YouVersion Logo
Search Icon

Números 1

1
Laj yich' tsacbel sbiic ti israeletic ta vits Sinaie
1Ti Diose xi laj yalbe ya'i ti Moisés ti c'alal laj sc'opon talel ti ta sba c'ac'al yu'un ti xchibal u ti ja' xa xchibal jabile, ti c'alal ech' xa jutuc ta jun jabil sloq'uelic talel ta Egiptoe, ti oy ta sbajtical banomil yu'un ti Sinaie ta Axibalna ti bu nupel ta be yu'un ti Diose:
2“Liquesic jun tsacob-biil#Nm 26.1-51. ta stojol scotol ti israeletic yu'un ti jujuvoc' totil me'iletique, xchi'uc ti jujuchop nitilul yu'unique yo' jech ta xich' na'el c'u yepal ti viniquetic ti oy ta scotole, 3ja'ic ti buch'utic yich'ojic jtob jabile, xchi'uc ti x'ech' xa ta jtob jabil yich'ojique, ti baxbolic lec ta ac'-letoe. Bejanic lec ta vun sbiic ja' ti c'u s'elan sc'oplal ta sventa ti soldadoile. Ta xchi'inot ta scoltaelot ti Aarone. 4Va'ano jujun jtsobvanej yu'unic ti jujuvoc' ti totil me'iletique. 5Ti jujun jtsobvanejetique, ja' jech ti sbiic ti tsots sc'oplal ta xa scoltaoxuque:
“Ta sventa snitilultac ti Rubene: ja' ti Elisur xnich'on ti Sedeure.
6“Ta sventa snitilultac ti Simeone: ja' ti Selumiel xnich'on ti Zurisadaie.
7“Ta sventa snitilultac ti Judae: ja' ti Naason xnich'on ti Aminadabe.
8“Ta sventa snitilultac ti Isacare: ja' ti Natanael xnich'on ti Zuare.
9“Ta sventa snitilultac ti Zabulone: ja' ti Eliab xnich'on ti Helone.
10“Ta sventa snitilultac ti Efraine: ja' ti Elisama xnich'on ti Amiude.
“Ta sventa snitilultac ti Manasese: ja' ti Gamaliel xnich'on ti Pedasure. Ti Efraine xchi'uc ti Manasese, ja' xnich'nab ti Josee.
11“Ta sventa snitilultac ti Benjamine: ja' ti Abidan xnich'on ti Guidonie.
12“Ta sventa snitilultac ti Dane: ja' ti Ahiezer xnich'on ti Amisadaie.
13“Ta sventa snitilultac ti Asere: ja' ti Pagiel xnich'on ti Ocrane.
14“Ta sventa snitilultac ti Gade: ja' ti Eliasaf xnich'on ti Reuele.
15“Ta sventa snitilultac ti Neftalie: ja' ti Ahira xnich'on ti Enane.”
16Ti va'i yepalic taje, ja' c'otic ta banquilaletic ti laj yich'ic t'ujel loq'uel ta stojol ti israeletique yo' jech ta sva'an sbaic ta stsobel ti jujuchop ti snitilulique. 17Jech ti Moisese xchi'uc ti Aarone laj svolic ta tsobel ti viniquetic taje, ti oy sc'oplalic ti ja'ic ta xc'ot ta jtunel ta sventa ti ta xich' tsacbel ti sbiique. 18Ma'uc no'ox taje, yu'un laj svolic ta tsobel ti c'u yepal oyic ti ta sc'ac'alil sliquebal yu'un ti xchibal u yu'un ti jabile, xchi'uc ta jujuvoc' laj yich'ic tsobel ti jujuchop ti snitilulique jech c'u ch'al ti bejel ti sbiic ta jujun ti yich'ojic jtob (20) jabile, xchi'uc ti x'ech' ta jtob jabile. 19Taje, yu'un co'ol jech laj yich' pasel jech c'u cha'al albat ti Moisés yu'un ti Diose. Yu'un ti tsacob-biile, laj yich' pasel ta sbajtical banomil yu'un ti Sinaie.
20-21C'alal laj xa yich' tsaquel sbiic ti jujuvoc' ti totil me'il yu'unique, jech c'u cha'al tsacbil sbiic ta jujun ti jtob jabil yich'oje, xchi'uc ti x'ech' ta jtob jabil yich'oje, ti jujun ta scotolic ti chapal sc'oplal ti xu' ta xloq'uic ta ac'-letoe, ja' loc' ta chapel jech c'u cha'al li'e:
Ta sventa xnich'nab ti Rubén ti ja' sbanquilal nich'on ti Israele, ti jech ayanem snitilultac ta jvoc' ti totil me'il yu'unique, ja' loc' ta chapel vaquib yoxvinic ta mil xchi'uc vo'ob ciento (46,500) ti viniquetic ti baxbolic ta ac'letoe.
22-23Ta sventa xnich'nab ti Simeone, ti jech ayanem snitilultac ta jvoc' ti totil me'il yu'unique, ja' loc' ta chapel balunlajuneb yoxvinic ta mil xchi'uc vo'lajunvinic (59,300) ta vo'.
24-25Ta sventa xnich'nab ti Gade, ti jech ayanem snitilultac ta jvoc' ti totil me'il yu'unique, ja' loc' ta chapel vo'ob yoxvinic ta mil xchi'uc o'lol yucubal ciento (45,650) ta vo'.
26-27Ta sventa xnich'nab ti Judae, ti jech ayanem snitilultac ta jvoc' ti totil me'il yu'unique, ja' loc' ta chapel chanlajuneb xchanvinic ta mil xchi'uc vaquib ciento (74,600) ta vo'.
