me?
Currently Selected:
Ibriko 1: ANBRBSI
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved. More