3 Jan 1
1
Lakula bîla
1Yang, serts almukka sna ba, upliki laitwankira Gayo ra naha wauhkataya na ulbisna;#Ap St 19.29; Ro 16.23; 2 Ko 1.14. witinka ra sika kasak pali latwan kaikisna ba.
2Muihki laitwankira, yang bui Gâd ra makabisna sim spirit ra pain auma ba baku, diara sut ra sin pain kama, bara wînam tara sin pain bri kama. 3Wan muihni tila nani balan, bara man kasakkam tânka ba ai win bara uya pali lilia takri, man lika ban diara kasak ba kat wataukisma bamna.#2 Jn 4. 4Diara wala kumi mita sin lilia ai sakras, luhpi nani kasak ba kat taukisa win waluna ba baman lika lilia tara ai sakisa.
5Muihki laitwankira, man lika tânkam kasak pali wal wan muihni nani dukia daukisma, kau pali lika plis wala wina bali nani ba dukiara. 6Latwan kaikisma ba dukiara, baha wan muihni nani mita, Kraist daknika aiska ba mawanra param aisan. Pliskam pali, Gâd pain kaikbia ba tânka kat, man baha nani ai impakanka dukiara hilp muns. 7Kan witin nani, Jisas Kraist warkka dukia daukaia wisi mahka impakisa, bara upla dukia wina hilpka kumi sin briras sa. 8Baha mita yawan bui witin nani ra hilp munaia sa, bamna baku lika aikuki bakahnu diara kasak ba aisi smalkaia dukiara sa.
Diótrefes daukanka nani saura ba bara Demetrio ai tânka pain bri ba
9Yang Kraist daknika ra wauhkataya kum ulbri, kuna Diótrefes wan lâka ba kulkras kan, witin ba tâ uplika aimakaia want sa bamna. 10Baha mita yang wamna ba ra, witin ba maiwanra paiwi lawi daukamna, yang nani ninira aisi si, bara kunin baman sin aisi wataukisa. Bara baha baman apia, kuna wan muihni nani witin ra auya ba pain briras, bara ani uplika baha briaia wibia kaka, mapara aisi bara Kraist daknika tila ba wina kangbi sakisa.
11Muihki laitwankira, tânka saura nani nina blîkpara, kuna tânka pain ba lika. Ya diara pain dauki ba Gâd wina sa, kuna ya saura dauki ba lika, Gâd kakaira apia sa.#1 Jn 2.29; 3.6,9-10.
12Upla sut Demetrio dukiara pain baman aisisa, bara diara kasak ba sin, witin dukiara pain aisisa. Bamna yang nani sin baha witniska nani sna, bara man nani pain nu sma, yang nani lika diara kasak ba dukia nani sna ba.
Prakaia lakula nani
13Yang diara manis brisna mai wiaia, sakuna brin ai daukras ulbi mai wiaia. 14Pat pali mai kaikamna baku sa, bara baha piua ra yawan wal aisabia.
15Kupia kumi lâka ba bri kama. Wan muihni nani nahara na, ai lakula mai blikisa. Pliskam pali, wan uplika nani bani ra laikula yas.
Currently Selected:
3 Jan 1: MSKTU
Highlight
Share
Copy
Want to have your highlights saved across all your devices? Sign up or sign in
© 2010 Bible Society in Nicaragua