Zakarii 12
12
Zyerusalɛmi syɔɔli kéele kapɛɛnni ma
1Joogbanna, Yawe syɛ́ɛnri Isirayɛli kéeli na. Yawe wi nyɛ̀ʔɛgèle yérige ǹjogi ni lè, níì tári kàpɔɔn le, ní wɔ́ɔ̀ syɔɔn pili sámaga wi ni lè, wi n jo:
2«Wéle, mii tiimaa a Zyerusalɛmi kpéʔele yɛɛwɔɔ̀ yagbaʔa syɛɛnfeleyi myɛ ma yi wi màʔa lè, Zyuda si na, ànbée ki a wɔ́ɔ kpéʔele woro na lǎli ni pe ga tɛ́ɛn Zyerusalɛmi taana kapɛɛnni kánma na lè, 3cángi bee na mii a Zyerusalɛmi kpéʔele kàdɛnɛgɛ, gee syɛɛnfeleyi myɛ a ra caa bi láa yìrige lè. Bele myɛ pe ga ni caa bi gi láa yìrige lè, pe a kpàli gbanʔama. Tári syɛɛnfeleye myɛ si a yiyɛɛ gbóʔoro gi kánmi na.» 4Yawe n jo: «Cángi bee na, mii a nyáʔamina wáa syɔ́ɔnyi myɛ na, si cúromɔ wáa yi tɛ́ɛnfɔbèle na. Kàjáa mii nyɛ́nɛ a pye Zyuda kpáagi wòolo na, mii si a syɛɛnfeleyi syɔ́ɔnyɔ myɛ kpúmɔn ní fúunro ní. 5Zyuda kùndigibèle a ra gi nyuu be fúnyi ni si jo: ‹Zyerusalɛmi ye be nyɛ wolo fǎngi, Yawe wi lè Nyɛ̀ʔɛni Sùlasiibéle Kafɔlɔ, pe Kolocɔlɔw, woro bárigaw ni.› 6Cángi bee na mii a Zyuda kùndigibèle kpéʔele àmɛɛ naakpɔʔɔ kpùmɔnʔɔnɔ nyɛ lè kàjere nínge ni, ní àmɛɛ nìmubwɔɔlɔ náa nyɛ lè bilepwɔɔgéle láara ni. Syɛɛnfeleyi myɛ yi be màʔa lè, pe a yi kálagi péw kàliige, ní kàmɔnɔ ma. Zyerusalɛmi ye si a ní kòro yaà wodɛ́ɛnbéle ní be tɛ́ɛgi ni ki lè Zyerusalɛmi.»
7Yawe a Zyuda kpáagi wòolo syɔɔ gbɛnʔɛnɛ, koro ga pye Davidi yòdaʔayi, ní Zyerusalɛmi ye a kɔ́ ra gi sɔ̀ngi bi jo poro n sɔ̀lɔ Zyuda syɛ́ɛnbèle wozanbèlē na í. 8Cángi bee na Yawe a Zyerusalɛmi ye tɔ́n. Wàa ga ni fági be ni, woro a pye cángi bee na mɔ a jo Davidi wii. Davidi kpáagi si pye mɔ a jo Kolocɔlɔɔ wii, bi pye mɔ a jo Yawe nyɛ̀ʔɛni tunduɔn wii pe yɛʔɛ̀ ma.
Kùu káyaʔa tári myɛ ni
9Cángi bee na syɛɛnfeleyee myɛ yi a pan Zyerusalɛmi kánmi na lè, mii a kanmaa pye bi yi kálagi. 10#Zyan 19:37; Tɛ̀ɛn 1:7 #Mat 24:30; Tɛ̀ɛn 1:7Lǎli bee ni mii a kpɔʔɔrɔ pìle ní nyɛ́ɛrigbɔʔɔ pile tìrige bi tɔ́n Davidi kpáagi, ní Zyerusalɛmi ye na, pe si a ra wéle mii ma, mii wee be súu n fùru lè. Pe a pye wi kùu káyaagi na, àmɛɛ syɔɔn gáà pye pìinibinge kuu káyaʔa na lè, pe a ra nyaan wi kéeli na gbanʔama, àmɛɛ syɔɔn nyaan lè gbanʔama pìiselio fɔnnɔ kéele na. 11Cángi bee na kùu káyaagi a kpɔ́ʔɔ Zyerusalɛmi ni, àmɛɛ Hadadirimɔn kùu káyaagi pye lè Megido jǐnlɔgi ni. 12Tári a pye kùu káyaʔa na, nariga o nariga a pye gi woʔò na ki nibin. Davidi syɛɛnfelegi nariga a pye gi woʔò na ki nibin, cébèle a pye pe woʔò na pe yagwɔɔlɔ. Natan syɛɛnfelegi nariga a pye gi woʔò na ki nibin, cébèle a pye pe woʔò na pe yagwɔɔlɔ. 13Levii syɛɛnfelegi nariga a pye gi woʔò na ki nibin, cébèle a pye pe woʔò na pe yagwɔɔlɔ. Syimeyii syɛɛnfelegi nariga a pye gi woʔò na ki nibin, cébèle a pye pe woʔò na pe yagwɔɔlɔ. 14Nariyi wozanya myɛ a pye yi woyò na nibin nibin, cébèle a pye pe woyò na pe yagwɔɔlɔ.
Currently Selected:
Zakarii 12: CB10
Highlight
Share
Copy
Want to have your highlights saved across all your devices? Sign up or sign in
Kolocɔlɔɔ Syɛ́ɛnri © Bible Society of Côte d'Ivoire, 2008.