28-29Ta sventa xnich'nab ti Isacare, ti jech ayanem snitilultac ta jvoc' ti totil me'il yu'unique, ja' loc' ta chapel chanlajuneb yoxvinic ta mil xchi'uc chanib ciento (54,400) ta vo'.
30-31Ta sventa xnich'nab ti Zabulone, ti jech ayanem snitilultac ta jvoc' ti totil me'il yu'unique, ja' loc' ta chapel vuclajuneb yoxvinic ta mil xchi'uc chanib ciento (57,400) ta vo'.
32-33Ta sventa xnich'nab ti Efraín ti ja' xnich'on ti Josee, ti jech ayanem snitilultac ta jvoc' ti totil me'il yu'unique, ja' loc' ta chapel cha'vinic ta mil xchi'uc vo'ob ciento (40,500) ta vo'.
34-35Ta sventa xnich'nab ti Manasés ti ja' xnich'on ti Josee, ti jech ayanem snitilultac ta jvoc' ti totil me'il yu'unique, ja' loc' ta chapel lajcheb xcha'vinic ta mil xchi'uc lajunvinic (32,200) ta vo'.
36-37Ta sventa xnich'nab ti Benjamine, ti jech ayanem snitilultac ta jvoc' ti totil me'il yu'unique, ja' loc' ta chapel vo'lajuneb xcha'vinic ta mil xchi'uc chanib ciento (35,400) ta vo'.
38-39Ta sventa xnich'nab ti Dane, ti jech ayanem snitilultac ta jvoc' ti totil me'il yu'unique, ja' loc' ta chapel chib xchanvinic ta mil xchi'uc vucub ciento (62,700) ta vo'.
40-41Ta sventa xnich'nab ti Asere, ti jech ayanem snitilultac ta jvoc' ti totil me'il yu'unique, ja' loc' ta chapel jun yoxvinic ta mil xchi'uc vo'ob ciento (41,500) ta vo'.
42-43Ta sventa xnich'nab ti Neftalie, ti jech ayanem snitilultac ta jvoc' ti totil me'il yu'unique, ja' loc' ta chapel oxlajuneb yoxvinic ta mil xchi'uc chanib ciento (53,400) ta vo'.
44Ja' jech s'elan loc' ta chapel ti tsacob-biil laj spas ti Moisese, ti Aarone, xchi'uc ti lajcheb banquilaletic yu'un ti israeletic ti ja' jtsobvanejetic yu'un ti jujuvoc' nitilulile: 45Ti israeletic ti jtob jabil yich'oje, xchi'uc ti x'ech' ta jtob jabil yich'ojique, ti baxbolic ta ac'-letoe, 46ja' loc' ta chapel ti ta scotolique, ja' oxib yucubal ciento ta mil xchi'uc o'lol svaquibal ciento (603,550) ta vo'.
Ta xich' va'anel ta abtel ti levitaetique
47Yan ti levitaetique mu'yuc laj yich'ic tsaquel ta atel jmoj xchi'uc snitilultac ti smolmuc'totic ta vo'nee. 48Yu'un ti Diose xi ono'ox laj scaj'albe ya'i ti Moisese: 49“Yu'un ti c'alal ta xatsac ti biil ta stojol ti israeletique, mu me xatsac ta atel xchi'uc ti jvoc' snitilultac ti Levie. 50Yu'un ti levitaetique, ja' tsots sc'oplal ta xavac'be sbainic ta yabtelanel ta sq'uelel ti Axibalna yu'un ti tratee, xchi'uc scotol ti c'usitic oy yu'une, xchi'uc ti c'usitic ta xtun ti ja' yu'un ti Axibalnae. Yu'un ja' yabtelic ta sbainic ta yich'el batel ti Axibalnae, xchi'uc ti c'usitic oye, xchi'uc scotol ti c'usitic ta xtune. Ja' jech xtoc ja' yabtelic ti ta sjoy sbaic ta sq'uelel ti Axibalnae. 51Va'i un, c'alal mi ta sc'an cuchel batele, ja' ta slilinic, ja' ta sva'anic ta ach' xtoc ti bu ta xc'ot alaman abaic ta nacleje. Scotol ti buch'uuc no'ox ta xnopaj batel ta sts'el ti Axibalna ti ma'uc sventainojique, mil xi ya'i yajval. 52Ti yan israeletique jech ta slaman sbaic ta naclej jech c'u cha'al ta spasic ti soldadoetique, yu'un slecoj-lecoj ti jujuvoq'ue, ti ta svol sbaic ti bu ta spajan ti sbanderaique. 53Ja'uc ti levitaetique ta sjoy sbaic ta naclej ta spat Axibalna yu'un ti tratee, xchi'uc ta xchabiic yo' jech mu x'ilin ti Dios ta stojol ti israeletique.”
54Jech ti israeletique ja' jech laj spasic scotol jech c'u cha'al albat mantal ti Moisés yu'un ti Diose.

Currently Selected:

Números 1: TZC00

Highlight

Share

Copy

None

Want to have your highlights saved across all your devices? Sign up or sign in

YouVersion uses cookies to personalize your experience. By using our website, you accept our use of cookies as described in our Privacy Policy