2 John 1
1
1Pawlpi Upa pa tung pan —
Ka it tatak a ithuai nupi le a tate tungah lai kong thaak hi. Tuaciang keima bek hi ngawlin thumaan thutak a he theampo in no hong it uh hi, 2banghang ziam cile thumaan thutak sia ei sungah om a, a tawntungin om top tu hi.
3Pa Pathian le Pa ii Tapa Jesus Christ in thuthiamna, hesuakna le thinnopna hong pia tahen; thumaan thutak le itna sungah tua thute ei aa hi tahen.
Thumaan Thutak le Itna
4Na tate pawlkhat sia Pa ii hong thupiakna bangin thumaan thutak sungah om hi ci in ka mu ciangin ka lungdam mama hi. 5Tua ahikom, ka it Nupi nu awng, nang tungah kong nget nop sia: eite khat le khat ki it tawng ci thu hi. Hi kong at thu sia thupiak thak hi ngawl a; a kipatciil pan ih nei thupiak sia ma ahi hi. #Jn 13:34; 15:12,17 6Tu a ka son itna ii khiakna sia Pathian thupiakte zui in ih nuntak kul hi cinopna hi. A kipat pan na zaak siat sa uh bangma note theampo sia ki itna taw na nuntak uh kul hi, ci in thupiakna om hi.
7Leitung theampo ah ngual theam theite tam mama pai kawkoai zo a, tua mite in Jesus Christ sia mihing in hong pai hi ci in saang nuam ngawl uh hi. Tua bang mihing khat sia ngual theampa hi a, Christ ii Ngal ahi hi. 8Tua ahiciang ih sepna sa teng atu taan ngawlin na thaman a cingin na nga natu in kikeam tavun.
9Christ ii hilcianna sungah om nuam ngawlin, a pai khial pawpo in Pathian a nei bua hi. Hilcianna sungah a kip peuma in Pa le Tapa nei khawm uh hi. 10Tua ahikom khatpo hong pai a, hi hilcianna hong keng bua uh le na inn sung uh ah tungsak heak vun; “Thinnopna na nga tan,” zongh na ci heak vun. 11Banghang ziam cile ama tungah thinnopna a om tu, a deisak khat pawpo in ama ii ngamtat siatnate sungah kipawl khawm ahi hi.
A Khakbel Kammalte
12Kong son tu tam mama om ahihang laikung laite taw hong at ngawl zaw tu khi hi; ih lungdamna a kicin natu keima hong haw in maitang kisi a thuson tu ka lamen zaw hi.
13Na it na Suapuinu ii tate in paupuina kam hong thaak hi.
Currently Selected:
2 John 1: SCB2
Highlight
Share
Copy
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016