Zakarii 12
12
Zyerusalɛmi syɔɔli kéele kapɛɛnni ma
1Joogbanna, Yawe syɛ́ɛnri Isirayɛli kéeli na. Yawe wi nyɛ̀ʔɛgèle yérige ǹjogi ni lè, níì tári kàpɔɔn le, ní wɔ́ɔ̀ syɔɔn pili sámaga wi ni lè, wi n jo:
2«Wéle, mii tiimaa a Zyerusalɛmi kpéʔele yɛɛwɔɔ̀ yagbaʔa syɛɛnfeleyi myɛ ma yi wi màʔa lè, Zyuda si na, ànbée ki a wɔ́ɔ kpéʔele woro na lǎli ni pe ga tɛ́ɛn Zyerusalɛmi taana kapɛɛnni kánma na lè, 3cángi bee na mii a Zyerusalɛmi kpéʔele kàdɛnɛgɛ, gee syɛɛnfeleyi myɛ a ra caa bi láa yìrige lè. Bele myɛ pe ga ni caa bi gi láa yìrige lè, pe a kpàli gbanʔama. Tári syɛɛnfeleye myɛ si a yiyɛɛ gbóʔoro gi kánmi na.» 4Yawe n jo: «Cángi bee na, mii a nyáʔamina wáa syɔ́ɔnyi myɛ na, si cúromɔ wáa yi tɛ́ɛnfɔbèle na. Kàjáa mii nyɛ́nɛ a pye Zyuda kpáagi wòolo na, mii si a syɛɛnfeleyi syɔ́ɔnyɔ myɛ kpúmɔn ní fúunro ní. 5Zyuda kùndigibèle a ra gi nyuu be fúnyi ni si jo: ‹Zyerusalɛmi ye be nyɛ wolo fǎngi, Yawe wi lè Nyɛ̀ʔɛni Sùlasiibéle Kafɔlɔ, pe Kolocɔlɔw, woro bárigaw ni.› 6Cángi bee na mii a Zyuda kùndigibèle kpéʔele àmɛɛ naakpɔʔɔ kpùmɔnʔɔnɔ nyɛ lè kàjere nínge ni, ní àmɛɛ nìmubwɔɔlɔ náa nyɛ lè bilepwɔɔgéle láara ni. Syɛɛnfeleyi myɛ yi be màʔa lè, pe a yi kálagi péw kàliige, ní kàmɔnɔ ma. Zyerusalɛmi ye si a ní kòro yaà wodɛ́ɛnbéle ní be tɛ́ɛgi ni ki lè Zyerusalɛmi.»
7Yawe a Zyuda kpáagi wòolo syɔɔ gbɛnʔɛnɛ, koro ga pye Davidi yòdaʔayi, ní Zyerusalɛmi ye a kɔ́ ra gi sɔ̀ngi bi jo poro n sɔ̀lɔ Zyuda syɛ́ɛnbèle wozanbèlē na í. 8Cángi bee na Yawe a Zyerusalɛmi ye tɔ́n. Wàa ga ni fági be ni, woro a pye cángi bee na mɔ a jo Davidi wii. Davidi kpáagi si pye mɔ a jo Kolocɔlɔɔ wii, bi pye mɔ a jo Yawe nyɛ̀ʔɛni tunduɔn wii pe yɛʔɛ̀ ma.
Kùu káyaʔa tári myɛ ni
9Cángi bee na syɛɛnfeleyee myɛ yi a pan Zyerusalɛmi kánmi na lè, mii a kanmaa pye bi yi kálagi. 10#Zyan 19:37; Tɛ̀ɛn 1:7 #Mat 24:30; Tɛ̀ɛn 1:7Lǎli bee ni mii a kpɔʔɔrɔ pìle ní nyɛ́ɛrigbɔʔɔ pile tìrige bi tɔ́n Davidi kpáagi, ní Zyerusalɛmi ye na, pe si a ra wéle mii ma, mii wee be súu n fùru lè. Pe a pye wi kùu káyaagi na, àmɛɛ syɔɔn gáà pye pìinibinge kuu káyaʔa na lè, pe a ra nyaan wi kéeli na gbanʔama, àmɛɛ syɔɔn nyaan lè gbanʔama pìiselio fɔnnɔ kéele na. 11Cángi bee na kùu káyaagi a kpɔ́ʔɔ Zyerusalɛmi ni, àmɛɛ Hadadirimɔn kùu káyaagi pye lè Megido jǐnlɔgi ni. 12Tári a pye kùu káyaʔa na, nariga o nariga a pye gi woʔò na ki nibin. Davidi syɛɛnfelegi nariga a pye gi woʔò na ki nibin, cébèle a pye pe woʔò na pe yagwɔɔlɔ. Natan syɛɛnfelegi nariga a pye gi woʔò na ki nibin, cébèle a pye pe woʔò na pe yagwɔɔlɔ. 13Levii syɛɛnfelegi nariga a pye gi woʔò na ki nibin, cébèle a pye pe woʔò na pe yagwɔɔlɔ. Syimeyii syɛɛnfelegi nariga a pye gi woʔò na ki nibin, cébèle a pye pe woʔò na pe yagwɔɔlɔ. 14Nariyi wozanya myɛ a pye yi woyò na nibin nibin, cébèle a pye pe woyò na pe yagwɔɔlɔ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Kolocɔlɔɔ Syɛ́ɛnri © Bible Society of Côte d'Ivoire, 2008.