Matayo ENAITURUK
ENAITURUK
Ore ilomon supati ootisira Matayo, nelimu ilomon supati oojo ore Yesu naa ninye apa Olaitajeunoni otolimuoki, laa te ninye eitabayie Enkai enkisiligata apa naisiligie iltung'ana lenyena to Sotua Musana. Ore kulo omon supati; neme ilo ltung'ana loo Lyahudi ake hoo naa teine apa etoiwuoki Yesu, nemanya sii kake ile nkop pooki.
Ore embuku e Matayo neigero te nkiririkinoto. Keiteru te inoto e Yesu, nelimu enkibatisa enye o entemata enye pee etem Oloirirua o enkiterunoto e siaai enye elikioroto ororei o enkiteng'enare enye o enkishiunoto naishiunye olorere te Galilaya. Ore pee eishunye kuna neutu embuku e lototo e Yesu eing'uaa Galilaya alo Yerusalem o mbaa e Yesu o erishata enye nabayie o metabaiki enkata natashoki to salaba o empiunoto enye.
Eibalie ena buku Yesu anaa olaiteng'enani kitok, laa keeta engolon nalimu aibalunye inkitanapat e Nkai neiteng'enisho to mbaa sii naaipirta enkitoria e Nkai. Ore inkiteng'enat enyena neoro katitin imiet. (1) Enkiroroto elimunoto oo lomon to ldoinyio ooutu olkuaak, o isiaaitin, o mayianat, o enkiting'oto e lelo ajung'ok le nkitoria e keper 5-7 (2) Inkiteng'enat naaipirta lkipaareta tomon aare te siaai enye (10); (3) Inkitanyaanyukot naaipirta enkitoria e keper (13); (4) Enkiteng'enare naipirta lkipaaretasho (18); (5) Enkiteng'enare naipirta enkiting'oto ena kishon o elotunoto enkitoria e Nkai eing'uaa keper (24 - 25).
Iorot oo Matuan
Entipat o einoto e Yesu Kristo 1.1–2.23
Enkisiaayiare e Yohana Olaibatisani 3.1-12
Enkibatisa o entemata natetemaki Yesu 3.13–4.11
Enkisiaayiare e Yesu te Galilaya 4.12–18.35
Eiteru Yesu te Galilaya ometabaiki Yerusalem 19.1–20.34
Erishata nabayie etii atua o embata e Yerusalem 21.1–27.66
Empiunoto o enkipang'akinoto o Laitoriani 28.1-20
Currently Selected:
Matayo ENAITURUK: BIBLIAPRO
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2018