Timothi Kenieu 1
1
Kelukeshü
1Ukepenuopfü medo nu Khrista Jisu geinu phrapie kezhü kerheiu la Khrista Jisu apostel chükelie Paul kinu,
2Thupie a nuo a khrieu Timothi ki keshü: Ukepenuopfü u Puou mu u Niepu Khrista Jisu kinu kepar ngukemezhie, kekhrie mu noune bu n gei bakelieu chüliecie.
Kethezie mu Chü Kethepfukeshü
3A theva rei khinhie rei a kechako nu n rükrakeshü ki, thiedzü a puonuoko puo rüsuo kevor, mu a rei a nou a pejo mo di puo rüsuoyakezha Ukepenuopfü thezie kekralie lho baya. 4No n mhidzü pekrükeshü rükra di n zie ngushü nyüthor ba, a kenei bu tseilieketuo la. 5A n kepele kethotoukecü rei rükra ba, kepele süu thiedzü n tsapfü Lowi mu n zuo Ewoniki unie nou ketuo kepeleu, mu kepele süu n nou tuo toukecü a si ba. 6Hau la a thiedzü a dzie yhapie n gei keshü ki no Ukepenuopfü kinu mhaphruo ngukelieu n bu süu chü petu sei tuolienu di n tarho lashüya; 7kekreilamonyü Ukepenuopfü kemichie ruopfü pie u tsü monyü, kekuo mu kekhrie tsiu thenou kemezhü pie u tsüwate.
8Siro u Niepuu zhapuu la morei a puo dieu la mengata hiecie, derei dieliekeviu zhapu la Ukepenuopfü kekuo nu tha di a ze kemezhieliecie, 9puo u kelalie tsiu kemesa kekieu se u kieliete, süu u mhatho la mo derei puo medo-u mu u ngukemezhie la zo. Kijüu sedekelie mhodzü Khrista Jisu geinu ngukemezhie hau pie u tsüwate, 10derei u kelakelieu Khrista Jisu kevor ze di tsie we süu pie u mhingu chüshüwate; puoe kesia penyüwa di dieliekeviu geinu siatalie kelho kelhouu pie u tsüshüte. 11Dieliekevi hau la a bu pheshiemia puo chü, apostel chü, mu kepethamia rei chüte,#1:11 Leshü kewe huo nu Judakemoko la icü sa. 12tsiu süu la a kemezhiekecü hako rei ngulie. Derei süla a mengata mo, kekreilamonyü a puo pele tuoketau a süu si tuoya zo, mu a mha pie puo pelekewau#1:12 Moro mha pie a pelekewau. puo süu rüguo se teisozha süu tsolie vikecü a si tou bata zo. 13No a kinu sikelie kepetha die puotoukecüko thezetsase balie, Khrista Jisu kinu kevor kepele mu kekhrie nu tha zolie. 14U nou tuoketa Kemesa Ruopfüu kekuo nu kinyi pie n peleshüwaketau rüguo se tuo zolie.
15Asia nu kebako pete a kitsa tha moketa no si ba, süko donu Figilo mu Hermoginis unie rei sa. 16Niepuu bu ngukemezhie pie Onesifora kikruu tsücie, kekreilamonyü puoe tsiekenuo a nou chü pemvüshü mu thegiro se a phapfü keba la rei mengataya mo; 17puo Rom nu vorlie mumetha kenourhei a pfhü vor di a ngulie, 18puo bu teisozha sünhie Niepuu kinu ngukemezhie ngulieketuo pie puo tsücie. Siro Efesa nu puoe a khruohi phikeshü no rei si batuo.
Currently Selected:
Timothi Kenieu 1: ANBRBSI
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved. More