Pethakeshüu 1
1
Mhakesikeleu Mha lekeshü
1Jerusalem nu kediu, David nuo, Pethakeshüu#1:1 Ibri Qoheleth, kepethau idi se vor. dieko.
2Kemethuo sie rei kemethuo zo, Pethakeshüue, sidi puya,
kemethuo sie rei kemethuo zo!
Mha pete rei kemethuo zo.
3Themiae niakiu khro nu kemezhie di mhachükelieko puo kemevi kedipuo ba ga?
4Phou puo votaya,
tsiu phou kekrei puo la vorya,
derei kijüu kechachie ba seiya.
5Niakithu parya, tsiu niaki letaya,
mu rükri di puo kesier thau nu la votaya.
6Teikhrie pekhrotsa rükhrie voya,
sidi rükhrie rüwhi pesotsa vataya;
teikhrie-e rüwhi sei baya zo,
tsiu teikhrie-e puo chau medzi di rüwhi latataya.
7Rücü pete kru dzükezha nu tsuya;
sirei dzükezhau tshulieya mo;
rücükoe kirapuo nu kru vorya shiü,
uko kru sünu vo seizhüya zo.
8Mha pete#1:8 Moro dieko. nu unyiekecü thuo tshu;
themiae süu pu hulie kenjü;
u mhi mha ngu puo kelhuo chülieya mo,
morei unyie-e mhapfhe rünyü puo kelhuo chülieya mo.
9Mha kicüpuo ba shiü süue baketuou zo,
tsiu mha chükewau, chü la vorketuou la zo;
tsiu niaki khro mha kesa puorei ba mo.
10“Mehoshücie, hauha mha kesawe,”
sikecü pulie kevi mha huo ba me?
Süue thiedzütho nu u mhodzü tuote.
11Keriekimiako rükra motaya;
mu thiesie lhou vorketuoko rei uko sie lhou vorketuokoe uko rükralieketuo ba mo.
Mhasi Pfhükecü Puo Kemevi Ba Kemo
12Ae, Pethakeshüu, Jerusalem nu Israelmia kediu. 13A nou pie tei khro mhachüyakezhako mhasi se di kega meho tsiu pfhüse partuoü sie, Kepenuopfüe themia nuonuo bu se mereinu di khakeshü süu u nei zo kemo mhatho puo. 14Niaki khronu chüyakezha mhatho pete a nguwate; tsiu harie, mha pete kemethuo zo, tsiu teikhrie whuoketuo mhie zo.#1:14 Moro teikhrie pie u ca kechü tuoi Hos 12:1 meholie.
15Mha mezhü moketau bie kemezhü lalie kenjü,
tsiu mha ba kemo-u phrülie kenjü.
16A a thuo a rüchü di sie, “Jerusalem nu a mhodzü kevor themia pete ki a mhasi ngu kralie, mu a noue mhasi tsiu kesikele kekra methawate.” 17Tsiu a nou bu mhasilietuoü, mu mha kenya tsiu mecie kemo silietuoü sie zo. Derei hauha rei teikhrie whuo ketuo mhie zokecü a silie.
18Kekreilamonyü mhasi kekra kebara thenou kemezhiekecü rei kekra ba;
tsiu mhasimhale ngu krakelieu nousuo rei ngu kraya.
Currently Selected:
Pethakeshüu 1: ANBRBSI
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved. More