ZEFANIAH 1
1
1Judah siangpahrang Amon fapa Josiah chan ah Zefaniah sinah Pathian bia a phanmi cu hihi a si. Zefaniah cu Kushi fapa a si, Kushi cu Gedaliah fapa a si, Gedaliah cu Amariah fapa a si, Amariah cu Hezekiah fapa a si. #2Sia 22.1—23.30; 2Cha 34.1—35.27
Judah le A Pawngkam Ram Hna Rawhnak Kong
2Vawlei cung i a ummi thil vialte cu
thiang tein ka phiah hna lai, tiah
Bawipa nih a ti.
3Minung he saram he ka phiah hna lai,
Van i a zuangmi va hna le rili chung i
a ummi nga hna cu ka phiah hna lai.
Miṭhalo cu ka hrawh hna lai i minung
cu vawlei cungin ka hloh lai, ti hi
Bawipa bia hrimhrim a si.
4Judah ram cungah le Jerusalem khua
chung i a ummi vialte hna cungah
khan ka kut ka samh lai;
Baal biaknak thil a tang rihmi kha
a hmanung bik tiangin
ka hrawh lai,
An siasal tlangbawi hna min
zong kha,
hi hmun hin ka hloh hna lai;
5Annih nih vancung thil biak awkah
khan inncung ah an kun tawn i
Milkom khuazing min in chiat
an ser tawn;
6 Bawipa kha hnulei an chit i Bawipa kha
an kawl lo i ruahnak an hal lo.
7 Bawipa ni cu a nai caah Bawipa hmaiah
dai tein um u!
Bawipa nih raithawinak kha a timh
cang i a sawmmi hna cu a thianter
cang hna.
8 Bawipa raithawinak ni ah cun,
Siangpahrang innchungkhar hna le
cu innchungkhar chung i bawi upa
bikbik hna le ramdangmi thuam
a canwgmi vialte hna cu dan
ka tat hna lai.
9Khi ni ah cun an bawipa biakinn
tual i a lammi vialte kha
dan ka tat hna lai i
An bawipa inn zaang-ennak
ṭhat lonak le hlennak in
a khahtertu vialte hna cu
dan ka tat fawn hna lai.
10Khi ni ah Nga Kutka timi in
au thawng kha a rung thang lai i
Sang Hnihnak in ṭah thawng kha
a thang lai;
Thawng fakpi kha tlang cungin
a rung thang lai;
11Cun khua taw i a ummi hna cu
an ṭap an kiao lai,
Zeicahtiah chawlet chawhrawl vialte
cu an dih cang i
Ngun in chaw aa caw aa zuarhmi
vialte hna kha an lo cang, tiah Bawipa nih a ti.
12Khi caan ah Jerusalem cu meiinn he
ka kawl lai i
An zu ne a rak ri i a rak i ṭhutpi ko i,
“Bawipa nih cun a ṭha zong
a chia zong zeihmanh a tuah
lai lo,” tiah a timi hna kha
dan ka tat hna lai.
13An chawva vialte kha ramhpiak
an si lai i
an inn cu hrawhpiak an si lai;
Inn cu an sak hna lai, sihmanhsehlaw
an umnak hna lai lo,
Mitsur dum cu an ser hna lai,
sihmanhsehlaw mitsur hang cu
an ding lai lo.
Bawipa Ni
14 Bawipa ni a liannganmi cu a nai cang,
khulrang in a ra lio;
Cu ni a thawngpang cu a khaat in
a kha, ralkap ralṭha bik hmanh
lungdong in an au.
15Cu ni cu thinhunnak ni a si,
Cu ni cu vansang-auhnak le
hremnak ni a si,
Cu ni cu rawhnak le ralnak ni a si,
Cu ni cu muihnak le khuachiat ni a si,
Cu ni cu khuadawm le minmei zelh ni
a si,
16Cu ni cu kulhmi khua hna le ralhau
sang pipi cung i muko thawng le
raltuknak au thawng theih ni a si.
17 Bawipa nih,
“Minung cungah a fakmi harnak kha
ka tlunter lai;
Bawipa cung i an sual ruangah khan
mitcaw bantukin an i chawk lai.
An thi cu ti bantukin thlet a si lai i
an ruak zong ek bantukin hlonh
a si lai,” a ti.
18Annih khamhnak caah
an ngun siseh, an sui siseh,
zeihmanh an ṭhahnem lai lo.
Bawipa thinhun ni ah cun Bawipa
nih khan cu ram cu a ning piin
a nahchuahnak mei in
a khangh dih lai i cu ram chung i
a ummi vialte hna cu
khulrang tein an donghnak kha
a phakter hna lai.
Currently Selected:
ZEFANIAH 1: HCL06
Highlight
Share
Copy
Want to have your highlights saved across all your devices? Sign up or sign in
Lai (Hakha) Common Language Bible © Bible Society of Myanmar 2006