Matthew 1
AQ

Matthew 1

1
18Ilaa Jesus Christim irnianguninga imaatun ittuq. Arnanga Mary uqarijaqtaupluni Josephmun katitinnagik hingailiqtuq Anirnimin Nakuujumin. 19Uikhaqtaali Joseph nakuugami kannguhuktittumanginamiuk Mary arnam uqariijauta ipirakhaujukhaunahugivaktaa katitinnatik. 20Talva taimaittumik ihumaliqtillugu Atan'ngum ihalrulingita hakjairvigijaa hinnakturningani uqaqhuni, “Joseph Davidim irninga nuliarigungni Mary kamahuktaililutin taffuma hingaijaa pingman Anirnimin Nakuujumin; 21angutinnuamik nutaraningniaqtuq. Tamna attirniaqtan Jesusmik taffuma inugijani annautihungungmagit huinniqutainnin.” 22Hapkua taimaihiqtukhaujun Atan'ngum uqauhiit uqaqtauhimajun nalauttaijitigun itqaumapkaqtauquplugit. 23Uilgahuk angutitujuittuq hingaihungujuq irniquplugu, taffuma atiqtakhaa “Immanuelmik” (atip itqumajjuta imaatun ittuq “God uvaptingniittuq”). 24Talva Joseph tupakkami ihalrulgum uqauhiit tuhaagamigit nuliakhani aijaa 25atungittaraluanga irniniktinagu; taffuma attiqtaa Jesusmik.

Encouraging and challenging you to seek intimacy with God every day.


YouVersion uses cookies to personalize your experience. By using our website, you accept our use of cookies as described in our Privacy Policy.