MALAKAI 4
4
Rahnen KAUN-O Kohkohdo
1KAUN-O, Wasa Lapalap, ahpw mahsanih, “Rahn ehu pahn kohdo me aramas koaros me pohnmwahso oh suwed pahn isihsla, rasehng mwuten dihpw meng. Ni rahno irail koaros pahn rongala, sohte pahn luhwarail. 2Ahpw ei manaman en komour pahn mihmi pohmwail me kin peikiong ie, rasehng dakadahn ketipin, oh e pahn kamwahwihkumwailla, rasehng lingaling en ketipin. Kumwail ahpw pahn saledekla oh pereperen, rasehng koupwul kan me kapedoisang nan kehl. 3Ni rahn me I pahn mwekid, kumwail pahn powehdi me suwed kan, oh re pahn rasehng pwelpar pahn nehmwail kan.
4“Kumwail tamataman padahk en ei ladu Moses, kosonned kan oh koasoandi kan me I ketikihongehr pohn Nahna Sainai pwe mehn Israel koaros en peikiong.
5“I pahn kadarowohng kumwail nei soukohp Elaisa mwohn sapwellimen KAUN-O rahn lapalap oh kamasepwehko eh pahn leledo. #Mad. 11.14; 17.10-13; Mk. 9.11-13; Luk 1.17; Sohn 1.21. 6E pahn pwurehng kapwurepene sahm akan oh nahi kan. Pwe ma soh, pein ngehi uhdahn pahn pwarowei oh kamwomwala amwail wehi.”
Currently Selected:
MALAKAI 4: PON2006
Highlight
Share
Copy
Want to have your highlights saved across all your devices? Sign up or sign in
Copyright © 2006 Bible Society of the South Pacific