MATEO 1
MCH

MATEO 1

1
Jesuuquidiito adai’chomo’jödö
1Edä yää jajeeda imennaajä, Jesuuquidiito adai’chomo’jödö eetöcoomo. Jesuuquidiito cönä’jaacä Dawí weichö, Aawadán weichö mmaja.
2Aawadán nnedö cönä’jaacä Isaaca. Isaaca nnedö cönä’jaacä Jacoowo. Jacoowo nnacoomo cönä’ja’to Judhá, yuichomo mmaja, dhacoono mmaja. 3Judhá nnacoomo cönä’ja’to Jaade, Saada mmaja; yeenötoncomo cönä’jaacä Tamaada. Jaade nnedö cönä’jaacä Eesedón. Eesedón nnedö cönä’jaacä Adaama. 4Adaama nnedö cönä’jaacä Amiinadhaawa. Amiinadhaawa nnedö cönä’jaacä Naasón. Naasón nnedö cönä’jaacä Saadamón. 5Saadamón nnedö cönä’jaacä Wooso; Wooso dhenö cönä’jaacä Dajaawa. Wooso nnedö cönä’jaacä Oweede; Oweede dhenö cönä’jaacä Duuti. Oweede nnedö cönä’jaacä Isaí. 6Isaí nnedö cönä’jaacä cajiichaana Dawí. Cajiichaana Dawí nnedö cönä’jaacä Saadomón; Saadomón dhenö cönä’jaacä Udía jiñamomjödö.
7Saadomón nnedö cönä’jaacä Doowowán. Doowowán nnedö cönä’jaacä Awía. Awía nnedö cönä’jaacä Aasa. 8Aasa nnedö cönä’jaacä Joosajaata. Joosajaata nnedö cönä’jaacä Jodaama. Jodaama nnedö cönä’jaacä Usía. 9Usía nnedö cönä’jaacä Jotaama. Jotaama nnedö cönä’jaacä Acaasa. Acaasa nnedö cönä’jaacä Eesequía. 10Eesequía nnedö cönä’jaacä Maanaseesa. Maanaseesa nnedö cönä’jaacä Amón. Amón nnedö cönä’jaacä Josía. 11Josía nnacoomo cönä’ja’to Jeeconía, dhacontomo mmaja. Ñäädä Jeeconía cönennui Waawidooniya ña jedeesoje iisadaaediitacoomo wataadojoodawäiñe.
12Yää ’jeje Jeeconía nnedö cönennui, Sadaatiyeedeje töwö chäatö. Sadaatiyeede nnedö cönä’jaacä Sodoowaweede. 13Sodoowaweede nnedö cönä’jaacä Aawiyuudu. Aawiyuudu nnedö cönä’jaacä Eediyaquín. Eediyaquín nnedö cönä’jaacä Asoodo. 14Asoodo nnedö cönä’jaacä Sadhooco. Sadhooco nnedö cönä’jaacä Aquín. Aquín nnedö cönä’jaacä Eediyuudu. 15Eediyuudu nnedö cönä’jaacä Edeeasaada. Edeeasaada nnedö cönä’jaacä Matán. Matán nnedö cönä’jaacä Jacoowo. 16Jacoowo nnedö cönä’jaacä José. Ñäädä José cönä’jaacä Madía ño, Jesuuquidiito dhenö ño, ñäädä Äwaanacaaneije tä’täämö.
17Mädä wa’cä cönä’ja’to ñanno Aawadán atöödö; amoojadooto de’wä aacäichea iju’jä cönä’ja’to Aawadán jonno Dawí jona tödööene. Amoojadooto de’wä aacäichea iju’jä mmaja cönä’ja’to Dawí jonno Waawidooniya ña iisadaaediitacoomo wataadojo’jocoomo jona tödööene. Waawidooniya ña yaatadoojo’jocoomo jonno Jesuuquidiito wennudu jona tödööene cönä’ja’to amoojadooto de’wä aacäichea iju’jä mmaja.
Jesuuquidiito wennu’jödö
18Edääje Jesuuquidiito cönennui: Yeenö Madía cönä’jaacä José jadä töwä’döeemöje, töwäätäcamma’jo’jocoomo weijäcä. Yö’tä ä’dö’dadä Madía cönwensu’täi, Epíiditu Santo woije. 19Dhanwa aashichaato José cönä’jaacä, ñäädä iiño; Madía cone’da ecaademe’jo’se’da cönä’jaacä. Tacaade’da mmaane e’nomja’se cönä’jaacä. 20E’nomjadö jäcä chö’tajäätödaawä Cajiichaana amoodedö cönäänejoi chäwwä, iwäänetöödö ai; cönä’döaacä:
—Amäädä José, Dawí weichö, ajiiñamooje Madía tödöödö mma monnontäi. Epíiditu Santo woijato wamoodetaajä ñäädä iiñedö, töwennueemöje naadö. 21Iiñedö nennua’de, dhanwa’cä, Jesuuquidiitoje e’täcä’de. Töwö mädääje nätä’täja’de choone’nadiiyöcoomo jonno tösootoi ewaanacaaneichomooje töweiyemööje töweijäcä; quee cönä’döaacä amoode.
22Tameedä yää cönä’jaacä Cajichaana a’deddu nönge yeichö wetä, yää Wanaadi wa’deuwödö ecammanei cöneecammaichö:
23Dhanwa acä eijönö niwensu’ta’de; iiñedo nennua’de;
Emanweedaje nätä’täja’de; quee cöneecammaichö.
Wanaadi cöjaadäiñe na; quee töwä’dö’se yeichö mädä Emanweeda, quee naadö.
24Tönöcöödö jonno José wä’jäa’jäcä, töwö töjiiñamooje Madía cönnöi, Cajiichaana amoodedö wa’deuwö’jödö nönge. 25Chäänawä ei’cha töweiye cönä’jaacä yaawä iiñedö awa’deeto wennudu wa’cä. Jesuuquidiitoje cöne’täi yaawä.

© 2014 Reservados todos los derechos


Learn more about Wanaadi A'deddu

Encouraging and challenging you to seek intimacy with God every day.


YouVersion uses cookies to personalize your experience. By using our website, you accept our use of cookies as described in our Privacy Policy.