MATTHAI 1
1
Jesuh Suahkehhnak Thu
1Jesuh suahkehhnak thu tu hetihin i. Ani tu Abraham ai sen mi David ai tesinfa i.
2Abraham ai fapa tu Isaac i. Isaac ai fapa tu Jacob i. Jacob ai fapa tu Judah le a unaute i. 3Judah ai fapate tu Perez le Zerah (a nu tu Tamar), Perez ai fapa tu Hezron i, Hezron ai fapa tu Ram i, 4Ram ai fapa tu Amminadab i, Amminadab ai fapa tu Nahshon i, Nashon ai fapa tu Salmon i, 5Salmon ai fapa tu Boaz (a nu tu Rahab) i, Boaz ai fapa tu Obed (a nu tu Ruth) i, Obed ai fapa tu Jesse i. Jesse ai fapa tu kumpibawi David i.
6David san ai panin Israel mite Babylon ramah sal a tang tian a pupate tu a hnia lamai bangin i. David ai fapa tu Solomon (a nu tu Uriah ai nupui awng) i. 7Solomon ai fapa tu Rehoboam i, Rehoboam ai fapa tu Abijah i, Abijah ai fapa tu Asa i. 8Asa ai fapa tu Jehoshaphat i, Jehoshaphat ai fapa tu Joram i. Joram ai fapa tu Uzziah i. 9Uzziah ai fapa tu Jotham i, Jotham ai fapa tu Ahaz i, Ahaz ai fapa tu Hezekiah i. 10Hezekiah ai fapa tu Manasseh i. Manasseh ai fapa tu Amon i, Amon ai fapa tu Josiah i. 11Josiah ai fapa tu Jehoiachin le a unaute i.#2Kum 24:14, 15; 2San 36:10; Jer 27:20
12Babylon saltanghnak in Bawi Jesuh a te tian a hnia lamai bangin i. Jehoiachin ai fapa tu Shealtiel i, Shealtiel ai fapa tu Zerubbabel; 13Zerubbabel ai fapa tu Abiud i, Abiud ai fapa tu Eliakim i, Eliakim ai fapa tu Azor i, 14Azor ai fapa tu Zadok i, Zadok ai fapa tu Achim i, Achim ai fapa tu Eliud i, 15Eliud ai fapa tu Eleazar i, Eleazar ai fapa tu Matthan, Matthan ai fapa tu Jacob i, 16Jacob ai fapa tu Joseph i, Joseph tu Mary ai pasal i, Mary tu Messiah tihnak Jesuh ai nu i.
17Ciamanin Abraham in David tian san hlaili; David in Babylon ai sal a tang tian san hlaili, sal a tanghnak in Messiah a te tian san hlaili i.
Jesuh Khrih Tehnak
(Luk 3:23-38)
18Jesuh Khrih tehnak tu hetihin i. A nu Mary tu Joseph in thawlthan ai a hoi dun hlanah Rauhla Thianghlim ai fa nai tuh ing ti ling i.#Luk 1:27 19A pasal Joseph tu mi nun pha i ai Mary hmingsia siang lo manin thawlthanhnak a thupniu in pelh tuhin ngaisung i. 20Ciami thu a ruat hnelhno laitak ah a mang ah Bawipa ai vancungmi pakhat a hnenah lar ai, “David tesinfa Joseph, Mary heh na nupui ai hoi tuhin lau mah. Zaimantifangin fa a paihnak heh Rauhla Thianghlim thawmin i. 21Amah in fapa nai tuhai a hming Jesuh tiin bawn tuh isi, zaimantifangin a minungte khiah amahte sualhnak in o tuh i,” tiin ti i.#Luk 1:31; Saam 130:8
22 Bawipa in prophet hnenin, 23“Fenu him pakhat in naupai tuhai fapa nai tuh i, a hming Emmanuel tiin ko tuh i,” tiin a relciahnak khim tuhin he bangin thil cang i. (Emmanuel tihnak tu “Pathian kin hnenah um i,” tica i).#Isa 7:14
24Joseph tu a phawk fangin, Bawipa ai vancungmi ruaihnak bangin Mary khiah hoi i. 25Ikhalselai fapa a te hlan tian itpui lo i. Fapa in nai ai a hming ah Jesuh tiin bawn i.#Luk 2:21
Currently Selected:
MATTHAI 1: RZB
Highlight
Share
Copy
Want to have your highlights saved across all your devices? Sign up or sign in
Zanniat Bible © Bible Society of Myanmar, 2018.