Nehemías 1
1
Ti Nehemiase c'opoj ti'in ta sventa ti steclumale
1Li'e, ja' sc'oplal slo'il ya'yejal ti Nehemías xnich'on ti Hacaliase. Ti jtob xa jabil yochel ta ajvalilal ti Artajerjese,#Esd 4.7. ta yual ti sbiinoj Quisleue, ti vu'un Nehemiase, ja' o oyun ta jteclum Susa. 2Ja' o c'ot ta loq'uel ti jchi'il ta voq'uel Hananie, xchi'uc jun chib viniquetic ti liquem ta Judae, lic jac'beic sc'oplal ti c'u s'elan ti Jerusalene, xchi'uc ti judaetic ti cuch to yu'un spojel sbaic ti bec'bil ox ta xloq'uique. 3Xi laj stac'beicun une: “Ti buch'utic cuch to yu'un spojel sbaic ti c'alal bec'bil to ox xloq'uique, naquiic ta yosilal ti jteclume, ti oyic ta vocole xchi'uc ti c'otemic ta j'ac'-lo'il-maxile. Ja'uc ti Jerusalene, laj slilinbeic ti smocale, xchi'uc laj sculbeic sc'ac'al ma' ti sti'taque.”
4C'alal laj ca'i ti va'i yelanil c'ot ta pasele, lichoti yoq'uitael jba. Oy jayibuc c'ac'al mu x'ech' ti at-o'ntone, lic jcomtsan cot, lic c'opojcun ti'incun ta stojol ti Dios ti oy ta vinajele. 5Xichi laj calbe une: “Cajval, Dios yu'un ti vinajele, muc'ul Dios ti jelavem xu' avu'un ti xi'bal abae, ti staoj yav ti atratee, ti yutsil avo'nton ta stojol ti buch'utic jun yo'nton ta atojol ti ta xc'ot ta pasel yu'unic ti amantaltaque, 6avocoluc un cha'e, c'ac'al ac'ubaluc, ts'etan achiquin ta ya'yiel ti jc'opojel jti'inel ta atojol sventa ti avajtuneltac israeletique. Ta xca'i ta co'ntoncutic laj jta jmulcutic ta atojol ti vu'uncutic israeluncutique. ¡Ti vu'un xchi'uc ti c'u yepal ti cuts' calale, laj xa jsa' ti jmulcutique! 7Chopol ta j'ech'el ta aba ta asat ti bu laj jtamcutic batele. Mi jutebuc c'ot ta pasel cu'uncutic ti amantaltaque, ti oy c'usi jbel albil avu'une, xchi'uc ti c'usitic nopbil avu'un ti laj avac'buncutic comel ta sventa ti avajtunel Moisese. 8Ta jt'ambot ava'i ti jech ono'ox laj acaj'albe ya'iique, ti ta xataniuncutic batel ta sbejel banomil mi ta jsa' ti jmulcutique.#Lv 26.33; Dt 28.64. 9Yan mi ta jcha'naban jbacutic ta atojole, mi ta xc'ot ta pasel cu'uncutic ti amantaltaque, mi ta xlic cabtelancutic ta spasel ti c'usi ta xale, manchuc mi tanijemuncutic xa batel ta spajeb ti banomile, ta xbat atsobuncutic talel c'alal to ti bu taje. Ta xlic acha'ic'uncutic sutel ta ch'ul banomil ti bu laj at'uj ta sventa avich'el ta muq'ue.#Dt 30.1-5.
10“Ti avajtuneluncutique, ateclumaluncutic ti laj apojuncutic ta sventa ti amuc'ul atsatsale.#Dt 9.29. 11Avocoluc un cha'e, Dios, abolajan cu'un ti jech ta xa jtaot ta c'oponele, ti jech xvocolet ti avajtuneltaque, ti c'ajomal no'ox oy ta yo'nton ti ich'bilucot ta muc' yu'une. Ta jc'anbot xtoc ta atojol ti coltabilucun avu'une, ti lecuc xiyil ti ajvalile.”
Currently Selected:
Nehemías 1: TZC00
Highlight
Share
Copy
Want to have your highlights saved across all your devices? Sign up or sign in
Biblia en Tzotzil de Chamula, Chiapas, México © Sociedad Bíblica de México, A.C. 2000