Seyiedze Kenieu 1
1
Kediu Solomon Mhasi Chakecü
(1 Kedi 13:1-18)
1David nuou Solomon puo thuo puo kedirüvie nunu puo kedi chü kemeteilie; Jihova puo Kepenuopfüe puo ze tuo di puo chü pezha phishü.
2Solomon-e Israel peteko, nyiemhokezhako mu kriemhokezhako, capiko mu Israel pete donu krütako pete, mu chienuo krüta pete kie kengulie. 3Süsie Solomon mu mechükehou puo ze ketuo pete Gibeon nu thechü kerükrieu gei kho, Jihova kituou Mosa rayha nu chükelie Kepenuopfü mechükehou rüsuopfhekiu sünu bakecü la. 4(Derei David-e Kepenuopfü dietseidiekho-ue Kiriat-jearim nunu se David thuo kesepie keba thechüu nu vorta, puo Jerusalem nu pfheki puo pethoupie bawaketa la.) 5Sizomonyü puoe Hur nuou Uri nuou Bezalel bu kechü mese ruosuobau khapie Jihova rüsuopfhekiu nu bawata. Siro Solomon mu puo ze ketuo pete sünu mha ketso. 6Siro Solomon sünu Jihova mhodzünu keba mese ruosuobau, kehou rüsuopfheki nu kebau nu kho, di sügeinu kethe ruosuo nyie puo chüshü.
7Süzhü Ukepenuopfüe Solomon pengushü di puo ki, “A bu kedipuo se n tsü ta, chaliecie.” 8Sitse Solomon-e Kepenuopfü ki, “No a puo David ngumezhie phishüe, mu a bu puo sou nu dikelie chüshüte. 9He-i Kepenuopfü Jihova, no thie a puo David ki n diekhashükewau chüshücie; no a chüpie a bu themia krodi kijü nu nyopheko de zokecü kro puo mho kedi chütuo üte. 10Süla tsie mhasi mu kesikele kha a tsüshü di a bu themia hako mhodzünu pra mu lekelie chüyi: Si moro supuonie n themia kezha haikecü puo mho dilie vituo mu?” 11Sitse Ukepenuopfüe Solomon pfhekhoshü di sie, “Kekreilamonyü mha hau n melou nu parkecü la, mu noe kishükinyi morei therhu, n ngumvü phou, morei rhei kecha cha mo, derei n thuo n la we mhasi mu kesikele cha di n bu uko mho di tuo ükelie themiako kekhalie kevi chate. 12Mhasi mu kesikele kha n tsüshüte, mu a kishükinyi mu therhu, n mhodzü kedi chü kevorko ngulie kemo morei n sie kevor miapuorei ngulie kelho se n tsü sashütuo ho.” 13Süsie Solomon-e Gibeon nu thechü kerükrieu nu, kehou rüsuopfhekiu nunu la Jerusalem nu vorlie, sidi puo Israel mho kedi chülie.
Solomon Terhü Dojü
(1 Kedi 10:26-29; 2 Seyie 9:25-28)
14Süsie Solomon-e kierbagei mu kierko kengulie, puoe kierbagei nyie puo di krie dia, mu kier nyie kerekenie nyi mu puoe süko pie kierbagei keba nadiko nu mu Jerusalem nu kediu ze bawa. 15Siro kediue rakachü mu suna chü pekrapie Jerusalem nu ketsieko mhie zoshü, mu Shefela nu khrabvüboko kidepuo lhouya shiü sedarbo rei pelhoupie sükemhieshü. 16Siro Solomon-e Ijipt nu mu Kue nunu kierko se vorlie, kediu lhithokoe Kue nunu süko khrülie. 17Ukoe Ijipt nunu kelie se vor di ketse lapie chazou shüwa, kierbagei puo rakachü shekel krie sorourou, mu kier puo shekel krie puo di hiepengoungouya, hai di uko dzie nunu ze keyie lapie Hitmia kedi peteko mu Aram kediko pete tsüya.
Currently Selected:
Seyiedze Kenieu 1: ANBRBSI
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved. More